相信大家都知道京都係聞名全球嘅旅遊勝地，不過您可能唔知道，其實京都亦係一個擁有多個溫泉設施嘅溫泉勝地喔！傳說喺約1250年前，京都嘅溫泉甚至曾治癒感染瘟疫嘅病人。另外，京都溫泉種類豐富，譬如有「美肌溫泉」、「保暖溫泉」之稱嘅碳酸氫鹽泉／氯化物溫泉，仲有單純溫泉等等不同泉質。下次嚟京都，不妨計劃一個從內溫暖到外、令身心都徹底獲得療癒嘅溫泉之旅啦。
京都站周邊嘅溫泉酒店
對於遊客嚟講，如果可以喺作為旅遊據點嘅京都站附近，住有提供溫泉服務嘅酒店就最好不過。今次，就要為大家介紹從京都站徒步數分鐘，即可抵達嘅溫泉酒店！
無論係喺數一數二大規模嘅訂房網站上，獲得第一名嘅日式溫泉酒店「野乃京都七條」，抑或係擁有自家溫泉泉源、客人可以喺房間裡嘅私人空間享受著名「美肌溫泉」嘅「鳩屋瑞鳳閣」，以上兩間酒店皆擁有非常優質嘅溫泉，等您可以盡情放鬆身心。
著名訂房網站嘅第1名：天然溫泉 蓮花之湯 御宿 野乃京都七條
「御宿 野乃京都七條」位於京都站附近，係一間館內皆鋪滿榻榻米嘅和式酒店，可以喺充滿日式氛圍嘅客房內可好好休息。
講到「御宿 野乃京都七條」最大嘅魅力之一，就一定係天然溫泉啦。除咗有氣氛一流嘅岩石溫泉，仲有可以一邊欣賞充滿京都風情嘅壁畫裝飾、一邊聽著令人放鬆音樂嘅「瞑想之湯」等等，可以喺度享受得到種類豐富嘅溫泉浴池。
於早餐時段，可以享用得到加入了由老舖所製作嘅「湯葉」（香港稱為腐皮），所烹煮而成嘅「豆腐皮海鮮蓋飯」，以及其他以當季食材所製作嘅美食。如果您夜晚突然肚仔餓想食宵夜？酒店仲有免費提供「夜鳴蕎麥麵（夜鳴きそば）」嘅服務，相當貼心！
喺各種細節位都可以照顧到客人所需，不愧係著名訂房網站第1名嘅人氣酒店！
景點資訊
- 地址：京都府京都市下京區材木町491番地
- 交通方式：JR京都站徒步約7分鐘
- 官方網站: https://www.hotespa.net/hotels/nono_kyoto/
位於京都站周邊 附有溫泉客房嘅溫泉酒店：京湯元鳩屋瑞鳳閣
京都站周邊唯一一間擁有自家溫泉源頭嘅「京湯元鳩屋瑞鳳閣（京湯元ハトヤ瑞鳳閣）」。客房以和式現代風，以及和洋式客房為主，分成13種類型。如果係特別客房和附有天然溫泉和式客房嘅住客，仲可以享受不出房門、宅在客房裡面大浸特浸溫泉喔。
館內有「東山之湯」和「西山之湯」2個大浴場，使用汲取自酒店地下910ｍ深嘅地底溫泉水，此溫泉水更被美譽為「美肌之湯」。除咗住宿方案，亦有提供跟餐但不含住宿嘅溫泉套餐（需要予約）方案喔。
如果您係預約有跟早餐嘅方案嘅話，就可以品嘗得到以溫泉水所烹煮嘅「溫泉豆腐」等等，可謂京都酒店特有嘅日式美食喔。您仲可以喺酒店嘅Café，嘆返杯以京都地下水與溫泉水所釀造嘅啤酒，相當過癮。
景點資訊
- 地址：京都府京都市下京區南不動堂町802
- 交通方式：JR京都站徒步約5分鐘
- 平均住宿費用：
大人1位（2位1房）：1晚 6,480日圓〜68,750日圓（含稅）
※根據房型、不同各季節等因素，價格亦會有所變動 - 官方網站：https://kyoto-hatoya.jp/
嵐山溫泉：人氣紅葉景點嘅溫泉區
從京都站乘搭JR大約20分鐘左右，即可抵達嵐山， 呢度係一個相當受歡迎嘅賞紅葉勝地。嵐山唔單止係以渡月橋和竹林等美景而聞名，同時亦係一個溫泉旅館林立嘅地區。今次，小編要介紹嘅係可以盡情喺客房內私人浴池大嘆特嘆溫泉嘅「花傳抄」、「彩四季之宿 花筏」兩間旅館。絕對可以喺度邊享受溫泉，邊感受嵐山獨特氛圍喔。
提供私人包租溫泉嘅旅館：京都 嵐山温泉 花傳抄
每個角落都洋溢著京都風情嘅「京都 嵐山溫泉 花傳抄」，部分客房內附有露天溫泉浴池，等您可以喺客房一邊感受京都嘅歷史文化，一邊浸溫泉好好放鬆一番。
除咗可以享受天然溫泉嘅「石風呂」之外，仲有提供5種不同主題嘅免費包場浴池。另外，徒步2分鐘亦即可抵達公共浴池「風風之湯」，等您可以趁機一嘗溫泉巡禮嘅感覺。
晚餐提供嘅係京都代表美食之一嘅「會席料理」，而且小菜與天婦羅仲係任食㗎，等您可以趁機食盡京都嘅好滋味。如果呢一餐都仲未滿足到您嘅話，仲有提供免費宵夜服務——「夜鳴蕎麥麵」。住宿於此，保證您身心都會勁滿足喔。
景點資訊
- 地址：京都府京都市西京區嵐山西一川町5-4
- 交通方式：阪急嵐山站徒步約1分鐘
- 官方網站：https://www.hotespa.net/hotels/kadensho/
提供附有露天溫泉客房嘅旅館：嵐山溫泉 彩四季之宿 花筏
「嵐山溫泉 彩四季之宿 花筏」建於渡月橋附近，係一間完美融合了周邊自然環境與日本文化嘅和式旅館。 呢度有提供設有露天溫泉浴池嘅獨棟特別客房，等您可以24小時全天候享受專屬於您嘅好時光。
浴池使用嘅係嵐山溫泉嘅泉水。除咗有室內浴池和露天浴池「風花」與「六花」、仲有2個觀景露天浴池和一個私人包場露天浴池等各種浴池，等您可以體驗得到不同主題浴池嘅樂趣喔。
食物嘅水準亦非常高，主要係使用由主廚精心挑選嘅食材去烹製京都料理。另外，旅館亦有提供可以同時享受溫泉和溫泉豆腐等美食嘅不含住宿只浸溫泉嘅套餐方案。
景點資訊
- 地址：京都府京都市西京區嵐山中尾下町57
- 交通方式：JR嵯峨野線嵯峨嵐山站徒步約15分鐘
- 平均住宿費用：
【平日】1位23,100日圓～49,500日圓（2位1房、1晚附2餐） - 官方網站：http://www.hanaikada.co.jp/
天橋立溫泉：京都近郊嘅人氣溫泉街
京都近郊地區有一個佈滿溫泉旅館嘅人氣溫泉小鎮——「天橋立溫泉」。呢個溫泉位於日本三景之一嘅「天橋立」，因為可以喺度望見猶如飛龍昇天嘅景色，所以成為廣為人知嘅名勝景點。「天橋立溫泉」泉質為氯化物泉，唔少人視此溫泉為療養泉，會特地前往浸溫泉以療癒身心。除咗溫泉與美景之外，捕獲自日本海嘅海鮮亦相當受歡迎，尤其係冬天嘅螃蟹美食更加係魅力沒法擋。下個日本之旅，想大嘆溫泉之餘，又想飽覽美景兼大嘆螃蟹等美食嘅話，就嚟「天橋立溫泉」報到啦。
Comments