MERCER BRUNCH位於東京六本木車站附近，相當適合女生們聚會同埋情侶拍拖嘅餐廳。
舖頭入面嘅裝修，營造出紐約都會嘅時尚風格，無論係採光好嘅靠窗座位，定係戶外用餐空間，仲有圍喺暖爐旁邊用餐嘅座位，全部都相當別緻有情調。
MERCER BRUNCH六本木店由朝早開始就營業，提供早餐同埋Brunch，日頭係以以紐約風格嘅早午餐為主，夜晚就會會以提供牛、豬、雞等肉類為主嘅意大利菜。
講到呢度嘅招牌菜單，就要數佢地用法式甜brioche製作嘅法式西多士，為了令蛋汁可以均勻入味，同埋有恰到好處嘅火侯去調理，製作時間上都經過嚴密計算。呈現焦黃色嘅法式多士司，口感濕潤且蓬鬆，真係食一次就會愛上佢。
配法式多士嘅套餐有好多選擇，例如有三文魚撻酪梨加半熟蛋，割開半熟蛋，就會流出蛋汁，可以夾埋清爽嘅三文魚生碎肉同酪梨一齊享用，又好食又健康。
另外西冷牛排加鮮滑炒蛋亦都非常人氣，將帶有少少煙燻味嘅牛排同用蕃茄、甜椒等製作嘅拿坡里甜醬一齊品嚐，味道真係超級好。法式多士嘅Brunch套餐，係主餐再加兩片法式多士，就咁望嘅話會覺得份量有啲太多，但因為法式多士真係好好食，好容易就會唔知唔覺咁食清光！
而夜晚以肉類為主嘅意大梨菜，亦相當有睇頭。例如有可以一次過試哂三種唔同部位肉質嘅烤和牛拼盤，嚴選西冷等唔同部位嘅牛肉，搭配紅蘿蔔醋醬品嚐，非常好食。而帶有牛肉鮮甜味道嘅肉醬意粉亦都好受歡迎。
MERCER BRUNCH喺六本木眾多餐廳之中，無論環境氣氛，定係食物都受到好評。想要試下好食到令人難以忘懷嘅法式西多士嘅話，就絕對唔好錯過呢度啦～！
© 妞新聞 www.niusnews.com
Comments