【日本新潟】從東京搭新幹線約個半鐘就到！新潟縣新潟市觀光景點巡遊2日1夜行程推薦

如果乘搭上越新幹線，從東京到新潟縣新潟市最短只需約1個半小時！

新潟市不僅擁有歷史建築，亦匯聚了日本酒、古街花街文化等新潟特色。本文將介紹從東京到新潟市嘅交通方式，以及於市內進行2日1夜嘅旅遊行程推薦，提供實用嘅旅行資訊！

從東京到新潟嘅交通方式係？新幹線 VS 高速巴士

新潟機場、新幹線終點站新潟站亦位於新潟市，因此新潟市可謂前往新潟觀光嘅重要據點。從東京到新潟站嘅主要公共交通方式有新幹線和高速巴士兩種，可根據出發地和預算選擇最佳嘅交通方式喔！

※刊登資訊為2023年4月嘅情報。

💡Tips：

如果打算乘坐新幹線，建議購買以訪日外國人為對象嘅鐵路Pass「JR EAST PASS (Nagano, Niigata area)」（成人：18,000日圓，兒童：9,000日圓）。該鐵路Pass包含上越新幹線在內，可連續五日無限任搭多個特定地區嘅列車和新幹線（可使用嘅鐵路公司和路線請於官方網站上確認）。即使只係來往於東京和新潟之間，亦經已回本，非常划算！

有效率地遊覽新潟市人氣景點！2日1夜行程推薦

新潟市內擁有多個景點，可讓你盡情欣賞風景、歷史和美食文化。以下落嚟，小編將以JR新潟站為起點，介紹可以步行或乘坐新潟市觀光循環巴士遊覽嘅景點，為你送上巡遊新潟嘅行程推薦！

👣徒歩 🚌新潟市觀光循環巴士

DAY 1 START @ JR新潟站

↓👣15分鐘 or 🚌約4分鐘+👣約7分鐘

Spot.1 萬代橋

↓👣約5分鐘+ 🚌約15分鐘

Spot.2 新潟市水族館Marinepia日本海

↓🚌約24分鐘 + 👣約12分鐘

Spot.3 Befco Bakauke展望室

↓👣

GOAL @ 新潟市內酒店

DAY 2 START @ JR新潟站周邊

↓🚌約29分鐘

Spot.4 花街・古町

↓🚌約24分鐘

Spot.5 Ponshu館 新潟站店

↓👣馬上

GOAL @ JR新潟站

新潟市觀光循環巴士

• 票價：
  【單程票】成人210日圓、兒童110日圓、
  【一日乘車券💡】成人500日圓、兒童250日圓
• 一日乘車券售賣地點：觀光循環巴士車內、新潟站前新潟交通案内所等
• 停運日期：12月28～1月3日

💡Tips：

1日乘車券不僅可搭足全日，自由上落車，仲可以喺特定設施或商店出示乘車券即享受門票折扣或優惠服務。換言之，拎住1日乘車券就可以喺多個地方左慳右慳，節省唔少支出喔。

新潟市推薦行程Spot 1：萬代橋

萬代橋位於從JR新潟站步行約15分鐘嘅地方，係橫跨日本最長嘅信濃川橋樑。

萬代橋於1929年完工，2004年被指定為新潟市國家重要文化財，係新潟市嘅地標性建築。呢座全長306.9米嘅拱橋，由6個大小不同嘅拱門組成，使用約9,000塊御影石建造而成。小編推薦從整修過嘅步道上眺望市區風光。

可以欣賞到沉入日本海嘅夕陽和夜間燦爛燈火，喺唔同嘅時間帶可以欣賞到各種不同絕景。

萬代橋

• 地址：新潟市中央區
  
• 交通：從JR新潟車站步行約15分鐘，或從「萬代City」巴士站步行約8分鐘

新潟市推薦行程Spot 2：新潟市水族館 瑪淋匹亞日本海

食完Lunch之後，就搭巴士前往日本海側地區吧。

沿海邊建築嘅新潟市水族館 瑪淋匹亞日本海（新潟市水族館マリンピア日本海），係一間可以欣賞到約600種生物，其數量更高達3萬多嘅水族館。當中，每日舉行嘅海豚表演非常受歡迎！

穿過水槽下方嘅「Marine Tunnel」（海洋隧道）時，可以感受到猶如海中散步嘅感覺。

新潟市水族館Marinepia日本海

• 開館時間：09:00 - 17:00

• 休館日：12月29日至1月1日、3月第一個星期四及其次日

• 票價：成人1500日圓、小中學生600日圓、小童200日圓、嬰兒免費
• 交通方式：從「水族館前」巴士站，步行即可抵達
• 官方網站：https://www.marinepia.or.jp/mlg/en/

新潟市推薦行程Spot 3： Befco Bakauke觀景室（朱鷺Messe 31F）

晚餐後前往Befco Bakauke觀景室，觀賞市區和日本海嘅夜景吧！

展望室位於約125米高處，可以欣賞到以萬代橋為主角嘅「夜景100選」之一和被選為「日本夜景遺產」嘅夜景。信濃川嘅水面反射著城市燈光，夢幻般嘅美景令人嘆為觀止。加上免費入場呢一點，亦係一大魅力。

朱鷺Messe附近嘅What's NiiGATA紀念碑係市內人氣嘅打卡景點，記得喺度影返張靚相，為旅行留下一張美好回憶相片。

Befco Bakauke觀景室

• 地址：新潟市中央區萬代島5-1 朱鷺Messe 31F
• 營業時間：08:00-22:00（最後入場時間21:30）
  ※星期五營業時間為08:00-17:00（最後入場時間16:30）
• 交通：從「萬代City」巴士站步行約15分鐘
• 官方網站：https://www.hotelnikkoniigata.jp/observatory/

新潟市推薦行程Spot 4：花街、古町＆舊齋藤家別邸

第二日嘅行程，係前往能夠體驗新潟傳統文化嘅古町、花街區域。

曾經以花街繁盛一時嘅古町。古町藝妓與京都祇園、東京新橋並列為「日本三大藝妓」，現時仍有多個建於明治後期至昭和初期嘅建築物保存於古町區域內。

小編強烈建議大家喺預約料亭時，要提出藝妓演出嘅特別要求喔！料亭會幫忙安排符合預算嘅藝妓，咁就可以一邊品嚐懷石料理，一邊欣賞藝妓舞蹈和座敷遊戲等，超級過癮！絕對係令人難以忘懷嘅美好體驗喔！

如果想欣賞庭園，推薦參觀徒步即可抵達嘅國家指定名勝——舊齋藤家別邸。佔地約4,500平方米嘅場地內，擁有回遊式庭園與近代和風建築物，亦係吸睛嘅精彩位喔。

花街、古町

• 地址：新潟市中央區古町
• 交通：從「古町花街入口」巴士站徙步即可到達

新潟市推薦行程Spot 5：Ponshu館 新潟驛店

旅程嘅最後，可以去位於JR新潟站內嘅Ponshu館 新潟驛店品嚐日本清酒先返歸！店內可購買各種特產產品，亦可以喺品酒處「唎酒番所」品嚐新潟縣產嘅日本酒。

只需於接待處支付500日圓，即可品嚐到最多五杯份量嘅「越後櫻」、「八海山 大吟釀」等品牌日本酒。投入硬幣並按下按鈕，日本酒即會倒入杯中。

你仲可以喺度一次過買埋零食菓子、日本傳統調味料、蕎麥、米等，具新潟代表性嘅手信，非常方便！

Ponshu館 新潟驛店

• 地址：新潟市中央區花園1-96-47 CoCoLo新潟 西館3F
• 營業時間：09:00 - 21:00（唎酒番所09:30 - 20:30 ※最終入場時間20:15）
• 交通方式：JR新潟站西口改札口連結通道直達
• 官方網站：https://www.ponshukan.com/en/
  ※「唎酒番所」不允許未滿20歲者入內，且不接受攜帶兒童進入。
  ※禁止酒駕，未成年人禁止飲酒。

即使只有2日1夜，亦可以享受一個充實嘅新潟市觀光。然而，新潟市仲有多個精彩位！不妨從FUN! JAPAN所介紹嘅景點中，尋找你喜愛嘅景點吧。

相關文章

• 【日本47都道府縣特輯：新潟篇】除咗米，仲有多款不為人知嘅美食！縣民更擁有一顆偏愛東京之心
• 【食譜影片】重現日本鄉土料理系列⑭新潟縣：「Noppe」(のっぺ)