講到新潟，總會聯想到白飯、日本酒、美食和溫泉等，可謂魅力無窮。
當中，名為「Noppe」(のっぺ) 嘅美食，更加係新潟具有代表性嘅鄉土料理之一。「Noppe」其實係一道燉菜，根據不同地區和家庭，所進行嘅組合變化亦會有所不同，例如材料種類、切法、烹飪方法和享用方式等，可謂種類繁多。
今次，小編除咗會介紹新潟嘅鄉土料理「Noppe」，仲會分享埋食譜畀大家喔。
日本鄉土料理係？
鄉土料理係指活用各地區嘅當地特產，結合當地風土民情所烹煮出來，並經過長年累月於該區廣泛地傳承下來嘅當地特色料理。唔單止係日本人嘅靈魂食物，亦係日本旅行必食嘅人氣美食。
關於「Noppe」
「Noppe」係新潟縣家庭中常見嘅燉菜料理。
主要使用芋頭，加入蔬菜、冬菇等清淡味食材燉煮，放上屬於青菜類嘅荷蘭豆作點綴。另外，喺無法入手荷蘭豆嘅冬季時，會使用名為「Totomame」嘅三文魚卵代替。
對於新潟縣民嚟講，「Noppe」係正月料理嘅經典菜式之一。另外，亦會於祭典、法事、婚禮等各種活動中經常出現。
「Noppe」經已深植於新潟縣民嘅生活中，並會因季節和地區而有所變化。
新潟縣嘅小學和中學食堂中，「Noppe」亦被納入其菜式之中，更可於周邊嘅餐廳和超市購買得到，甚至成為鐵路便當嘅配菜之一。
大家有興趣嘅話，不妨喺屋企跟住以下食譜，試吓親手整啦！
食譜影片請參考（附有CC字幕）👇👇👇
「Noppe」材料（2人份）
- 鹽味三文魚（切塊） 100g
- 芋頭 100g
- 紅蘿蔔 50g
- 蒟蒻絲 50g
- 水煮扇貝罐頭（含罐內湯汁） 80g
- 冬菇乾 1~2片
- 荷蘭豆 適量
- 水 200ml
- 浸完冬菇嘅水 100毫ml
- 鹽 少許
- 料理酒 1湯匙
- 味醂 1湯匙
- 醬油 2茶匙
「Noppe」嘅製作方法
- 將冬菇乾放入碗中，然後再加入適量嘅水浸泡，冬菇變軟後切成細片。
- 用鹽水煮荷蘭豆，然後切成斜片。
- 將紅蘿蔔切成絲狀，將芋頭切成一口大小，將蒟蒻絲切成適當大小，將冬菇乾切成細片，放入鍋中然後倒入水煮扇貝。
- 加入200ml水同浸完冬菇嘅水，煮沸騰後加入切成一口大小嘅鹽味三文魚。
- 加入少量鹽、料理酒、味淋、2茶匙醬油，煮至材料變軟。
- 裝盤後放上荷蘭豆，即大功告成。
Comments