講到2月，就一定會諗起情人節。如今，情人節呢一日已經成為全球著名嘅浪漫節日，更被作為「情侶嘅節日」去慶祝。不過，日本情人節嘅文化，係由女性贈送朱古力畀男性。近年，除咗會送「本命朱古力」畀心儀人物之外，亦會贈送並派發「義理朱古力」畀公司同事、學校同學、朋友等不含任何戀愛關係嘅男性熟人。另外，朋友間亦會互相贈送「朋友朱古力」等，洐生出各式各樣嘅新習慣。
既然2月食朱古力嘅機會比平時多嘅話，小編今次就決定要介紹一下使用高可可朱古力，所製作嘅朱古力Mousse（慕絲）食譜。只需要雞蛋與板塊狀嘅高可可朱古力2樣材料，就算係手殘都可以輕鬆製作出柔軟香滑嘅朱古力Mousse。下次不妨跟住以下食譜，落手整返個朱古力Mousse啦！
喺介紹食譜之前，首先了解一下高可可朱古力嘅營養效果吧！
高可可朱古力嘅營養效果
朱古力中含有嘅代表性成份為「可可多酚」嘅抗氧化物質。可期待有助「血壓下降」 、「預防動脈硬化」、「防止老化」等效果。高可可朱古力富含大量可可，因此比起一般朱古力，含有更多嘅可可多酚。
高可可朱古力嘅相關介紹就到此為止，即刻去睇睇柔軟香滑嘅朱古力Mousse嘅製作方法吧！
食譜影片請參考（附有CC字幕）👇👇👇
朱古力Mousse材料
- 雞蛋…2個
- 高可可板塊朱古力…1塊
- 可可粉…適量
- 糖粉…適量
- 藍莓…適量
朱古力Mousse製作方法
- 用手將朱古力摵開一小塊一小塊備用。
- 將朱古力隔水加熱融化。
- 將蛋黃和蛋白分開。
- 蛋白用電動打蛋器（手動打蛋器）打至蛋白尖峰不下垂，蛋白霜即完成。
- 將蛋黃過篩至朱古力裡。
- 以膠刮刀均勻攪拌。
- 蛋白霜分3次加入。首先將1/3蛋白霜加入容器裡，用膠刮刀攪拌均勻。
- 剩餘嘅蛋白霜亦逐次以1/3分量加入容器裡，用膠刮刀攪拌均勻。
- 倒入自己心儀嘅容器中。
- 放入雪櫃雪至固體狀。
- 雪完之後，根據個人喜好，可以灑上可可粉、糖粉、放上藍莓，即大功告成。
Comments