【日本鳥取】日本酒、威士忌、果實酒盡在鳥取！鳥取旅行時絕對想品嚐一次嘅美酒大集合

鳥取縣除咗以鳥取砂丘廣為人知之外，其實當地亦相當盛行釀酒，縣內各地都有「藏元」（釀酒場）喔。本篇文章會為大家講解鳥取盛行釀酒嘅理由，以及會介紹好幾款去鳥取旅遊必飲嘅當地美酒！

盛產酒嘅鳥取縣原來係純米酒王國⁉

要釀造日本酒嘅話，高品質嘅水、米、空氣等條件都係不可或缺。鳥取縣正正係擁有得天獨厚嘅天然環境，有齊晒以上所講嘅優越條件，因此鳥取縣各地都會見到酒窖嘅蹤影，更加釀造出唔少當地美酒、有日本酒以外嘅威士忌、葡萄酒，亦有使用梨、柿等等嘅當地特產所製作嘅果實酒。

日本酒當中有一種淨係使用白米、米麴與水為原材料進行釀造嘅純米酒，鳥取縣又以其生產比例之高而聞名，可謂全國數一數二嘅「純米酒王國」。除咗鳥取市、米子市，縣內各地都設有酒窖，去到鳥取就可以享受得到各個酒窖特有兼充滿個性嘅靚酒喔。

當中不得不提，倉吉市嘅「松井酒造」所製作嘅威士忌亦相當出名，『倉吉』等8種商品更加喺世界3大威士忌品評會上，贏得最高榮譽雙金獎，鳥取縣所出產嘅酒亦因此受到全世界關注。

鳥取縣嘅酒點解會咁好飲？

即刻去睇睇鳥取縣嘅酒，係因乜解究會咁好飲啦！

1. 鳥取有多個釀酒過程中不可或缺嘅名水！

釀酒嘅基本關鍵就係高質水源！由於鳥取縣擁有大山等等代表中國地方嘅名山，因此來自中國山地其融化嘅雪水量相當豐富。另外，縣內亦擁有「天之真名井」（米子市）、「布施的清水」（鳥取市）等等嘅多個名水之地。當中，融化嘅雪水與名水地嘅水源唔單止係好飲嘅軟水，仲含有豐富礦物質，因此可以製作出口感順滑易入喉，兼擁有醇厚味道嘅美酒喔。

2. 對原材料嘅堅持！於鳥取縣內生產酒米與葡萄

喺日本酒釀造過程中，米同水一樣係原材料中最重要嘅其中一個項目（※酒米係日本酒嘅原材料）。現時喺鳥取縣內所生產嘅酒米有「玉榮」、「五百萬石」、「強力」、「山田錦」等等品牌。

當中不得不提，「強力」係僅於鳥取縣栽培生產嘅原創酒米。使用「強力」所製作嘅日本酒特徵係香味濃郁。另外，仲有一點或者會令唔少人感到意外－就係鳥取縣竟然盛行於砂丘地進行葡萄嘅栽培，縣內所製作嘅葡萄酒亦係使用當地產嘅葡萄。鳥取縣嘅酒就係經過以上種種，對於原材料嘅高度堅持所製作出嘅美酒。

3. 傳承傳統古法釀酒工藝與職人技術

現時，鳥取縣內嘅日本酒「藏元」有16間（※經已加入釀酒工會）。當中有唔少超過100多年歷史嘅酒窖喔。

喺日本，有一部被改編成電視劇集嘅人氣日本酒漫畫一《夏子的酒》，故事舞臺「藏元」嘅原型，其實就係實際存在於鳥取縣、名為諏訪泉嘅「藏元」。鳥取擁有唔少歷史悠久嘅「藏元」，直至現時，亦傳承其傳統古法釀酒工藝，薪火相傳。

4. 鳥取嘅酒與美食簡直係絕配！

面向日本海嘅鳥取縣，擁有松葉蟹、日本叉牙魚等等豐富嘅新鮮海鮮！自古以來，當地就相當盛行於釀酒以配合美食嘅飲食文化，直至現時，亦製作出多款適合與海鮮和美食相配搭享用嘅美酒。

鳥取縣必買手信之精選好酒推介

為您介紹以下幾款特別受歡迎嘅美酒品牌，每款都係鳥取旅遊手信精選！

千代結 純米大吟釀強力40

將鳥取獨有嘅酒米「強力」，磨至40%所製作而成嘅日本酒。擁有令人不禁聯想到果實嘅華麗香味以及高雅醇香，更加喺法國嘅品評會【FEMINALISE CONCOURS 2022】中獲得最高榮譽金獎。

【原材料名稱】鳥取縣產强力 【精米比率】40% 【日本酒度】+1 【酒精濃度】16.5度

SORAH

使用酒米以及米麴，以傳統製法所製作嘅氣泡清酒。入口之後，首先會感受到一股令人驚喜嘅清爽！氣泡酒獨有嘅清爽酸味與碳酸氣泡感，可謂相當過癮。除咗可以從中享受得到以米釀造嘅美酒先至有嘅箇中風味，其尾韻餘味亦夠晒清爽，非常推薦大家邊食飯邊嘆。

【原材料名稱】米（日本國產）、米麴（日本國產米） 【酒精濃度】12度 ※此款酒為氣泡日本酒。

ULTRA YUZU

採用25%柚子果汁嘅LIQUEUR，可以享受得到大量天然柚子嘅清爽香味及酸味，非常推薦加入日本酒或梳打水去享用喔！

【原材料名稱】柚子果汁（日本國產）、果糖、釀造用酒精 【酒精濃度】6度

千代結 CRAFT JIN 因伯人(Impact)

日本山陰地區嘅首款DRY CRAFT GIN，於2019年夏天完成。運用長年累月下所培育而成嘅蒸餾酒技術，加入芫荽等植物由來嘅13種材料為基礎原料製作而成。香味方面，使用檸檬、八朔柑、柚子等柑橘類，以及日本自古以來嘅香木「黑文字」（鳥取縣産），所散發出嘅香氣令人瞬間有種喺清晨時分，於森林散步一樣嘅感覺，一股新鮮與清爽嘅氣息撲鼻而來，份外怡人。

無論係加冰塊、直接飲用去享受原汁原味嘅酒香，抑或係用嚟調製返杯Cocktail都相當好像。

【原材料名稱】米燒酎・13種植物由來嘅材料（杜松子、當歸根、芫荽、檸檬、柚子、八朔柑、橙、柳丁、生薑、藍莓、丁香、肉桂、黑文字） 【酒精濃度】47度

MATSUI PURE MALT WHISKY 倉吉

擁有既柔順又香又清爽嘅麥芽香味，當中，提子乾、堅果、雲呢拿嘅酸味苦味甜味嘅平衡口感極佳，會感受到此美酒嘅好滋味於口中慢慢擴散，令人一試難忘。曾於全球最具影響力嘅酒類品評會之一嘅San Francisco World Spirits Competiton2022中獲得雙金獎。

【原材料名稱】麥芽 【酒精濃度】43度

認識更多有關鳥取酒！去試飲同參觀酒窖藏元吧~

鳥取縣各區都有「藏元」嘅蹤影。根據各個不同嘅「藏元」，有可以參觀酒窖嘅釀酒工序過程，亦有可以喺店內進行試飲等等嘅體驗。

當中，「千代むすび 岡空本店」（千代結 岡空總店）係作為可參觀酒窖嘅「藏元」而聞名嘅景點之一。「千代むすび 岡空本店」除咗設有酒窖、仲有Café、日本酒吧等等，想要詳細瞭解傳統釀酒與日本酒嘅話，呢度絕對係最佳地方！參觀酒窖（※至少提前一日預約），從中學習釀酒嘅基本知識，而參觀完之後，再喺Café嗌返個日本酒菜式、燒酎蜂蜜蛋糕等等嘅美酒甜品之餘，仲可以去埋立飲酒吧嘆返幾款日本酒，可謂樂趣多多，絕對會成為您嘅鳥取旅行嘅最佳回憶喔！

店舖資訊

• 千代むすび 岡空本店（千代結 岡空總店）
• 地址：鳥取縣境港市大正町131
• 交通方式： 從JR境港站徒步3分鐘
• 營業時間：9:00-17:00
• URL：https://www.chiyomusubi.co.jp/index_eng.html

• MATSUIWHISKY嘅官方網站
• https://matsuiwhisky.com/en/