長野縣松本市嘅「日本浮世繪博物館」匯集各種浮世繪作品。浮世繪係一種江戶時代盛行於民間嘅木板刻畫。以明亮嘅色彩描繪歌舞伎演員、日本各地風景畫等種種人間生活百態。日本首屈一指嘅「日本浮世繪博物館」，如果去松本旅行就唔可以錯過啦！
收藏品數量驚人嘅日本浮世繪博物館
「日本浮世繪博物館」展出來自江戶時代後期嘅浮世繪作品，收藏量為世界之最。1982年於長野縣松本市建立，館內展出「酒井家」累積200年收藏嘅10萬件浮世繪作品，當中匯集浮世繪各種門派嘅畫師，包括大量19世紀作品，例如葛飾北齋、歌川國芳等著名浮世繪大師嘅作品。另外，館藏仲有平常唔會公開展示嘅珍貴嘅手繪作品。
日本浮世繪博物館嘅特色
「日本浮世繪博物館」展示著過去5代「酒井家」、跨越200年間所收藏嘅10萬件浮世繪作品。博物館係酒井家第十代設立。唔單止日本國內，亦會喺海外舉辦展覽，為國際文化交流做出貢獻。唔只日本浮世繪藝術仲影響咗好多世界著名嘅藝術家。日本浮世繪博物館會根據唔同主題策劃特展，透過浮世繪，可以加深對昔日人民生活方式嘅了解。
日本浮世繪博物館嘅營業時間與票價
日本浮世繪博物館開館時間為上午10點至下午5點（最後入館時間下午4點半）。逢星期一休館，如遇日本公眾假期則延至隔日休館，而日本新年假期都唔會開放。票價方面，大人1,000円、中學至大學生500円、小學生或以下免費。
從東京去日本浮世繪博物館嘅交通方法
從東京站搭JR中央本線、「梓號特急（特急あずさ）」列車、「超級梓號（スーパーあずさ）」列車，到松本站落車。再搭松本電鐵上高地線，到大庭站落車行15分鐘。或者，喺JR松本站阿爾卑斯出口搭松本周遊巴士「Town Sneaker」西長路線，於「浮世繪博物館・歷史之里」落車。另外，從松本駅站搭的士約７分鐘。
景點資訊
- 景點名稱：日本浮世繪博物館
- 地址：長野縣松本市島立2206−1
- 交通方式：於松本電鐵大庭站落車步行約15分鐘
- 是否提供Wi-Fi :沒有
- 對應語言：僅限日文
- 購票地方：購票處
- 付款方式：僅限現金（博物館內禮品店可使用信用卡）
Comments