全面睇東京新宿新名勝「東急歌舞伎町Tower」: 從早到晚都可以樂在其中的娛樂設施！

新宿地區全年都有大量觀光客前往，當中，新宿車站嘅平均每日進出人數甚至被列入健力士世界大全紀錄，為全球最繁忙嘅車站之一。

2023年，呢個東京首屈一指嘅繁華地區又增加多一個新名勝「東急歌舞伎町Tower」。本文將會為你介紹該大樓嘅位置，以及前往新宿觀光時必去嘅精選娛樂設施。

※本文所提到嘅價格（含稅）皆為2023年4月時資訊。由於內容或會出現變更情況，詳細請查閱各店家官方網站，以確認最新資訊。

新宿「東急歌舞伎町Tower」為2023年度，東京最受關注嘅旅遊熱點之一！

2023年4月14日，地上有48層、地下有5層、頂層1層，高達225米嘅「東急歌舞伎町Tower」，於繁華嘅新宿地區正式開幕。「東急歌舞伎町Tower」係一座超高樓嘅複合式施設，低樓層設有音樂廳、娛樂設施和餐廳，高樓層設有兩間品牌酒店&餐廳酒吧。以下為各樓層嘅主要配置說明。

B1-B4
音樂廳「Zepp Shinjuku (TOKYO)」、
夜間娛樂場所「ZEROTOKYO」

1F-5F
娛樂美食廣場「新宿歌舞伎hall～歌舞伎橫丁」、
遊樂場所「namco TOKYO」、
旅客諮詢中心、巴士總站等

6F-8F
劇場「THEATER MILANO-Za」

9F-10F
戲院「109 Cinema's Premium 新宿」

17F-47F
酒店「HOTEL GROOVE SHINJUKU, A PARKROYAL Hotel」、
酒店「BELLUSTAR TOKYO, A Pan Pacific Hotel」等

地點靠近樓頂擁有「哥斯拉頭像」嘅新宿東寶大樓，距離JR新宿站東口徒步約7分鐘，距離各線路列車嘅新宿三丁目站、新宿西口站和西武新宿站，亦只需徒步10分鐘即可抵達，交通可謂非常方便。另外，1F嘅巴士總站，有提供來往成田國際機場和羽田機場嘅高速巴士服務。

從羽田機場第二航廈前往歌舞伎町地區最短車程為35分鐘，從成田國際機場第三航廈前往最短需時為1小時30分鐘。

東京新宿「東急歌舞伎町Tower」晚間娛樂設施滿載，讓你可以通宵大玩特玩！

「東急歌舞伎町Tower」最大特色係擁有充實嘅設施，提供多項娛樂活動，例如大型遊樂場和解謎體驗設施等項目，喺度真係玩足成日都玩唔完！

喺東急歌舞伎町Tower 3F玩盡「namco TOKYO」嘅夾公仔機和扭蛋機吧！

如果你對大受訪日遊客歡迎嘅夾公仔機、街機遊戲或扭蛋機有興趣嘅話，「namco TOKYO」就絕對係一個「你想」好去處！

呢個係新型態嘅娛樂設施，遊客可以喺享受遊樂設施嘅同時，購買角色人物商品之餘，仲可以品嚐埋美食。

設有250部販賣扭蛋自動販賣機、100部夾公仔機、仲有「太鼓達人」和「鱷魚恐慌R」等多部街機遊戲。另外，收集了「ONE PIECE」和「龍珠」等獎品玩具嘅「Banpresto TOKYO Figure Collection」亦相當吸睛！如果你係日本動漫嘅粉絲，絕對會玩得非常投入，甚至會流連忘返喔。

其中，特別引人注目嘅係高3米、闊3.3米嘅「大型夾公仔機」（一次500日圓）。呢個係「namco TOKYO」限定，據聞係新宿地區最大型嘅夾公仔機。裡面嘅獎品當然都係大Size（尺寸）啦！

所有扭蛋機都有提供中、英文說明，以及提供電子支付服務。

香港亦有許多粉絲嘅「一番賞」，其官方店鋪販售嘅最新商品。旁邊仲有「ONE PIECE咭牌遊戲官方店鋪」。

namco TOKYO

• 營業時間：11:00~01:00
• 官方網站：https://bandainamco-am.co.jp/namco_tokyo/ 

去東急歌舞伎町Tower 4F「THE TOKYO MATRIX」，挑戰巨大地下城嘅最深處吧！

位於4F嘅「THE TOKYO MATRIX」，係一個非常適合動漫和遊戲迷嘅體驗型設施，結合了「Sony Group Corporation」嘅最先進技術，佔地超過1,500平方米，稱得上係一個巨大嘅地下城，真實地再現曾被改編成動畫和電影嘅輕小說——「刀劍神域」嘅世界觀。

組成2人或3人嘅隊伍，逐一挑戰「Quest 1」至「Quest 5」，順序攻略到最深處為止。當中任務包括扯大攬等，需要郁動身體嘅任務。根據各種不同「Quest」內容，可能會用到運動能力、腦力和團隊合作能力。相信大家一定會邊玩邊流汗，順便解決埋運動不足嘅問題！

完成報名手續，領取專用裝置後，即刻出發！

隨著「Quest」順序破解向前邁進，難度亦會逐漸提高。喺「Quest 3」中，需要瞄準怪物嘅觸角來投擲球，連FJ嘅工作人員亦陷入苦戰…

遊戲進行、說明字幕等皆有提供英語對應，讓不曾閱讀過原著嘅人都可以體驗得到作品中嘅主角氛圍。

THE TOKYO MATRIX

• 營業時間：10:00 ~ 22:00（最後受理時間為21:00）
  ※ 根據擠擁情況，可能會比預定時間提前結束受理。
• ※如因故障或維護等原因，可能會於未預先通知嘅情況下停止運行。
• 定休日：維護定休日為每月1次左右
• 費用：
  【事先預約】平日2,000日圓、週末和假日2,250日圓
  【當日】平日2,250日圓、週末和假日2,450日圓
• 官方網站：https://thetokyomatrix.com/

喺東急歌舞伎町タワー 9F~10F「109 Cinemas Premium新宿」大嘆豪華級電影觀賞體驗

最後介紹嘅係，擁有豪華級電影觀賞環境之「109 Cinemas Premium 新宿」。

「109 Cinema Premium新宿」作為「109 Cinema」嘅新品牌，係一間擁有最高級音響和放映設備嘅戲院。全劇場嘅音響系統皆為日本音樂家坂本龍一先生嘅監修下所設計，導入了追求極致真實聲音嘅音響系統「SAION -SR EDITION--」。

影院最中間位置，設置了「Class S」等級（左圖）嘅座位，比普通戲院座位大最多2.3倍，甚至配備了電動躺椅和邊桌。而「CLASS A」（右圖）亦有配備躺椅和邊桌。

引進了新宿地區首個「ScreenX」嘅「Theater 6」內，可以體驗得到正面螢幕，以及左右同時投影嘅影像，盡情享受270度嘅震撼視野享受！

呢個係可以悠閒地等待電影開始嘅「Lounge」等待區，裡面所播放嘅音樂亦係由坂本先生所製作。

109Cinemas Premium新宿

• 營業時間：08:30~24:00
• 一般票價：【CLASS S】6,500日圓、【CLASS A】4,500日圓（「Screen X」需額外付費700 日圓）
• 官方網站：https://109cinemas.net/en/premiumshinjuku/

「東急歌舞伎町Tower」必試！當地美食、日本品牌和牛！

「東急歌舞伎町Tower」擁有豐富娛樂設備，令人不禁想喺度大玩特、玩至夜深，甚至玩到連酒店都唔想返喔！除咗夠晒好玩之外，仲滿載著多間人氣餐廳！下次去新宿旅遊時，記得要參考一下今次推介嘅美食餐廳資訊啦。

東急歌舞伎町Tower

• 地址：東京都新宿區歌舞伎町1-29-1
• 營業時間：24小時
• 交通方式：
• 從西武新宿線「西武新宿站」步行1分鐘
• 從都營大江戶線「新宿西口站」步行6分鐘
• 從JR線、小田急線、京王線、東京Metro「新宿站」步行7分鐘
• 從東京地鐵、都營新宿線「新宿三丁目站」步行8分鐘
• 官方網站：https://tokyu-kabukicho-tower.jp/en/