輕井澤3個區域嘅推薦酒店

日本著名嘅高級度假勝地ー長野縣輕井澤各區都有唔同嘅旅遊魅力同舒適豪華嘅酒店。以下要為你介紹輕井澤3個旅遊地區嘅人氣酒店。

新輕井澤地區嘅熱門酒店「輕井澤王子大飯店」，享受滑雪、高爾夫、購物樂趣

「輕井澤王子大飯店」佔地廣闊，係輕井澤最大嘅酒店之一。酒店範圍內有滑雪場、高爾夫球場同購物中心。酒店分為東西兩館，有本館和小木屋，房間類型以雙人房為主。如果選擇東館的本館，住客可以使用溫泉設施同健身房。此外，西館有最多可容納8人嘅小木屋，適合一大班朋友或者屋企一齊住。住喺呢間酒店，可以享受高原嘅大自然景觀同各種休閒活動。

酒店資訊

• 名稱：輕井澤王子大飯店東館
  
• 地址：長野縣北佐久郡輕井澤町大字輕井澤字矢ケ崎山1016-75
• 交通方式：從輕井澤站南口搭乘免費接駁巴士（07:45～21:00，每30分鐘一班），或從輕井澤站步行約10分鐘（與購物中心連通）
• Wi-Fi：全部客房皆有Wi-Fi
• 語言：中文、英文、韓文
• 信用卡：可以使用

酒店資訊

• 名稱：輕井澤王子大飯店西館
• 地址：長野縣北佐久郡輕井澤町大字輕井澤字矢ケ崎山1016-88
• 交通方式：從輕井澤站南口搭乘免費接駁巴士（7：45～21：00，每30分鐘一班），或從輕井澤站步行約13分鐘（與購物中心連通）
• Wi-Fi：飯店本館有Wi-Fi，小木屋無Wi-Fi
• 語言：中文、英文、韓文
• 信用卡：可以使用

入住「輕井澤萬豪酒店」喺中輕井澤區裡悠閒度假

輕井澤萬豪酒店包含有餐廳嘅本館、有溫泉設施嘅北館同可以同愛犬入住嘅木屋。本館嘅溫泉大浴池同北館客房內附帶溫泉嘅泉源都唔同，如果你住喺北館咁就要試唒兩種溫泉啦。

餐廳嘅料理採用長野縣當地食材製成燒烤菜餚。自助式早餐除咗一般有嘅食物，都可以食到即叫即整嘅奄列或炒蛋料理。

酒店資訊

• 名稱：輕井澤萬豪酒店
• 地址：長野縣北佐久郡輕井澤町長倉4339
• 交通方式：從輕井澤站搭計程車約15分鐘。從中輕井澤站搭乘計程車約5分鐘。（有免費接駁巴士，詳情請聯絡酒店）
• Wi-Fi：有
• 語言：英語
• 信用卡：可以使用

 精緻裝潢及服務周到嘅 「KYUKARUIZAWA KIKYO, Curio Collection by Hilton」

KYUKARUIZAWA KIKYO, Curio Collection by Hilton 內裏氣氛寧靜優雅，距離輕井澤站好近，行都行到去。寬敞嘅客房裝潢雅緻，帶給你家一樣的舒適感。

餐廳採用嚴選當季食材製作法式料理。喺度食嘅嘢唔只好味，精緻擺盤都係一場視覺宴會。酒店整體以「Timeless，自己定義自己嘅時間價值」作為室內設計嘅靈感，為每位客人創造一個優雅又悠閒嘅住宿空間。

飯店資訊

• 名稱：KYUKARUIZAWA KIKYO, Curio Collection by Hilton
• 地址：長野縣北佐久郡輕井澤町輕井澤491-5
• 交通方式：輕井澤站搭乘接駁車約5分鐘、或步行約17分鐘
• Wi-Fi：有
• 語言：英語
• 信用卡：可以使用

昔日上流社會嘅社交場所、輕井澤歷史建築「舊三笠酒店」

舊三笠酒店係一棟西洋式歷史建築，於1906年至1970年營運。酒店開張初期係作為輕井澤招待外賓嘅酒店、亦係上流社會嘅社交聚會埸地。酒店關閉後，於1980年被列為日本國家重要文化財，而家開放給民眾入館參觀。身處Lobby同客房時可以欣賞美景，亦可以想像一下當年社交名流喺度聚會嘅氣氛。

酒店資訊

• 名稱：輕井澤舊三笠酒店
• 地址：長野縣北佐久郡輕井澤町大字輕井澤1339-342
• 交通方式：從輕井澤站搭車約8分鐘
• 信用卡：不可使用
• 開館時間：09:00～17:00 (最後入場16：30)
• 參觀門票：大人400円、小童200円

※因耐震補強工程施工中，到2019年12月底為止正在休館。