遠離塵囂嘅世外桃源，等等力溪谷

於繁忙嘅東京都市生活之中想尋找一刻短暫嘅休息時光？咁樣喺世田谷區嘅等等力溪谷會係最佳選擇！交通便利，距離東京市中心唔到一個鐘嘅車程。位於東京都心內，呢個城市中唯一嘅山谷，對愛好大自然嘅人嚟講，係一個充滿吸引力嘅景點。春天同秋天嘅時候，等等力溪嘅美景堪稱驚為天人。

等等力溪谷公園

呢度係一個寧靜悠閒嘅地方，你可以喺呢度放鬆享受美麗嘅風景。請穿上一對方便行路啲嘅鞋，悠閒咁喺溪邊散步！

對於熱愛冒險嘅人，呢度有好多景點值得你一探究竟，好似係古代墳墓、不動尊嘅神社，仲有幾個寺院等等。

呢度仲有一個細細哋嘅公園，叫做等等力不動兒童公園，適合一家大細嚟呢度野餐，共享美好時光。

此外，呢度有好多休息點俾你可以喺享用午餐便當。如果唔記得帶都完全唔洗擔心，附近亦有餐廳俾你光顧。

喺美麗嘅大自然環境下，等等力溪谷係一個瘋狂影相，塞爆記憶卡容量嘅好景點。四季更迭展現不同風貌嘅美景，都係絕佳嘅賞楓景點，呢度絕對係值得一去嘅絕佳觀光景點。

同時你亦可以欣賞等等力嘅日式庭園、谷澤川、多摩川、不動瀑布等多姿多采嘅景色。喺呢度花啲時間欣賞東京更自然、更令人驚嘆嘅一面啦。

要前往世田谷區嘅等等力溪谷非常容易。由於佢靠近東京市中心，乘搭電車大約只需要30~40分鐘。

從等等力站徒步約3分鐘左右即可抵達。可以從新宿站乘搭山手線至澀谷站轉乘東急東橫至自由之丘站，再轉東急大井町線至等等力站。

呢度讓幾乎所有住喺市中心嘅人想遠離東京生活嘅喧鬧同時，尋求到一個短暫寧靜嘅逃避，遠離塵囂，探索大自然嘅山谷。

等等力溪谷全年無休開放，無須支付任何入場費，隨時隨地都可以嚟呢度呼吸大自然空氣。

當你想從繁華城市尋求清新嘅度假勝地，不妨嚟一趟等等力溪谷，絕對不虛此行，亦唔需要離開東京。