日本中部地方嘅櫻花大槪會喺3月上旬開始綻放，其後各種櫻花就會陸續滿開。而本文要介紹嘅，就係直至5月上旬都能夠令遊客盡情賞花嘅遲開花景點。俗語有云：「最美嘅花總係喺最後綻放」，因此盡情享受由櫻花裝飾嘅開花季尾端就啱喇！
1. 白川鄉
白川鄉伙一處以雪景而聞名嘅世界遺產，由合掌技法建成嘅民家與花開風景就如世外桃源般醉人。喺春天盛開櫻花以及水芭蕉過後，村落內嘅櫻花就會緊接於4月下旬滿開，記住把握機會造訪以合掌村為背景嘅賞櫻影相勝地喇！
白川鄉
- 往年賞櫻時節：4月上旬～5月上旬
- 住址：岐阜縣大野郡白川村鳩谷517（白川村辦事處）
2. 名古屋城
日本中部最具代表性嘅觀光景點－名古屋城。境內約有一千株櫻花爭奇鬥豔，而其中最稀有嘅「御衣黃（GYOIKOU）」，則以4月中旬開始至4月下旬為最佳賞期。3月下旬～4月上旬亦會舉行櫻花點燈活動，可以望到天守閣與櫻花道兩旁嘅天守閣內苑為最佳賞櫻地點。
名古屋城
- 往年賞櫻時節：3月下旬～4月上旬
- 住址：愛知縣名古屋市中區本丸1-1
- 營業時間：9:00～16:30 天守閣‧本丸御殿入場至下午4點止（點燈期間則有夜間延長參觀時間）
- 費用：大人500日圓，國中生以下免費
3. 三多氣
被選為「日本賞櫻名所100選」嘅三多氣，係一條由伊勢本街道延伸至真福院、約1.5公里長嘅參道，步道上種有約500株山櫻。賞花季時會舉行櫻祭典以及夜間點燈活動，遊客能夠在此盡情觀賞夜櫻。由於三多氣地區地勢落差甚大，因此相對賞花期亦會較長。
三多氣
- 往年賞櫻時節：4月上旬 ～ 4月下旬
- 三多氣櫻祭典（2018年4月14日・15日9:00～15:00）
- 夜櫻廣場點燈活動：4月1日（週日）～22日（週日）19:00～21:00
- 地址：三重縣津市美杉町三多氣204
4. 飛驒高山
由飛驒高山最具代表性嘅橋樑－流域橫跨市中心嘅宮川・中橋與櫻花融合而嘅絕美風景。入夜後周邊會舉行點燈活動，遊客有機會可以目睹夢幻春之風景。除此之外，市區街道上亦遍佈多個賞櫻景點，喺近郊嘅臥龍公園內仲可以遇上樹齡達1,100年嘅櫻花，令人不禁想前去一見識其廬山真面目。
飛驒高山
- 往年賞櫻時節：4月中旬～4月下旬
- 地址：岐阜縣高山市川原町49（中橋）
5. 富士山櫻花園
由河津櫻從3月底盛放開始，富士山櫻花園為一處至5月上旬都有多種櫻花盛開嘅賞櫻勝地，從園內眺望到嘅「芝櫻×富士山」聯乘美景更係一絕。此外，富士市區內亦坐擁多個賞櫻景點，例如具有日本第一海拔高度落差嘅富士宮市，就容許遊客能夠以長達一個月時間，從低海拔地區開始、至北部地區以及山腰富士山地區享受賞櫻樂趣。
富士山櫻花園
- 往年賞櫻時節：3月下旬～5月上旬
- 地址：静岡縣富士宮市山宮3759-463
Comments