去千葉就必食的日式料理&甜品等5大特產

喺千葉嘅餐廳，可以食到日式料理、甜品、水果等種類豐富的特產。其中突出於太平洋嘅「房總半島」以漁業同農業發展得更繁盛，所以有好多使用海鮮同當地農產品嘅美食為千葉美食嘅一大特色。

伊勢龍蝦料理

喺千葉縣沿岸海域可捕獲大量伊勢海老（伊勢龍蝦）。而使用當地撈捕嘅龍蝦製成各種「伊勢海老料理」更係能代表千葉嘅知名美食。千葉嘅龍蝦，喺太平洋黑潮洋流嘅環境下成長，肉質結實且甜美。可以用嚟整炸蝦天婦羅、壽司、燒烤料理等等。而如果要食伊勢龍蝦嘅原味，就推薦一定要試吓新鮮龍蝦刺身，夠唒原汁原味！

喺千葉縣內各地嘅日式餐廳、商務酒店或日式旅館嘅懷石料理都有提供龍蝦料理。而餐廳當中更以夷隅市嘅「Kanekana（かねなか）」同「Isabaya（いさばや）」較出名。

「山家燒（さんが焼き）」係源自千葉漁夫們嘅當地鄉土料理。使用喺房總半島周遭海域捕獲嘅竹莢魚、沙甸魚、秋刀魚等魚肉，用菜刀剁碎後，加上味噌同酒等調味料，攪拌混合而成。直接生食就係叫做「なめろう（味噌口味剁碎生魚片）」，而將「Namero（なめろう）」燒烤過後就叫做「山家燒（さんが焼き）」。

山家燒喺千葉縣內各地嘅餐廳都有提供，其中更以勝浦市嘅「天平」或南房總市嘅「Hanabou（旬膳はな房）」等喺房總半島沿岸區域嘅日式料理餐廳最推薦。

沙甸魚係千葉縣嘅特產品之一。一直以嚟千葉嘅漁夫都係食「沙甸魚料理」比較多，相當受歡迎同眾人喜愛。料理嘅種類有鹽烤、燉煮、蓋飯等各種食法。

此外，呢啲料理喺銚子・九十九里等房總半島沿岸地區嘅日式料理餐廳多數都有提供。其中要推薦嘅係銚子市嘅「香海」同九十九里町嘅「Isaribi Shokudo（いさりび食堂）」，都係沙甸魚料理嘅知名餐廳。

另外，亦可以試吓喺超市買沙甸魚罐頭試吓或買沙甸魚乾做手信都好吖。

「勝浦担担麵」係誕生喺勝浦市嘅在地特色拉麵。原本係為咗等寒冬出海捕魚嘅漁夫或海女食嚟暖身，因而有咗呢款拉麵。勝浦担担麵嘅特色係以醬油做底，再加咗好多辣油嘅辣味拉麵。

勝浦担担麵喺勝浦市好多拉麵店都食得到，其中以「Ezawa（江ざわ）」同「原田」最出名。

「花生冰淇淋」係館山市嘅當地特產甜品，係大量使用館山市特產—花生嘅雪糕。

可以喺公路休息站等各店鋪買到花生雪糕，但當中以花生農家「Pineki（ピネキ）」嘅直營店比較出名。係媒體報導介紹過嘅名店，可以食到口味特別濃厚嘅花生雪糕。而且，店內亦有擺賣各種種類豐富嘅花生相關產品，可以作為手信買返屋企。