位於丸之內嘅酒店品質極佳，而且可以期待佢嘅服務絕對符合呢一帶嘅酒店價位。丸之內係東京嘅商業區，好多大公司嘅總部都設立喺呢度。所以，附近有好多頂級嘅Outlet商店、精美嘅餐廳同博物館都等緊高品味嘅你去造訪㗎。
有關丸之內
喺丸之內，可以乘搭JR山手線嘅電車快速抵達秋葉原，離丸之內嘅酒店只係得兩個站。想去池袋、澀谷、上野同淺草等地，亦只係需要乘搭同線嘅山手線就可以輕易到達。入住丸之內一帶嘅酒店旅館，甚至可以步行至皇居，距離東京車站只係20分鐘路程。
等我哋嚟一齊了解東京車站附近嘅丸之內酒店啦。
東京丸之內都市大酒店 (Hotel Metropolitan Marunouchi)
交通便利係大家選擇四星級東京丸之內都市大酒店嘅原因之一。佢同東京車站直通。每間客房皆備有雪櫃、茶具或咖啡機等設施，仲有平面液晶電視。而酒店仲提供咗其他服務，包括按摩服務，洗衫服務及行李寄放等，以及位於27樓嘅餐廳。
而酒店入面嘅TENQOO餐廳及酒吧坐享東京絕佳美景，並提供法國料理及日式料理。
請留意，酒店大廳位於SAPIA 塔嘅27樓。入住單人房每晚要價19,700円起跳。
景點資訊
- 景點名稱：東京丸之內都市大酒店 (Hotel Metropolitan Marunouchi)
- 地址： 〒100-0005東京都千代田區丸之內1-7-12
- 交通資訊：鄰近東京車站，從日本橋出口可步行至SAPIA 塔。從東京METRO東西線大手町站步行約1分鐘。
東京站大酒店 (Tokyo Station Hotel)
入住嘅酒店如果離車站好遠，對於旅客嚟講非常唔方便。咁點解唔選擇入住靚靚嘅東京車站呢？東京車站喺2012年重新裝修後，重新開放，而其酒店本身已經成為重要嘅文化財產。唔單止係咁，呢間酒店仲成日出現喺諾貝爾獎得主嘅川端康成、仲有江戶川亂步同埋夏目漱石嘅弟子內田百間等作家嘅小說及散文之中。
酒店擁有迷人嘅歐風客房。每間客房入面皆配置咗現代豪華嘅裝飾及設備，好似係迷你酒吧、免費使用嘅智慧型手機。
除咗客房以外，東京站大酒店嘅自助式早餐都係歐式風格，將近110道料理任君挑選。呢度同時亦提供咗西式以及日式早餐，如果你鐘意日本平民美食味噌湯同燒魚，亦可以盡情享用。
標準房型價位從28,663円起跳。入住豪華房型，可能要價高達6萬円。
景點資訊
- 景點名稱：東京站大酒店
- 地址： 〒100-0005東京都千代田區丸之內1-9-1
- 交通資訊： 東京車站丸之內南口直通。
丸之內四季酒店 (Four Seasons Marunouchi)
四季酒店以熱情好客而聞名，係提供極致奢華頂級服務嘅集團酒店。酒店所特殊設計嘅寢具為求令客人有優質嘅睡眠品質。
酒店嘅SPA中心提供免費使用嘅溫泉及桑拿。仲有24小時嘅健身房。你亦可以要求員工親自前往車站迎接。喺Motif法式餐廳可以享受到新鮮食材嘅經典烹調餐點，其食材多數來自主廚嘅家鄉北海道。
標準房型價位一晚從55,000円起跳，高價位奢侈享受。
景點資訊
- 景點名稱： 丸之內四季酒店 (Four Seasons Marunouchi)
- 地址： 〒100-6277東京都千代田區 丸之內Pacific Century Place 1-11-1
- 交通資訊： 東京車站八重洲南口步行約3分鐘
東京日本橋海灣酒店 (Tokyo Nihonbashi BAY HOTEL)
想要以更加便宜嘅價格入住車站附近，可以選擇呢間膠囊旅館。喺官網提前預約嘅話，只需約3000円左右。而且計畫停留較長期間嘅入住仲可以享受唔錯嘅價格優惠。喺呢度唔單止可以體驗全新嘅住宿經驗，仲可以享受空間寬敞嘅淋浴間及清潔設施。
對於隻身遊玩嘅旅客嚟講，係最佳嘅選擇。對於一家大細或情侶夫妻，建議選擇一般酒店比較妥當，如果選擇膠囊旅館嘅話，將依性別分開入住。
景點資訊
- 景點名稱： 東京日本橋室町海灣酒店
- 地址： 〒103-0023東京都中央區日本橋本町2-4-7
- 交通資訊： JR新日本橋站步行約5分鐘。JR東京站步行約10分鐘。
Comments