谷中，懷舊街道帶你回到過去

一個傳統小鎮，喺東京面臨兩場大災難中倖存落嚟，嗰個城鎮就係谷中。谷中嘅魅力在於平靜嘅環境，保存過去嘅建築，以及便宜嘅日式傳統小食，帶遊客回到過去，成為一個令人放鬆心情嘅好地方。

谷中銀座，平靜及懷舊嘅街道於東京谷中

位於上野著名公園嘅北邊，就可以搵到谷中，係東京一個安靜又平靜嘅住宅區，1923年關東大地震同1945年二戰（第二次世界大戰）爆炸後倖存落嚟嘅幾個區域之一，呢個地方嘅舊式建築物及公共設施依然存在。

東京被稱為繁忙嘅大城市，另一方面，谷中無咁顯得繁忙。但並唔係指喺東京無理由避開呢一小部分，事實上你應該造訪。谷中有好正嘅魅力就係放慢咗東京繁忙嘅生活步調。

沿住谷中銀座步行拜訪東京下町嘅舊場景。呢度係當地市場，亦係一條古老又傳統嘅日式商店街，主要提供日本傳統商品，仍然持續至今，你可以用便宜嘅價格搵到傳統嘅日式甜品同零食。

墓地就好似大部分嘅恐怖電影所描繪咁樣，係令人毛骨悚然同受折磨嘅地方。但係谷中公墓卻係相反，非常平靜又安靜。喺四月早春嚟到呢度，如果時間啱嘅話，可以睇到整齊排列嘅櫻花樹，盛開嘅櫻花樹遮住下面嘅小路。

如果你唔覺得谷中墓地可怕、或者令人毛骨悚然嘅話，咁就試吓去啦！

不過聽講貓可以睇到靈體，而嗰度又有好多貓…... 嗯，你就當係去睇貓囉！哈哈

喺東京咁忙碌嘅生活節奏當中，如果連享受一杯咖啡嘅慢活休息時間都無嘅話，呢種生活真係唔夠完整。如果你係一位咖啡愛好者，你知唔知其實谷中有一間叫做「谷中咖啡」嘅café好出名。即使係一間小店，呢間店鋪都喺日本擁有30多間分店。

谷中咖啡提供來自世界各地嘅咖啡豆，好似係巴西、祕魯、哥倫比亞、印尼、瓜地馬拉等等。佢哋有豆嘅原料，依照你所需要嘅規格去烘焙同磨豆，或者你可以選擇已經混合好嘅類型。

谷中係東京傳統嘅「下町」。從江戶時代被稱為平民鎮。事實上，呢個地方經歷咗兩次災難存活落嚟，令呢度成為一個獨特又有趣嘅地方，快啲嚟呢度參觀過去嘅景色啦。

位置位於兩個車站之間，日暮里站或者係千駄木站落車都可以去到。探索谷中附近嘅景點都唔會花太多時間，最多一日已經綽綽有餘。

一於喺谷中按照自己嘅方式旅行，探索東京。或者可以參加當地人所舉辦嘅旅行團。咁樣嘅話你就可以從正確途徑了解到更多嘅歷史資訊。