「東京鐵塔」相信係唔少人東京之旅必check名勝，但除咗可以到離地250米嘅展望台俯瞰東京街景，仲有另一件必做嘅事！
係咩？當然就係買手信啦！
以下係小編為大家精選嘅3大必買手信推介，唔知又有無您心水呢？
可愛度爆燈！攬住東京鐵塔嘅「多啦A夢」掛飾
攬住東京鐵塔嘅「多啦A夢」一時向您單眼放電，一時換上熊貓裝賣萌…咁kawaii嘅掛飾，實在係叫人選擇困難症發作！
Why not both？既然2款都咁得意，梗係將佢哋全部買晒返屋企啦！「多啦A夢」無論大人定細路都一定鍾意，最啱就係買嚟做手信啦！
得意到唔捨得用！「Hello Kitty玻璃杯」！
同場無論係男女老幼都超人氣嘅卡通角色聯乘手信，就有來自Hello Kitty嘅東京鐵定限定精品。
圖中2款「Kitty Short Glass 雲」與「Kitty Short Glass 櫻」設計夠晒日本和風，買返屋企好大機會真係會可愛到唔捨得用呀！
於東京鐵塔祈願！「鐵塔大神宮御守」
香港人絕對唔會陌生嘅「御守」，一樣都可以喺東京鐵塔內搵得到！
事實上，東京鐵塔內有一座名為「鐵塔大神宮」、東京23區内所在位置最高嘅神社。
而神社專屬嘅御守，就可以喺手信舖內買得到，想要祈願嘅朋友就絕對唔好錯過喇～
東京鐵塔遊記可以睇呢邊↓
Comments