從宇都宮嘅中心區域搭車約30分鐘就到大谷寺。大谷寺係由凝灰岩建造而成，喺日本嘅寺廟之中都相當罕有。正殿放置有10尊石佛。以下就為你介紹大谷寺嘅特色。
大谷寺點解咁罕見？
大谷寺被岩壁包圍，係一個由凝灰岩建成嘅洞窟寺院，喺日本嘅寺院當中相當罕有。主要拜祭嘅係雕刻於凝灰岩岩壁，擁有千手千眼嘅千手觀音，亦被稱為大谷觀音。而寶物館內有展出喺昭和40年（1965年）從佛堂下出土，推估係1萬年前以上嘅人骨、石器、陶器、江戶時代所繪製嘅天花板畫「龍」，及約50分之1及約10分之一大小嘅平和觀音模型等等。
大谷寺的推薦看點之一：石佛
推薦看點除咗有仲有廣為人知嘅「大谷磨崖佛」，包含釋迦三尊、藥師三尊、阿彌陀三尊等共10尊被列為國家重要文化財嘅石佛，最推薦當然係高約4米，作為本尊而受人供奉嘅千手觀音。千手觀音於平安時代（810年）由弘法大師興建，係日本最古老嘅石佛。當初係直接雕刻於岩壁上，塗上朱紅色色料，以黏土塑形再塗上漆，表面以金箔作裝飾。另外，由於同巴米揚大佛有共通點，亦有傳聞由阿富汗僧侶雕刻而成嘅說法。
大谷寺的推薦看點之二：平和觀音
喺大谷寺，高約27米嘅平和觀音相當搶眼。目的係祭祀太平洋戰爭戰亡者及祈求世界和平。由東京藝術大學教授「飛田朝次郎」召集大谷當地嘅眾石工，花費約6年時間，於大谷石採掘場遺跡嘅岩壁上雕刻而成。爬上觀音像旁嘅樓梯，仲有展望台可以眺望街道美景添。
去大谷寺嘅交通方式
於JR宇都宮站西口出口外巴士站，6號乘車處乘搭「往大谷立岩方向」嘅關東巴士約30分鐘，於「大谷觀音前」站落車，徒歩約3分鐘。如果揸車去，可從東北自動車道宇都宮IC駕車經由國道293號，車程約10分鐘。
景點資訊
- 景點名稱：大谷寺
- 地址：栃木縣宇都宮市大谷町1198
- 交通方式：參考上方
- 對應語言：官方網站有英文版本
- 票價：400円
- 營業時間 : 4至9月：08:30～17:00、10至3月：09:00～16:30（閉館20分鐘前截止入場）
- 休息日：12至3月的逢星期四及12月21日至31日
Comments