長野嘅小布施町，散發獨特文化氣息，溫泉旅館林立，仲有可以品嚐法式料理嘅小旅館等。江戶時代嘅著名浮世繪大師葛飾北齋鍾情小布町，晚年喺度住咗3年左右。喺岩松院天花板亦創作了一幅華麗嘅畫作。今次小編就同大家介紹一下充滿小布施風情嘅旅館啦。
葛飾北齋所愛之地 小布施精品旅館「桝一客殿」
「桝一客殿」呢間精品旅館係昔日為咗招待遠方而來嘅客人提供一個休息嘅地方而創立。喺小布施町，呢種好客文化紮根於江戶時代。江戶時代有一位富商，高井鴻山，就曾經邀請浮世繪大師葛飾北齋去小布施駐鎮創作。桝一客殿外觀由幾棟歷史建築物構成，有砂糖倉庫、木造屋等，散發濃濃歷史感。另外，現代風格嘅洋室客房仲要係由美國設計師操刀設計添。
喺旅館範圍內嘅小布施堂附近，有一個可以用餐同購物嘅地方—「AJIWAI空間（味わい空間）」。呢個係一個修整傳統街區嘅規劃，將歷史建築物並列嘅區域。喺桝一客殿可以體驗獨一無二嘅小布施風情。
景點資訊
- 景點名稱： 桝一客殿
- 地址：長野縣上高井郡小布施町大字小布施815
- 交通方式：乘搭長野電鐵至小布施站徒歩約10分鐘
- 是否提供Wi-Fi：全客房均提供
- 可否使用信用卡：可以
小布施町唯一嘅天然溫泉旅館「小布施溫泉Akebino之湯」
「小布施溫泉Akebino之湯」提供包含或不包含住宿方案，係小布施唯一嘅天然溫泉旅館。館內溫泉嘅顏色，會根據氣溫同濕度而有所變化，呈現透明無色、綠色、白濁色等。另外仲可以欣賞「湯之花」，即溫泉中嘅不溶性沉澱物。湯之花通常係白色，但係呢度嘅湯之花係罕見嘅黑色，浸溫泉嘅客人可以欣賞到呢個非常難得一見嘅景象！
房間類型方面，有12疊同6疊共兩個房間嘅特別客房（一畳即一個榻榻米大小），仲有附設廚房同家電用品嘅公寓式套房、或洋室雙人房等等。飲食方面，採用北信州當地食材製作精緻料理，致力於提供客人最好嘅服務。
景點資訊
- 景點名稱：OBUSE溫泉
- 地址：長野縣上高井郡小布施町雁田1311
- 交通方式：於長野站乘搭長野電鐵約35分鐘，轉搭周遊巴士Obuse浪漫號約10分鐘或搭的士約7至8分鐘
- 是否提供Wi-Fi：有（僅限2、3樓）
- 對應語言：僅限日文
- 可否使用信用卡：不支援
洋溢溫馨舒適家庭氣氛、料理美味嘅小旅館「小布施之宿 ventvert」
「小布施之宿 ventvert」 位於小布施町中心地帶，一樓係法國料理餐廳，二樓有4間客房，係一間由法式料理店老闆經營嘅現代日式旅館。晚餐可以食到使用信州同法國食材製作嘅法國料理。早餐有牛角包、咖啡、紅茶等法式早餐提供。
午餐主食係法國布列塔尼地區嘅特色美食ー名叫「Galette」嘅法式薄餅，裏面有蔬菜、煙燻信州三文魚、半熟雞蛋等。客房面積為23至24平方米，空間寬敞舒適。「小布施之宿 ventvert」料理美味、溫馨舒適氣氛同細膩周到嘅服務係一大魅力。
景點資訊
- 景點名稱：小布施之宿 ventvert
- 地址：長野縣上高井郡小布施町小布施34-8
- 交通方式：乘搭長野電鐵至小布施站徒歩約10分鐘
- 是否提供Wi-Fi：有
- 對應語言：英文，法文
- 可否使用信用卡：不支援
Comments