【日本長野】長野縣推薦必去!精選5大隱世絕景溫泉

長野縣係被群山環繞嘅大自然豐饒之地,縣內有多處可以眺望壯闊自然美景嘅絕景溫泉。而以下要為大家介紹嘅溫泉勝地,同時亦係熱門住宿地點,相得值得一住!

白馬姬川溫泉

白馬姬川溫泉

白馬姬川溫泉係一處位於白馬村姬川沿岸嘅溫泉區。溫泉最大特色係泉水中含有大量鹽分,所以浸泡時質感滑順、唔黏膩;浸完溫泉後,鹽分會附著於皮膚上、避免汗水蒸發,令身體一直維持「暖笠笠」狀態,因此又被稱為「Netsu-no yu(熱之湯)」!

從大浴場及露天澡堂望出去,您可以眺望到3000米高嘅北阿爾卑斯群山、白馬三山、五龍岳等。

如果係下榻於白馬高地飯店(Hakuba Highland Hotel)內嘅「天神之湯」的話,就更加能將號稱「白馬第一美」嘅北阿爾卑斯山優美景緻盡收眼底呢。

馬曲溫泉

馬曲溫泉

馬曲溫泉於1982年被發現,其後由1988年開始經營。馬曲溫泉位處奧信州馬曲川沿岸山間地帶,讓遊客可以置身壯闊自然美景中享受溫泉樂。

雖然區內可以浸溫泉嘅地方,就只有「望鄉之湯」僅此一家,不過溫泉設施就勝在眼前就係高社山,遠方則係北阿爾卑斯群山,景色層次豐富。

馬曲溫泉特別又以冬季時嘅景緻評價最高,更被日本報社評定為東日本頭號「絕佳雪景溫泉」!毫無遮蔽嘅遼闊視野,配搭雄偉自然景緻呈現出嘅藍白對比,更係美不勝收。

松川溪谷溫泉

松川溪谷溫泉

松川溪谷溫泉係一處位於長野縣高山村內嘅溫泉勝地。溫泉旅館「Taki-no yu(瀧之湯)」以天然岩石地形打造而成,因座落於甲信越地區最佳位置上而深獲好評。

落差約30米嘅「雷瀑布」與高聳入雲嘅楓樹林交織出引人入勝景緻。風景隨著季節更迭而予人截然不同嘅印象,是新春綠意、秋季楓紅、冬季白雪,任何季節都推薦大家到此一遊。

另外,松川溪谷溫泉則富含名為「矽酸」嘅美肌成分,因此大受女性遊客喜愛。有機會的話,請大家一定要嚟試試一邊呼吸新鮮空氣,一邊放鬆身心靈嘅奢華溫泉體驗!

美原溫泉

美原溫泉

美原溫泉位於松本市郊外,從依靠美原高原而建嘅溫泉旅宿內,住客唔單只可以欣賞到北阿爾卑斯連峰,亦可以從客房、浴室眺望松本市夜景,佔盡松本城城下町近郊地利。

此外,日本環境省亦已於1983年將美原溫泉指定為國民保養溫泉區,並於1986年被選為國民保養溫泉。

國民保養溫泉即係指療效值得期待嘅溫泉,目前全日本共有77處(截至2020年11月),質素絕對有保證!

高峰溫泉

高峰溫泉

高峰溫泉係一座位於淺間連峰,海拔2000米嘅山間溫泉。此處一大特色係知名溫泉「雲上之野天風呂」以燈籠照明,讓遊客體驗到與大自然融為一體嘅氛圍。

當您浸泡於溫泉池水中,請記得把握機會向下眺望高峰溪谷與美原,以及眺望遠方中央阿爾卑斯群山美景。當清晨天氣晴朗時,甚至仲可以機會可以遇見雲海𠻹!

另外,當地喺晚上仲會舉辦以天文望遠鏡或大型雙筒望遠鏡觀察星空嘅「星空觀賞會(觀星大會)」。以滿天星辰勾勒出嘅銀河,係唯獨高峰溫泉先至欣賞得到嘅珍貴美景,不容錯過!(天氣不佳時,將會改為投影播放)

目錄

Survey[問卷調查] 關於日本旅遊







Recommend