「秋田竿燈祭」係每年8月喺秋田舉行嘅祭典，表演者會舉著由竹子編織而成並吊著燈籠嘅「竿燈」，放喺額頭同腰間撐住維持平衡。「秋田竿燈祭」、「青森睡魔祭」同「仙台七夕祭」更被稱為東北三大祭典。竿燈外表睇落好似稻穗咁，有成超過200多盞竿燈同時照亮夜空嘅景象非常壯觀！
有關秋田竿燈祭
日本東北秋田縣「秋田竿燈祭」喺每年8月3日至6日舉行，為期4日。秋田竿燈祭嘅起源可以追溯到1700年代後期。為趕走夏季嘅睡魔「眠流（ねぶり流し）」，喺長竹竿上掛滿燈籠，然後一邊敲打太鼓一邊喺城鎮街道上遊行。之後由於蠟燭普及，再同燈籠結合，就演變為今日大家所見到嘅「竿燈」。秋田竿燈祭係非常高人氣嘅祭典，每年吸引近130萬嚟自日本國內外嘅觀光客共襄盛舉，被指定為日本國家重要民俗文化財。
秋田竿燈祭必睇特色位
秋田竿燈祭由「白天竿燈」妙技會以及夜晚嘅「夜晚正式活動」兩個部分構成。以下為大家介紹祭典必睇特色和攤位。
宛如稻穗嘅竿燈
秋田竿燈祭嘅最大睇頭就係「竿燈」。竿燈有四種尺寸，最大型長12米、重50公斤，可以掛46個燈籠。
祭典上，有大約280根竿燈會由被稱為「挑竿手（差し手）」嘅持燈手，將竿燈揮舞於手掌、額頭、肩膀、腰部之間來回換位，展現絕妙嘅平衡感。一支支長長嘅竹竿上，垂掛著米袋型嘅燈籠，就好似「金黃色稻穗」一樣搖曳。
另外，每個鄰里街區都有唔同嘅燈籠圖案。燈籠上嘅圖樣被燭光照亮，散發夢幻嘅氣氛。
當地美食匯集嘅竿燈屋台村
祭典嘅主要會場「市役所會場」會有好多小食攤位形成嘅「竿燈屋台村」，提供好多秋田當地料理，當中特別推薦秋田名物「橫手炒麵（横手焼きそば）」同「婆婆鐵匙羹雪糕（ババヘラアイス）」。
另外，「婆婆鐵匙羹雪糕」以專用嘅金屬匙羹去挖雪糕裝入甜筒裡面，因而命名。雪糕有士多啤梨同香蕉兩種口味，口感就好似雪葩咁清爽。
秋田竿燈祭嘅交通方式
距離秋田竿燈祭最近嘅車站係JR秋田站。從JR秋田站步行約15分鐘，就可以抵達祭典主要會場嘅竿燈大通。
另外，由於祭典唔可以長時間企喺路上觀看，如果想仔細觀賞，可以考慮買票坐觀賞席呀～
相關資訊
- 名稱：秋田竿燈祭
- 地址：秋田縣秋田市
- 交通方式：JR秋田站→步行約15分
- Wi-Fi：無
- 語言：英文（翻譯機：中文、韓文）
- 信用卡：不可使用
Comments