11月喺紅葉嘅季節。亦係由秋天轉換至冬天嘅過渡時份。呢個月有好多唔同嘅活動同祭典，其中包括咗七五三、新嘗祭（收穫祭）等自古以嚟就有嘅日本傳統節慶。如果可以親身參與其中，相信會對日本更加深入了解，令旅程更加有趣吧！
1. 東京・新宿花園神社嘅酉之市
喺東京都心嘅天空之下，設置咗眾多嘅街頭攤檔，充滿咗熱鬧嘅叫賣聲，其中包括有賣用嚟祈求開運招福、生意興隆「熊手」裝飾。仲有花園神社嘅特色「見世物小屋（雜戲團表演）」，都受到好多遊客歡迎。呢個喺新宿花園神社嘅熱鬧嘅情景，係11月嘅東京風情之一。
大酉祭日期：
- 一之酉 11月6日（五） 前夜祭・7日（六） 本祭
- 二之酉 11月18日（三）前夜祭・19日（四）本祭
景點資訊：
- 景點名稱：花園神社
- 地址：〒160-0022 東京都新宿區 新宿５丁目１７—３
- 交通：東京地下鐵丸之內線‧副都心線‧都營新宿線「新宿三丁目」站的E2出口徒步1分鐘即可抵達；JR・小田急線・京王線「新宿站」東口徒步7分鐘。
地圖：
2. 大相撲11月場所（福岡）
每年11月舉行嘅相撲九州場所，為期15日。係出名喺日本地方舉行嘅「本場所」之中，最為當地出身嘅力士聲援、加油嘅地方，場內嘅熱情廣為人知。係呢個時期，可以喺福岡市內唔同嘅地方，見到身穿浴衣嘅相撲力士嘅身影。你會唔會都想感受下日本國技嘅傳統文化呢？
景點資訊
- 名稱：福岡國際中心（Fukuoka Kokusai Center)
- 地址：〒812-0021 福岡県福岡市博多区築港本町２−２
- 日期間：2026年11月8日(日)〜22日(日)
- 交通：從博多站步行約3分鐘至「博多駅西日本シティ銀行前F」巴士站，乘搭西鐵巴士，於「國際會議場Sunpalace前」或「國際中心Sunpalace前」巴士站下車，再步行1分鐘內即可到達。
地圖：
3. 愛知嘅豐川稻荷秋季大祭
豐川稻荷秋季大祭係感謝豐收嘅祭典。喺祭典入面會有「神輿渡御」同「稚児行列」，即係抬住神轎嘅遊行，同埋孩童嘅遊行隊伍。喺寺廟範圍內亦會掛上高10米、直徑5米嘅大燈籠，所以亦會叫做「大提燈祭」，喺傍晚時分點上燭火嘅情況，非常夢幻。另外，仲設有舞台，上面會有大正琴、和太鼓嘅演奏，表參道商店街上則會舉行「稻荷樂市」嘅市集。仲會有好多其他有趣嘅活動，包括街頭表演、店舖嘅宣傳演出等。
景點資訊：
- 名稱：京豐川稻荷（妙嚴寺）
- 地址：愛知縣豐川市豐川町１
- 日期：2026年11月21日（六）、22日（日）
※毎年11月第3個星期六、日 - 交通：JR飯田線豐川站、名鐵豐川線豐川稻荷站徒步5分鐘。
地圖：
4. 長野恵比須講煙火大會
由1899年開始舉行，具有悠久歷史嘅花火大會。呢個高品質嘅花火大會，每年吸引40萬以上嘅遊客嚟欣賞。花火大會入面有結合音樂同煙花嘅「音樂速射連發花火」、仲有超狂野嘅巨型速射連發花火等，每一年嘅都有新嘅花火作品，同埋唔同豪華花火登場。
景點資訊：
- 名稱：長野大橋西側・犀川第2綠地
- 地址：長野縣長野市川合新田
- 日期：2026年11月23日（一、公眾假期）
- 交通：由長野車站東口乘搭前往會場嘅接駁車；或是自行步行20分鐘。
地圖：
Comments