話咁快又到情人節，如果可以趁呢個機會，從另一半收到、或為另一半送上蛋糕做禮物，您話係幾咁浪漫呢～？事不宜遲，以下即刻教大家用上日本整蛋糕工具，在家DIY抹茶朱古力千層蛋糕！
材料：
- 3隻 雞蛋
- 1.5杯 牛奶
- 1.75茶匙 砂糖
- 1杯 麵粉
- 1湯匙 抹茶粉
- 2湯匙 已溶牛油
- 1茶匙 泡打粉
淡忌廉：
- 3/4杯 厚忌廉
- 2湯匙 粗糖
- 1湯匙冧酒/朗姆酒 (隨個人喜好添加)
做法：
- 將上述千層蛋糕材料於碗內攪拌至均勻。
- 以濾網將麵糊過篩，然後放入雪櫃冷藏約2小時。
- 將厚忌廉、粗糖以及冧酒打至企身狀，做出淡忌廉。
*平底鑊餅底做法：
- 先將小部分麵糊淋上已預先預熱嘅平底鑊，再順序將正反兩面煎好。重複以上步驟至所有麵糊煎好成型。
*千層蛋糕機餅底做法：
- 將麵糊放入千層蛋糕機後，將千層蛋糕機反轉，待麵糊乾透後再次反轉至另一面。
- 將已成型餅底放於一邊攤凍。
- 等到攤凍後，於每片餅底逐一塗上忌廉，並將餅底層層疊起。
- 將千層蛋糕以保鮮紙包好，放有雪櫃雪凍約4小時。
- 沿蛋糕四周四端切片，切成長方形狀。
- 最後將製成品切成細長形狀， 大功告成！
蛋糕裝飾：
- 將朱古力淋上千層蛋糕，然後等待朱古力凝固。
- 隨個人喜好，灑上抹茶粉或添加其他蛋糕裝飾♬
整餅好幫手：
編輯部喺今次整餅過程中，就用咗上圖呢款千層蛋糕機，貪佢夠晒方便之餘，仲可以唔使開火就可以整出好食蛋糕～
產品詳情
- 顏色: 白色
- 材質: 酚醛樹脂
- 品牌: LITHON
- 尺寸: D38 x W20 x H6 cm
- 重量: 750 g
- 電壓: AC 100V
- 電線長度: 1m
- 電壓頻率: 50/60 Hz
- 鑊面直徑: 20 cm
- 溫度保險絲: 240°C
※有興趣購買嘅讀者，可以嚟呢到買～
Comments