【食譜影片】自己御好燒自己做！廣島風御好燒整法大公開

大家知道日本人氣美食「御好燒」有2種作法嗎？一種係關西風御好燒，亦即係耳熟能詳嘅「大阪燒」，將所有食材撈埋一齊一次過放喺鐵板上煎；另一種則係廣島風御好燒，又稱為「廣島燒」，一般為薄餅皮上疊上一層又一層食材而成。

之前曾經介紹過關西風御好燒，而今次要介紹嘅就係廣島風御好燒製作方法。如果屋企裡面無鐵板，用平底鑊都一樣可以整到！只係煎上嚟需要多少少時間，有機會可以挑戰一下喔～

廣島風御好燒材料（2份）

製作麵糊：於碗中倒入60cc水、2分之1味醂、40g低筋麵粉，攪拌混合均勻。
椰菜切絲：將椰菜切成寬2～3mm細絲。
將鐵板預熱至160〜180℃左右，用鍋杓舀約8分滿麵糊，倒入鐵板上，舖成直徑約20cm圓形狀。
※步驟重點：麵糊舖得越薄越好！用鍋杓將麵糊由正中央往外畫圓，舖平均勻，至少畫個5次左右，直到中央麵糊餅皮如可麗餅餅皮般呈現薄薄一片。
於煎好餅皮上撒上柴魚片、再依序放上椰菜、天婦羅麵衣屑、蔥花、芽菜、豬肉片。最後再從上倒入少量麵糊。
將鐵板加熱至200℃以上，於整個食材上頭均勻倒入少量麵糊（10g），之後翻轉。
於鐵盤空置地方放上炒麵、加熱。
※步驟重點：蓋上鐵板蓋，將椰菜焗至半透明狀！中途用煎鏟於御好燒中間穿插炒幾下，此舉有助椰菜均勻蒸熟。等到肉烤熟後將溫度調降至180℃，再將椰菜焗約5分鐘。
於炒麵上淋上炒麵醬，略微翻炒，舖成御好燒相同尺寸大小。當椰菜焗熟熟之後，再翻轉一次，並於上頭放上炒麵。
於鐵板打上雞蛋，用煎鏟劃成圓狀。蛋煎好之後，放於步驟7御好燒半成品上。
放上雞蛋之後，廣島風御好燒就大功告成！淋上御好燒醬、撒上海苔粉，係時候起筷～