置身於秋田當地嘅餐廳,可以品嚐到當地餐廳使用地道農產品食材所製作嘅料理餐點。今次從多款人氣美食中,為大家介紹秋田當地5大必食精選推薦。
1. 比內地雞
「比內地雞」──秋田縣一帶所飼養嘅雞隻名稱，肉質緊緻有彈性、無多餘嘅脂肪，雞皮充滿彈牙口感。另外，「比內地雞」與鹿兒島「薩摩雞」、「名古屋交趾雞 (名古屋コーチン)」被譽為日本三大美味雞肉。
使用比內地雞所烹調嘅料理種類豐富，有燒雞肉串、雞扒、親子丼等等。當中特別推薦可以享受到濃郁嘅雞蛋口感與美味至極嘅雞肉料理「親子丼」。
要去一嚐比內地雞好滋味嘅話,推薦餐廳有「秋田比內屋 (秋田比内や)」、「秋田比內地雞生産責任者的店 本家ABEYA (本家あべや)」，價位約900～1,000日圓。（截至2019年10月資訊）
2. 米棒
「米棒」以米為原料，秋田縣代表性嘅鄉土料理。將煮好嘅白米，放入缽內搗至成一定嘅黏度捏成飯團狀，將飯糰插入木棒前端,再塑形成長條狀，然後用炭火烤製而成嘅料理。直接享用烤好後嘅米棒雖然都好滋味，另外推薦使用米棒、比內地雞和當季時令蔬菜炮製而成嘅「米棒鍋」亦唔可以錯過。雖然米棒一年四季都可以吃得到，但最佳品嚐時期係秋季到冬季,正值時令食材資源豐富嘅季節。
想食美味米棒，推薦餐廳有「北秋Kurabu (北秋くらぶ)」、「秋田米棒屋 (秋田きりたんぽ屋)」。價格約1,580～3,500日圓。（截至2019年10月資訊）
3. 橫手炒麵
橫手炒麵係一種使用又粗又直嘅麵類料理。材料有椰菜、豬肉碎,於炒麵上會加上一隻半熟荷包蛋與福神漬 (用梅子醃過的蘿蔔乾)。每間店舖嘅橫手炒麵所使用嘅調味醬汁都各有不同,會用上自家製嘅伍斯特醬,大部分都係唔辣且味道柔和。橫手炒麵嘅起源可以追溯至1953年，當時嘅攤販想要研發新嘅鐵板料理，因而造就成橫手炒麵嘅誕生。
橫手市內有好多餐廳都可以品嚐到橫手炒麵。其中特別推薦「元祖 神谷炒麵屋 (元祖 神谷焼きそば屋)」、「食道樂 總店 (食い道楽 本店)」。價位約在500～1,000日圓左右。（截至2019年10月資訊）
4. 奶油麻糬
「奶油麻糬」係一種用米和奶油製成嘅甜點。只用米、奶油、蛋黃和砂糖等簡單材料。甜度適中、口感柔軟。無需焗煮加熱，直接食就已經好味道。
奶油麻糬可以係秋田市區內酒店或店家等都買得到。其中比較有名嘅係「四季美館」、「道路休息站Takanosu (道の駅たかのす)」。唔同店家製作嘅奶油麻糬，材料嘅比例都有所唔同，各式各樣嘅口感。可以試多幾間比較一下。奶油麻糬價位一份約300～600日圓。（截至2019年10月資訊）
5. 婆婆鐵匙羹雪榚
「婆婆鐵匙羹雪榚 (ババヘラアイス) 」，脆皮甜筒裡面裝上滿滿嘅雪榚，外層粉紅色嘅係士多啤梨味，裡面黃色嘅係香蕉味。因應季節，仲可以食到哈密瓜、提士等口味。「婆婆鐵匙羹」嘅名稱源由係因為年長嘅女性被稱為「Baba (ババ)」意思係婆婆，而喺秋田賣雪榚嘅婆婆,係用金屬鐵匙羹去挖雪榚再裝入甜筒裡嘅姿態被取名為「婆婆鐵匙羹」。
秋田各地嘅購物中心和秋田機場內，都可以買到「婆婆鐵匙羹雪榚 (ババヘラアイス) 」。價格非常抵買，一支大約300日圓。（截至2018年4月資訊）
Comments