成田係成田國際機場所在嘅國際觀光都市。除咗機場之外，亦有好多具歷史價值嘅觀光景點或購物好去處！如果最後一日回程前得少少時間唔知去邊好，都可以考慮吓去成田喎。
關於日本‧成田
成田係位於千葉縣北部嘅都市。自古以來，作為「成田山新勝寺」嘅門前町而繁榮興盛。而家就以日本最大規模嘅國際機場—成田國際機場嘅所在都市而聞名。
關於成田國際機場
成田國際機場所在嘅成田市係日本嘅航空玄關口。從香港、台灣、馬來西亞、泰國等亞洲各地到歐美各國好多地方都有直飛航班來往成田國際機場。機場內有餐廳、服飾、雜貨店、紀念品店、免稅店等等好多店舖。
此外，成田嘅觀光景點多位於距離成田國際機場好近，搭電車或巴左去各觀光景點都係約30分鐘範圍內。所以飛到抵達機場或回程時有少少時間唔知點用，就可以考慮吓將成田國際機場附近嘅景點列入行程啦！
成田嘅氣候和觀光季節
成田一年當中大多數都較為和暖，但夏季濕熱、冬季寒冷。
夏季濕熱，所以去成田觀光，推薦晴朗日子多、少雨嘅7月中旬至10月呀。
成田嘅推薦景點和必去之處
成田嘅觀光景點之中特別受歡迎嘅係「成田山新勝寺」。成田山新勝寺係日本數一數二知名嘅寺院，可祈求開運、商業繁盛等各種願望。此外，從成田站至成田山新勝寺有一條約800米嘅「成田山表參道」，沿途有150間以上嘅餐飲店或紀念品店。而附近仲有「成田山公園」，係一個好出名嘅秋季賞楓景點。
機場附近亦有大型購物商場「成田AEON MALL」同「酒酒井SHISUI PREMIUM OUTLET」，都好適合想最後血拼嘅你！
成田嘅美食和餐廳
成田嘅餐廳好多都位於成田車站附近同成田山表參道沿途。成田國際機場內都有好多餐廳。喺呢度就介紹幾間精選推薦餐廳俾你啦。
推薦嘅成田日式料理餐廳
去到成田，推薦你去品嚐壽司或鰻魚料理等日式料理。想食好味嘅壽司，推薦可以去成田站前嘅「鳥丈」或成田表參道嘅「成田江戸之子壽司」。
如果係鰻魚料理專賣店的話多數喺成田山表參道沿途，可以去搵吓食。其中更以「駿河屋」同「川豐」係以特製醬汁燒烤嘅「蒲燒鰻」為名店。
成田國際機場嘅餐廳
成田國際機場有日式料理、中華料理、西式料理、民族料理等各式各樣嘅餐廳，應有盡有。就算最後趕去機場無時間食飯都可以去到機場食。其中好多都係以外國遊客為目標客群嘅日式和食店為多，種類眾多為其特徵。例如有拉麵、壽司、燒肉、天婦羅蓋飯、高湯茶泡飯、串燒、蕎麥麵等等，最後一刻返香港前都食到各種日式料理！
推薦成田嘅旅館及住宿
成田嘅住宿設施多位於成田機場附近同JR成田站周圍。不論係邊個地區都有好多旅館。喺「成田山新勝寺」附近雖然唔多，但都有歷史悠久嘅日式旅館。如果想體驗傳統風格嘅日式住宿嘅話，推薦可以揀呢個地區嘅住宿呀。
去成田嘅交通方式
如果喺成田國際機場出發去成田觀光，首先以「京成成田站」為目標。從成田國際機場搭京成線電車到京成成田站，車程約10分鐘。跟住從京成成田站行約10分鐘左右就到JR成田站，可從JR成田站搭車去各個觀光景點。
此外，喺成田地區有從成田國際機場出發、優惠且方便嘅定期觀光巴士「WELCOME 成田精選巴士遊」。係一個可以造訪機場附近嘅觀光景點、體驗日本傳統文化、並包含購物及美食嘅巴士之旅。如果唔知去邊玩好，近近地機場參加巴士團都唔錯吖。
景點資訊
- 名稱：成田（成田國際機場）
- 地址：〒282-0004 千葉縣成田市古込1-1
- 交通方式：從香港、台灣、馬來西亞、泰國有直飛航班
- Wi-Fi：有
- 語言：中文、英文、韓文
- 信用卡：可使用JCB卡、VISA卡、Diners Club International大來國際信用卡、銀聯卡
Comments