世界人口第四大、市場龐大且持續發展中嘅印尼，亦都越嚟越有親日嘅跡象。喺印尼，日本嘅動漫、流行音樂等日本娛樂內容都好受歡迎。而根據日本外務省統計資料顯示，喺日本嘅印尼人人數亦擠進前十名，大概有6萬人。今次，想同大家介紹FUN! JAPAN編輯部成員之一，亦係編輯部成員中住喺日本最耐嘅印尼籍小編Pauli！下面係Pauli以第一人稱執筆介紹嘅翻譯。
因為鍾意學習語言 希望學習多國語言
小學時睇日本卡通片，就開始對日本產生興趣。特別係睇到電視播出嘅《小甜甜》，就覺得日文發音好有趣，而且主題曲好可愛。但其實，一開始我想學嘅係中文，因為我高中時候，香港電影喺印尼好流行，而當時我鍾意咗劉德華，亦睇咗好多佢嘅電影(笑)
喺選擇大學專修時，曾經煩惱要專攻邊一個語言。本來想要選擇中文系，但有中文系嘅大學離我家相當遠，加上父母都唔放心我一個人離家在外，最後選擇咗離家比較近嘅大學，就讀該校嘅日文系。
學習漢字費苦功 幸好親切嘅日本人拯救我
上大學後，由五十音開始學。升上大二時，都仲係記唔到漢字。由於印尼文同英文一樣，都係用羅馬字母組合，而後來授課內容越嚟越難，漸漸覺得跟唔上學校授課內容。從來都無諗過學習日文咁難，當時曾經真心諗過要退學。最低沉嘅時期，係日本朋友成立嘅讀書會，幫咗我好多。我可以繼續學日文，都係嗰位朋友嘅功勞。
靜岡留學期間 每日對著「富士山」講早晨
大學畢業後，我曾經就讀位日本靜岡嘅日語學校。一直以來都係由父母資助下生活，留學中嘅一年，係我人生中第一次自立，得到各式各樣嘅經驗。放學後我曾經喺化妝水製造工廠、餐廳等打工。而當時仲有日本人照顧我地呢班印尼留學生，就好似媽媽咁，仲為我地製造咗好多同日本人交流嘅機會，甚至仲請我地一齊食晚飯，帶我地去旅行，真係非常感謝呢位日本媽媽。
講起靜岡，相信大家應該會諗起「富士山」。留學嘅一年期間，我每日朝早起身打開窗，富士山就喺我眼前，周圍嘅景色都好靚，每日其一起身就會同富士山講早晨！
想兼顧家庭與事業 踏上翻譯之路
留學生活結束，返到印尼之後，我再次嚟到日本係因為結婚而申請咗咗偶簽證。之後申請永久居留，而家係以永住者身分喺日本生活。今年已經係我嚟日本第19年。我曾經去過一間只有我係外國人嘅公司上班，也做過有多國籍嘅公司。我本身就鍾意語言，又懂日文，就諗住可以活用呢啲專長，想要做一啲對印尼有幫助嘅工作。另外，亦希望可以兼顧家庭與事業，用一部電腦無論係邊都可以工作，所以諗到做「翻譯」呢個職業，呢個亦係我開始做翻譯嘅原因。
於快樂環境中工作好重要 透過工作發現新興趣
過去，我曾經喺大型旅遊評價網站做過翻譯，當時部門大半數係外國員工，同其他國家交流嘅機會好多，公司風氣良好，工作環境亦唔會有好嚴謹嘅上下階層關係，喺嗰度返工非常愉快，但因為契約到期而要離開，之後輾轉從事一啲旅遊相關嘅工作，最後嚟到咗而家嘅FUN! JAPAN。
FUN! JAPAN嘅成員都好溫柔，無論係日本人定係外國人都好親切。我認為可以喺開心快樂嘅環境中工作非常重要，而且FUN! JAPAN最特別嘅地方係「無固定座位」，當遇到無靈感時，就可以換個位坐，轉換一下心情。日本公司大部分都係固定座位，呢點十分難得。就連本來覺得去旅遊好麻煩，因為工作關係，漸漸會想去一啲無去過嘅地方，開始想要去旅行。而家旅行仲成為咗我興趣添！
印尼人嘅日本夢
1970年代，印尼家家戶戶幾乎都可以見到有日本製產品。因為日本製產品畀人性能優秀、耐用嘅印象，亦因此漸漸建立起對日本嘅信賴。而1980年後出生的印尼人，透過動漫等接觸日本。日本企業嘅製造等技術不斷進步之中，我相信而家應該有唔少年輕人，擁有想喺日本就業嘅夢想，希望可以喺日本活用印尼文同日文，學習日本嘅專業與技術。
給即將來日本，或有計畫來日本嘅朋友仔建議
日本唔似印尼，無法用英文溝通。所以來日本之前，建議大家要學會日常基本會話，而「入境隨俗」亦好重要。信仰伊斯蘭教嘅我，經常抱住「喺異國要瞭解異國文化，並同該文化共存」，但同時要保留原來嘅自己，同周圍嘅人相處融洽，一齊生活落去。呢個想法，我諗唔單止適用於日本，去到邊到都通用。
理解日本文化同自己國家嘅差異，唔好抱住否定刻板印象去睇任何事物。並唔係話要無條件全盤接受，而係去了解「原來呢個世界上有咁多種唔同嘅人」。令自己想法更加有彈性，咁樣先唔會太過Culture Shock啊～
Comments