提起日本嘅春天，「櫻花」永遠絕對唔會缺席！正值春暖花開季節，天氣超級適合外出散步，因此日本各地多個賞櫻景點往往都會吸引大批遊客朝聖。不過，邊個話櫻花淨係得個「睇」字？近年越來越多以「櫻花」為主題嘅甜品等料理登場，好似今次FUN!JAPAN編輯部小廚娘，就會試著用鹽漬櫻花製作Pound Cake（牛油磅蛋糕）。當檸檬遇上櫻花，唔知呢個組合又會擦出咩火花呢？
材料
- 100g... 無鹽牛油
- 2顆... 蛋
- 80g... 白糖
- 90g... 麵粉
- 10g... 高筋麵粉
- 20g... 杏仁粉
- 1顆份... 檸檬皮
- 1大匙... 檸檬汁
- 1/2小匙... 發酵粉
★檸檬糖霜/糖衣
- 150g... 純糖
- 30g... 檸檬汁
- 3g... 士多啤梨粉
- 5 -7塊... 鹽漬櫻花
事前準備:
- 將烘焙紙放入模具中鋪好。
- 先將麵粉、高筋麵粉以及發酵粉篩好。
- 將檸檬洗乾淨，擠出檸檬汁後過濾。
- 使用檸檬刨皮刀等，刮走檸檬表皮（推薦使用未上蠟檸檬作為材料）。
作法
- 將無鹽牛油與砂糖倒入碗內，用攪拌機攪拌至呈現乳白色後，逐少逐少加入蛋液。
- 倒入事先篩好嘅麵粉等（份量大約2成）並倒入檸檬汁、檸檬皮，再用攪拌機拌勻。
- 將剩低嘅粉倒入碗內，換上矽膠刮刀繼續輕輕攪拌（溫馨提示：請注意唔好過度攪拌！）。
- 放入模具，將表面塗平抹勻後放入焗爐焗約45分鐘。(根據機種不同，時間可能有所差異)
- 放入焗爐15分鐘後，蛋糕表面會像膨脹成像膜一樣。記得呢個時候要先拎出蛋糕，用刀喺表面劃一刀後再馬上放入焗爐。此舉有助蛋糕均等出現裂痕，特別推薦最後成品會呈現山型嘅甜品，為賣相加分！
- 經過45分鐘後，將蛋糕從模具中取出攤凍。稍微降溫後，放入保鮮袋等放置至隔日。
- 然後就係製作糖霜嘅時間。將純糖添加士多啤梨粉、檸檬汁一齊攪拌至會慢慢從打蛋器上緩緩流下嘅半液體狀態。
次數唔夠的話，糖霜會太稀、難以定型；相反、如果攪拌到最後太硬，則可以再添加數滴檸檬汁重覆攪拌。 - 將蛋糕正面朝下、放喺網上，並於網下方鋪一層保鮮膜。
- 將糖霜淋上蛋糕，直至整個蛋糕都被糖霜覆蓋。您可以使用麵包刀塗抹均勻，唔夠平均嘅地方亦可以用麵包刀補救。請注意，呢個步驟如果拖太耐，表面可能會出現線痕，更有可能出現蛋糕碎屑，所以要快、狠、準！
- 趁糖霜完全變乾硬化之前，擺上鹽漬櫻花裝飾。將磅蛋糕移動至盤上，直到糖霜完全硬化即大功告成！
Comments