※本篇文章刊登於2016年11月※
東京喺日本最大嘅城市，成日都咁熱鬧咁多人，全年都有唔同嘅活動節慶進行中。無論係想睇櫻花，定係希望睇古裝劇中嘅流鏑馬(即係弓箭手騎住馬擊中快速移動嘅目標)，都可以喺東京到搵到，全年咁多活動，應該總有三兩個適合你。
一月：初詣（1/1～3）
『初詣』即係新年去神社或者寺廟參拜。對於日本人而言，新年去參拜係好重要，同時也會將舊嘅御守帶到神社燒掉，再為為新一年祈求新嘅御守。
呢個活動非常受歡迎，有啲神社同廟宇會喺除夕夜嘅午夜時分敲鐘慶祝。今年新年嘅頭三日，就有成三百萬人到明治神宮參拜。另一個受歡迎嘅地方係喺成田機場附近嘅成田山新勝寺，喺新年期間亦吸引咗超過一百萬人前往參拜。
景點資訊
- 名稱：明治神宮
- 地址：〒151-8557 東京都澀谷區代代木神園町1-1
- 交通方式：距離JR「原宿」站徒步1分鐘、東京Metro地鐵千代田線・副都心線「明治神宮前」站徒步1分鐘
景點資訊
- 名稱：成田山新勝寺
- 地址：〒286-0023 千葉縣成田市成田1
- 交通方式：京成成田站或JR成田站徒步約10分鐘
二月：節分（2月3日）
『節分』就係字面上嘅意思，指嘅係每個季節嘅第一日，所以照道講，一年應該要有4次節分，對日本人而言，最重要嘅係春天嘅第一日，呢個節日亦係全日本各地都會慶祝，同初詣係一樣。據說淺草嘅淺草寺係第一個開始呢個節日嘅起源。
喺節分呢個日子，大家會一邊撒豆子一邊嗌「鬼在外，福在內 (鬼は外、福は内)」意思係「惡魔都去外面，好運福氣就入屋裡面」。據說淺草寺喺個好神聖嘅地方，無惡魔可以入到裡面，所以喺淺草寺只會第二句而己，2月3日如果剛好有喺日本旅遊嘅話，可以順道去睇吓湊熱鬧！
景點資訊
- 名稱：淺草寺
- 地址：〒111-0032 東京都台東區淺草2-3-1
- 交通方式：東武晴空塔線、東京Metro地鐵銀座線、TSUKUBA EXPRESS線、都營地下鐵淺草線「淺草站」下車步行約5分鐘
三月：櫻花季節
櫻花季節好有可能係日本全年最受歡迎嘅季節。嚟自世界各地嘅人都會嚟日本參觀呢個由白色粉紅色組成咁靚嘅櫻花季節。櫻花嘅開花期間好短，大概只有一個星期左右，通常喺三月底、四月頭，但每年嘅時間會隨氣候略有提早或延後。
喺日本橋，有一個櫻花慶典會將整個區域以櫻花為主題佈置，如果你錯過咗櫻花開花期，都仲可以去呢到睇到日本嘅歷史同文化。
四月：流鏑馬（馬上射箭）
每年嘅四月中，喺東京隅田公園，可以欣賞到稱為「流鏑馬」嘅騎馬射箭的活動，呢種活動原本喺射手同武士之間嘅練習，主要係喺森林中騎喺馬上，然後成功射中特製嘅三個箭靶，實際上比睇起來要難得好多。
景點資訊
- 名稱：隅田公園
- 地址：〒131-0033 東京都墨田區向島1-2-5
- 交通方式：東武晴空塔線、東京Metro地鐵銀座線「淺草站」下車步行約5分鐘
五月：玫瑰節
喺五月，東京盛開嘅鮮花爭艷鬥麗，而喺「舊古河庭園」您可以搵到約有90種色彩鮮艷嘅玫瑰花喺同一個時期盛開，舊古河庭園是係喺大正時期，由英國人建築師Josian Condor設計嘅西式建築。
景點資訊
- 名稱：舊古河庭園
- 地址：〒114-0024 東京都北區西ヶ原1-27-39
- 交通方式：
- JR京濱東北線「上中里」站下車後徒步約7分鐘
- 東京Metro地鐵南北線「西ヶ原」站下車後徒步約7分鐘
- JR山手線「駒込」站下車後徒步約12分鐘
- 都電荒川線「飛鳥山」站下車後徒步約18分鐘
六月：菖蒲祭
喺葛飾區有二個公園以菖蒲花而聞名，分別係堀切菖蒲園，同埋水元公園。堀切菖蒲園係東京嘅著名景點之一，有成近六千棵菖蒲花，喺六月初到六月中盛放，而公園亦會喺呢個時期舉辦典，延長開放時間。水元公園都係喺呢度附近，入面就可以睇到1萬4千棵嘅菖蒲花綻放。
景點資訊
- 名稱：堀切菖蒲園
- 地址：〒124-0006 東京都葛飾區堀切2-19-1
- 交通方式：京成電鐵「堀切菖蒲園」站 徒步約10分
景點資訊
- 名稱：水元公園
- 地址：〒125-0034 東京都葛飾區水元公園3-2
- 交通方式：JR常磐線・東京Metro地鐵千代田線「金町」站轉搭京成巴士（往「戸ヶ崎操車場」或「西水元三丁目」方向）至「水元公園」站下車 徒步7分
七月：牽牛花祭（7月6日～8日）
喺夏天有好多地方都有舉辦活動，其中「入谷朝顏祭」就好特別，由江戶時代就開始。喺每年7月6日到8日舉行，係日本最大嘅索牛花祭。係「入谷朝顏祭」入面，可以見到街上約有120間牽牛花嘅店舖，仲有路邊攤小食，可以同親朋好友一齊慶祝。
景點資訊
- 名稱：入谷鬼子母神 真源寺「入谷朝顏祭」
- 地址：〒110-0004 台東區下谷1-12-16
- 交通方式：JR山手線或京濱東北線「鶯谷」站南口徒步約3分鐘、東京Metro地鐵日比谷線「入谷」站徒步約1分鐘
八月：阿佐谷七夕祭
阿佐谷七夕祭係日本三大七夕祭典之一，呢個時候您會喺阿佐谷站前見到彩色佈置，非常有氣氛，亦都好多裝飾可以欣賞。你亦都可以將自己寫自己嘅願望掛上竹樹上，或者真係會願望成真！
景點資訊
- 名稱：阿佐谷站、阿佐谷珍珠中心商店街
- 地址：〒166-0004 東京都杉並區阿佐谷南1-36-7
- 交通方式：JR「阿佐谷」站、東京Metro地鐵丸之內線「南阿佐谷」站
九月：根津神社例行大祭
此祭典被稱為江戶三大祭典之一，根津神社例行大祭喺1714年開始，會聚集好多花車在街上來慶祝，您仲好可以見好多人一齊搭神橋，同埋可以試下路邊攤嘅嘢食。
景點資訊
- 名稱：根津神社
- 地址：〒113-0031 東京都文京區根津1-28-9
- 交通方式：東京Metro地鐵南北線「東大前」站或千代田線「根津」站下車徒步約5分鐘
十月：池上本門寺的御會式
喺大田市舉行嘅御會式喺佛教祭典，亦係日蓮聖人圓寂之地，雖然好多地方都會舉辦御會式，但係喺本門寺舉辦嘅係最盛大，已經有730年歷史了。
景點資訊
- 名稱：池上本門寺
- 地址：〒146-8576 東京都大田區池上1-1-1
- 交通方式：都營淺草線「西馬込」站南口下車後徒步約15分鐘，或東急池上線「池上」站下車徒步約10分鐘
十一月：六義園秋季夜燈會
11月係嚟日本旅遊嘅旺季，因為秋天嘅楓葉，正喺呢個時期變色，可以見到黃、橙、紅色嘅彩色楓頁。而喺東京賞楓嘅其中一個最佳地點就係「六義園」。六義園離駒込車站只係幾分鐘步行路程。呢個公園出名櫻花，但到秋天嘅時候，你亦可以欣賞佢秋天嘅美景，尤其係樹鏡倒影喺湖面，特別夢幻。
景點資訊
- 名稱：六義園
- 地址：〒113-0021東京都文京區本駒込6-16-3
- 交通方式：JR山手線或東京Metro地鐵南北線「駒込」站下車後徒步約7分鐘、都營地下鐵三田線「千石」站下車後徒步約10分鐘
十二月：世田谷舊貨市集
世田谷嘅舊貨市集已經有大概430年歷史，亦係東京嘅無形文化財產之一，舊貨顧名思意就唔係新品，所以都有啲似跳蚤市場，大概有700間店舖，您可以找到各式各樣嘅商品、玩具、二手衫等，呢度仲有個出名嘅小食叫「代官餅」，可以喺市集入面買到。
景點資訊
- 名稱：世田谷舊貨市集
- 地址：〒154-0017 東京都世田谷區世田谷1丁目
- 交通方式：東急世田谷線「世田谷」站或「上町」站下車後徒步約3分鐘
唔理你邊日嚟日本玩，一年三百六十五日都有好睇好玩嘅等緊你嚟！心動不如馬上行動！快開始計畫下一轉幾時去日本！
Comments