日本地大物博，各地區文化、方言、飲食習慣均存在唔少差異，其中又以「關東」、「關西」兩個地區最經常被拿作比較。
本文將用簡單例子，為您介紹關東、關西喺飲食文化上嘅差異。由於篇幅關係，以下內容以外嘅恕未能盡錄，各位讀者想同小編一齊討論或有其他補充的話，歡迎留言話我哋聽喔～
關東地區、關西地區喺邊到？
關東地區與關西地區嘅範圍，其實並無一個明確定義。
關東一般指東京都、神奈川縣、千葉縣、埼玉縣、茨城縣、栃木縣、群馬縣共6縣，有時候再會加上長野縣與山梨縣。
而關西則指大阪府、京都府、兵庫縣、滋賀縣、奈良縣、和歌山縣、三重縣等地，有時亦會將四國地區計算在內。
關東人鍾意食蕎麥麵 關西人鍾意食烏冬？
蕎麥麵（soba）同烏冬係日本全國各地都非常普遍嘅國民美食。不過日本飲食文化當中，其實流傳著一個講法：「東蕎麥、西烏冬（東邊多蕎麥店、西邊則多烏冬店）」。
唔單只咁，就連湯底都有分別！關東風湯底多以柴魚加上深色醬油調味，所以顏色會比較深，味道亦相對濃郁；而關西風湯底則多以昆布為主，顏色相對清澈。
關東關西切鰻魚方法原來唔一樣？！
鰻魚料理自江戶時代起逐漸發展為庶民美食。原來關東關西文化差異與性格，竟然都呈現喺鰻魚料理方式上？！
隸屬於關東嘅「江戶」（東京舊稱）往日係武士之都，剖魚肚容易聯想到「切腹」。由於「切腹」對武士而言屬於大忌，因此關東地區會從魚背剖開；相反關西大阪自古以來商業繁盛，商人講求誠信、最好能推心置腹，因此關西地區嘅鰻魚就會從魚肚剖開。（坊間尚有其他說法）
煮食方式方面，關東地區會多加一步「蒸」手續，而且輔以蒲燒醬汁令味道更加濃厚。由於先蒸過再燒，因此能保有鬆軟口感；關西地區則係直接將生魚燒到底，醬汁亦不如關東般濃稠，口感偏紮實。
稻荷壽司形狀：關東圓筒狀 vs. 關西三角形
稻荷壽司即係指將甜甜豆皮（腐皮）包著醋飯而成嘅壽司。一般嚟講，關東地區稻荷壽司多為圓筒狀（或四角形），而關西地區則多為三角形。您食過嘅稻荷壽司，又係邊一種形狀呢？
關於關西三角形稻荷壽司嘅由來，目前並無一套明確理由與說法考證。有一說法係取自稻荷神社總本宮「伏見稻荷大社」所在稻荷山嘅形狀，亦有一說係因為外型類狐狸耳朵形狀。無論係邊一種講法，都為稻荷壽司增添故事性與趣味性呢。
糯米糰子數量：關東4粒 vs. 關西5粒
有食過日本各地糯米糰子嘅讀者，即刻拎手機出嚟睇睇以前食過嘅糰子究竟係幾多粒？
原來，關東地區大多為一串4粒，而且啱啱係一口大小；關西地區則大多為一串5粒，形狀偏小。相傳糯米糰子起源地係京都下鴨神社「加茂みたらし茶屋」，一串5粒代表頭部與四肢，最初係獻畀神明嘅供品，以向神明祈禱保佑無災無息。後來糯米糰子傳到江戶，於江戶大受歡迎，而一躍成為最具人氣嘅零食。
起初江戶嘅糯米糰子亦係5顆，價值只賣一串5文錢。18世紀中期後，4文錢貨幣面句，商人為計算方便，於是就改為一串4粒，後來漸漸成為主流至今。
部分地方仲可以見到一串3粒嘅糯米糰子，其中最經典必定係賞櫻必備「花見糰子」，顏色分別為白色、粉色、綠色。相傳3種顏色代表冬、春、夏天季節變化，亦有人話係代表白雪、粉櫻與新綠，係唔係好有詩意呢？
親子丼調味料：關東七味粉 vs. 關西山椒粉
讀者者喺店舖品嚐親子丼時，有無曾經注意過枱邊擺放嘅調味料有咩玄機呢？
親子丼一般食法，係先品嚐原味然後再配搭調味料、醃漬小菜增添風味。一般嚟講，使用於親子丼嘅調味料可以分成「七味粉」與「山椒粉」兩派，其中山椒粉派又以京都最為知名。除咗親子丼之外，山椒亦會被使用於各種京料理之中，而關東則多數為七味粉派。
此外，親子丼食材亦會有所差異。關東丼多以洋蔥、雞肉、雞蛋為主，並以醬油為基底調味；關西風親子丼則多以蔥、雞肉、雞蛋為主要食材，並以高湯調味。
睇完本文，係咪想掛住日本食物掛到流晒口水呢？下次品嚐時，不妨試吓分辨眼前嘅究竟係關東風定係關西風喔！如果仲有咩想睇嘅主題內容，歡迎留言話畀小編聽～！
※以上內容僅供參考。部分內容有諸多說法，不代表所有情況。
Comments