【2024年最新版】東京花火大會資訊整理。除了7月、8月的夏天,秋冬都有!

  • 2023年8月1日
  • 2024年5月29日
  • Maru Wong

東京煙花大會資訊總整理~7月、8月有夏季煙花大會,不過秋冬季都有驚喜等緊你!

講起日本嘅天,又點會少得煙花呢!日本全國各地都會舉行煙花大會,為夜空增添繽紛色彩。但其實,煙花大會唔係夏季獨有㗎!

本篇文章匯集歷年喺東京舉行嘅夏季、秋季同埋冬季嘅煙花大會日期、地點、注意事項等等。不妨將文章Bookmark低,一次過了解東京嘅煙花大會資訊同埋欣賞方法,計劃日本旅行嘅時候,記得將煙花大會放埋入行程啊

日本旅遊期間欣賞煙花大會的方法

日本旅遊期間欣賞煙花大會的方法

掌握更多欣賞日本煙花大會嘅技巧與注意事項,包你玩得更加開心又盡興!

1)掌握煙花大會內容和進行情況

煙花大會嘅舉行時間會隨著煙花發放嘅數量增加而變長。煙花匯演時間會因規模不同而有所差異,有可能係30分鐘,亦有可能超過1小時。另外,部分煙花匯演可能會分為「第一幕」、「第二幕」等不同部分嘅演出,變換不同種類嘅煙花,或使用不同方式發放煙花。亦有部分煙花大會,可能會根據不同區域,按照主題分批次地發放煙花。掌握每個煙花大會當中嘅內容和進行情況,有助於更完善地計劃當日行程。

2)逛逛周邊屋台

煙花大會周邊通常會有多個屋台攤檔。你可以品嚐得到串燒、章魚燒、棉花糖等美食之餘,仲可以參與撈金魚或射靶等遊戲,樂趣多多!當日記得提早前往,充分享受日本嘅祭典文化。

3)穿著浴衣

為更能享受日本風情,小編非常推薦穿著浴衣參加煙花大會!無論係著浴衣去屋台買嘢食時,抑或係欣賞煙花時嘅浴衣姿態,都係影打卡相嘅絕佳時機。

4)攜帶野餐墊

如果想坐喺靚位觀賞美麗煙花嘅話,提早到場佔一席位呢一點非常重要。建議提早入場,鋪上野餐墊,至少留一人守候以確保位置。但切記,唔好為咗霸位而提前一日前往,或喺草地上噴灑彩色噴霧。

5)事前確認是否需要入場券

部分煙花大會可能只接受持有入場券人士入場,因此建議先事前確認好是否需要購買入場券或進行抽選等手續。

東京7月舉辦煙花大會一覽&推薦煙花大會

煙花大會名稱(日語名稱)
舉辦日期與時間
舉辦地點
煙花發數
交通指南
東京SUGOI煙花
(東京SUGOI花火)
歷年7月上旬
(2023年7月5日)
JRA東京競馬場
約14,000發
府中競馬正門前站步行約2分鐘
足立的煙花
(足立の花火)

2024年7月20日 (六)
19:20~20:20

荒川河岸地
(東京Metro千代田線鐵橋至西新井橋之間)
約13,000發
北千住站/小菅站/五反野站/梅島站步行約15分鐘
葛飾納涼煙花大會
(葛飾納涼花火大会)

2024年7月23日 (二)
19:20~20:20

葛飾區柴又棒球場(江戶川河岸地)
約15,000發
柴又站步行約10分鐘
隅田川煙花大會
(隅田川花火大会)

2024年7月27日 (六)
(第一会場)19:00~20:30
(第二会場)19:30~20:30

(第一会場)桜橋~言問橋、
(第二会場)駒形橋~厩橋

約20,000發(2會場合計)
・第一會場:從淺草站步行約15分鐘
・第二會場:從藏前站步行約5分鐘
八王子煙花大會
(八王子花火大会)

2024年7月27日 (六)
19:00~20:10

冨士森公園
約3,500發
西八王子站/山田站步行約15分鐘
立川祭國營昭和紀念公園煙花大會
(立川まつり 国営昭和記念公園花火大会)

2024年7月27日 (六)
19:15~20:15

國營昭和紀念公園 大眾草坪
約5,000發
從立川站步行約18分鐘

※請注意,當日會場周邊可能會實施交通管制。

東京七月舉辦多場精彩嘅煙花大會。當中包括與藝人和音樂公司共同合作,將音樂與煙花同步匯演嘅「東京SUGOI花火」、荒川河川敷舉辦嘅大規模煙花大會「足立的煙花」、散發著古早風情嘅「葛飾納涼煙花大會」、延續自江戶時代嘅夏季風物詩「隅田川煙花大會」、可欣賞到為夏夜增色不少嘅各種多樣化「STARMINE煙花」(連續快速發放煙花)嘅「八王子煙花大會」。

除此之外,仲有可以飽覽日本煙花藝術協會打造嘅煙花「藝協玉」,以及許多別具匠心、獨具特色嘅原創「STARMINE煙花」嘅「立川祭 國營昭和記念公園煙花大會」,精彩絕倫嘅煙花大會可謂層出不窮!

足立的煙花

足立的煙花
©TCVB

「足立的煙花」係一個喺東京荒川河岸地舉辦嘅煙花大會,開始日期比其他煙花大會早。其特色之一係觀賞區與煙花發放地點距離較近,換言之,觀眾可以近距離欣賞震撼人心嘅煙花匯演。另外,亦可以欣賞到與音樂相融合嘅「STARMINE煙花」匯演等,經精心策劃嘅煙花表演為其魅力之一。

💡TIPS

  • 推薦人少觀賞地點:扇橋大橋附近
  • 屋台情報:從北千住站出站後,往荒川堤防方向(發放煙花場地)路上會有屋台林立
  • 注意事項:足立小台站和千住大橋站雖然人潮唔算少,但相對較為寬鬆,推薦使用呢兩個車站前往(步行約25分鐘)

隅田川煙花大會

隅田川煙花大會
©TCVB

「隅田川煙花大會」源自於1733年「打開兩國之川」煙花匯演。歷史中曾經數次中斷,直至1978年,以隅田川煙花大會之名復辦。現時,煙花發放場地分成兩個會場。當中,第一會場會有煙花競賽,由眾多從煙花大會中取得優秀成績嘅煙花業者互相切磋。其場地位於從櫻橋下游到言問橋上游嘅區域。

喺隅田川煙花大會上,可以欣賞到煙花與東京晴空塔®等嘅高樓大廈同框嘅壯觀景象,令人讚嘆不已。

💡TIPS

  • 推薦人少觀賞地點:銅像堀公園。呢度係唔多人集結但人氣嘅觀賞地點,可以觀賞得到第一會場和第二會場壯麗嘅煙花表演。
  • 屋台情報:屋台位置主要分佈於公園等設施嘅周邊和車站周邊。公園設施附近有吾妻橋周邊、隅田公園和淺草寺,而在車站附近則為蔵前站和押上站周邊。
  • 注意事項:當日會有交通管制,場地周邊可能會非常擠迫。建議使用公共交通工具而非自駕前往。不過有一點要注意,淺草站和押上站人潮擁擠,前往出口嘅移動過程會比平時花費較多時間。

東京8月舉辦煙花大會一覽&推薦煙花大會

煙花大會名稱(日語名稱)
舉辦日期與時間 
舉辦地點 
煙花發數 
交通指南
板橋煙花大會
(いたばし花火大会)

2024年8月3日 (六)
19:00~20:30

板橋區 荒川河岸地
約13,000發
浮間舟渡站 / 高島平站 / 西台站 / 蓮根站步行約20分鐘。
江戶川區煙花大會
(江戸川区花火大会)

2024年8月24日 (六)
19:15~20:20

江戶川河岸地(東京都立篠崎公園前)
約14,000發
・篠崎站步行約15分鐘。
・小岩站 / 江戶川站步行約25分鐘。
明治神宮外苑煙花大會
(神宮外苑花火大会)

歷年8月中旬
(2023年8月12日)

明治神宮外苑
約10,000發
・信濃町站、國立競技場站步行約5分鐘。
・外苑前站步行約8分鐘。青山1丁目站步行約10分鐘。
請注意,當日會場周邊可能會實施交通管制

「板橋煙花大會」擁有東京最大規模嘅巨型煙花「尺五寸玉」,以及關東地區最長(總長700米)嘅「大尼亞加拉瀑布」煙花等,絕對係精彩位十足。而「江戶川區煙花大會」以八個不同嘅主題為特色,並配以符合各主題嘅背景音樂進行煙花匯演。而喺「神宮外苑煙花大會」,不僅可以欣賞到煙花嘅壯麗綻放,仲可以享受到人氣藝術家嘅現場精彩演出,令你喺欣賞煙花嘅同時,可以享受埋精彩嘅音樂表演。八月份嘅煙花大會,為夏日之夜變得更加歡樂動人。

江戶川區煙花大會

江戶川區煙花大會
©TCVB

「江戶川區煙花大會」於1976年首次舉辦,目前與同日舉行嘅「市川市民納涼煙花大會」同時於兩個地點舉行,係一個規模盛大嘅煙花盛會,共計發放約14,000發煙花。根據八個不同主題,華麗嘅煙花將配合背景音樂,一一升空。當中精彩位包括開場5秒內,將升空1,000發煙花,以及壯觀嘅富士山煙花等,令人目不暇給!

置身於廣闊嘅河岸地觀賞,免受高樓大廈嘅遮擋,可以近距離欣賞壯觀嘅煙花表演。

💡TIPS

  • 推薦人少觀賞地點:靠近江戶川大橋嘅堤岸區域。
  • 屋台情報:江戶川區煙花大會嘅會場周邊禁止屋台擺攤營業,但對岸共同舉辦嘅市川市民納涼煙花大會則屋台林立,會場附近亦見其蹤影,不妨行多兩步去體驗屋台文化。
  • 注意事項:估計「篠崎站」和「小岩站」會非常擠迫,建議考慮使用「江戶川站」前往。

神宮外苑煙花大會

神宮外苑煙花大會
©TCVB

第一屆「神宮外苑煙花大會」於1980年8月1日,明治神宮鎮座60周年紀念活動中,於神宮球場舉行,其後成為年度慣例活動。煙花發放數量約為10,000發,可欣賞到壯觀嘅煙花匯演。另外,部分場次仲會有著名藝人於現場演出,為神宮外苑煙花大會增添多一份與別不同嘅魅力。

活動場地包括神宮球場和秩父宮橄欖球場,需購票入場,四歲以上嘅小童亦需憑票入場。

💡TIPS

  • 推薦人少觀賞地點:神宮球場會場。可以欣賞煙花同時享受豪華嘉賓嘅現場演出。
  • 屋台情報:屋台通常會集中喺從外苑前站到神宮球場嘅路線上,以及明治公園沿路等地點。
  • 注意事項:現時(截至2023年7月)競技場通道正進行工程,人行道非常狹窄。建議避免使用「外苑前站」前往神宮球場/秩父宮橄欖球場。

秋、冬季嘅東京煙花大會

煙花大會名稱(日語名稱)舉辦日期與時間
舉辦地點
煙花發數
交通指南
調布煙花
(調布花火)

2024年9月21日 (六)
18:15-19:15 (開幕儀式18:00~)

調布市多摩川周邊
約10,000發
・布田會場:從布田站步行約20分鐘
・京王多摩川會場:從多摩川站步行約10分鐘
世田谷區玉川煙花大會
(世田谷区たまがわ花火大会)

2024年10月5日 (六)
18:00~19:00

世田谷區立二子玉川綠地運動場
約6000發
從二子玉川站步行約15分鐘
台場彩虹煙花
(お台場レインボー花火)
歷年12月 每週六晚
(2023年12月2日、9日、16日、23日)
台場「自由女神」旁嘅海上
各日約1300發(預計)
台場海濱公園站/台場站/東京電訊站周邊
請注意,當日會場周邊可能會實施交通管制。

東京嘅煙花大會唔單止會喺夏天舉行,仲會喺秋天和冬天舉辦。呢個時期除咗可以欣賞紅葉美景,仲可以飽覽璀璨煙花為夜空劃上夢幻般嘅光彩,為送上令人嘆為觀止嘅煙花匯演。當中,以多摩川嘅大自然為背景,擁有超過30年歷史嘅「調布花火」,可以欣賞到令人震撼嘅煙花匯演。而世田谷區獨有嘅秋季煙花「世田谷區玉川煙花大會」,充分展現其華麗嘅藝術性。「台場彩虹煙花」則可以盡情欣賞冬天夜空中所綻放嘅動感多彩景致,令人大飽眼福

台場彩虹煙花

台場 煙花
(圖片為示意圖)©TCVB
台場 煙花
(圖片為示意圖)©TCVB

台場彩虹煙花係自2007年起於東京都港區所舉辦嘅煙花大會。雖然每次發放嘅煙花數量較少,僅有1300發,但實際上係一場喺短時間內呈現出高密度嘅煙花匯演。尤其係夜景和煙花完美融合嘅浪漫景致最為吸睛,可以欣賞到璀璨嘅煙花於台場周邊嘅美麗夜景中綻放,所營造出嘅華麗景致。喺接近聖誕節嘅日子,通常會結合相關音樂去增添聖誕氛圍,令人可盡情享受非日常嘅美好時光。

💡TIPS

  • 推薦人少觀賞地點:自由之炎像周邊
  • 屋台資訊:台場煙花大會不設屋台攤位,不過位於「DECKS東京Beach」商場4樓嘅台場一丁目商店街充滿屋台氛圍,值得順路一遊。
  • 注意事項:有別於其他煙花大會,為約5分鐘嘅短暫演出。

目錄

Survey[問卷調查] 關於日本旅遊







Recommend