好多人都會喺回程登機前行吓機場嘅免稅店。雖然免稅店幾乎咩都有賣，從化妝品、香水、手錶、酒類、家電製品到數碼用品都有。不過當中最受歡迎可能就係零食！呢度有日本全國各地嘅零食，例如士多啤梨、抹茶或WASABI口味嘅各種零食等，都好適合買返香港做手信。而家就等我哋嚟睇吓各種零食多到選擇困難症發作嘅「Fa-So-La TAX FREE AKIHABARA」免稅店啦！
1. TOKYO BANANA × HELLO KITTY「銀座蘋果蛋糕」
- 售價：4個入 600円（未稅）、 8個入1,100円（未稅）
TOKYO BANANA同HELLO KITTY合作嘅夢幻手信。「銀座蘋果蛋糕」呢個商品，將鮮嫩多汁嘅蘋果果醬包喺蓬鬆嘅海綿蛋糕入面。只有成田機場同羽田機場國際線航廈先可以買到嘅限定款嚟㗎。順帶一提，你知道HELLO KITTY本人（本貓？）身高其實係「5個蘋果高」，體重係「3個蘋果重」，而最愛嘅食物係「媽媽親手做嘅蘋果派」嗎？XD 呢個就係點解TOKYO BANANA平時賣嘅都係香蕉口味蛋糕，只有HELLO KITTY款就挑戰用蘋果口味。
© 1976, 2018 SANRIO CO., LTD. APPROVAL NO. G590348
2. 「找到了！」TOKYO BANANA 8個裝
- 售價：953円（未稅）
呢款喺日本大受歡迎，東京手信No.1嘅「找到了！」TOKYO BANANA內餡用咗由真正嘅香蕉做成嘅香蕉吉士忌廉醬，外面再用蓬鬆柔軟嘅海綿蛋糕包起嚟。而且亦係一個以「可愛」而出名嘅甜品，愛心圖案嘅楓糖香蕉口味、豹紋嘅朱古力香蕉口味等，各式各樣嘅口味同設計款式都好受歡迎。
3. 雀巢 信州巨峰KITKAT
- 售價：1,500円（未稅）
- 內容量：10包
機場限定版KITKAT嘅其中一款受歡迎嘅就係巨峰提子口味。香濃嘅威化餅乾入面夾著信州產嘅巨峰葡萄粉，再以美味可口嘅白朱古力包起嚟。可以享受巨峰提子醇厚嘅芳香、甜味同酸味嘅妙絕平衡，真係好好味！將日本巨峰帶返香港啦！
4. Collon 忌廉捲心酥
- 售價：1,200円（未稅）
巨大包裝忌廉捲心餅一向都好引人注目，而呢款Collon忌廉捲心酥長度更長達30厘米！入面包咗滿滿嘅忌廉內餡，相當好味滿足！
5. LeTAO小樽・色內通 乳酪夾心餅 18塊裝
- 售價：1,500円（未稅）
「色內通」曾係小樽嘅經濟中心，西洋式老建築至今依然保存著懷舊嘅外觀設計。同LeTAO最受歡迎嘅雙層乳酪蛋糕採用相同嘅義大利產Mascarpone cheese同Cream cheese，加埋LeTAO自創嘅生忌廉，製作成香味濃郁嘅乳酪餅，同乳酪朱古力片嘅甜美滋味相融合，呢個就係LeTAO版嘅貓舌頭餅乾！
6. 白之戀人
- 售價：1,058円（未稅） 18塊裝・白朱古力
白之戀人嘅顏色焗得靚、香脆可口嘅貓舌頭餅乾入面，夾著入口感滑順嘅白朱古力，雖然好簡單，但一食無窮，呢個可能就係一直以嚟都咁受歡迎嘅原因。一直守護「永遠不變的美味」，就係白之戀人嘅堅持。
7. Jaga Pokkuru薯條三兄弟
- 內容量：10包裝
- 售價：820円（未稅）
將北海道產嘅薯仔連皮一齊切塊，再細心炸，加埋北海道鄂霍次克鹽做簡單嘅調味，就成為零食Jaga Pokkuru薯條三兄弟啦。好味嘅秘訣在於堅持使用100%北海道產嘅薯仔等原料，同持續守護美味酥脆薯條嘅製作方法。
8. ROYCE' 生朱古力 「Au Lait」
- 售價：720円（未稅）
牛奶嘅香醇美味非常誘人。生朱古力人氣No.1！ROYCE嘅生生朱古力嘅代表作「Au Lait口味」，使用高品質嘅牛奶朱古力同北海道生忌廉，製作出美味純正嘅味道。香甜嘅朱古力入口即溶。另外仲有加西洋酒嚟調味添。
9. 北海道Premium LuLuLun薰衣草面膜
- 北海道Premium LuLuLun薰衣草面膜
- 售價：1,500円
- 內容量：7片裝×5袋
「藍靛果忍冬」以前被稱作「夢幻的果實」。呢種果實富含多種美容成分，例如維他命C、維他命E以及多酚。呢啲成分都容易滲透到皮膚裡，滋潤並光滑肌膚。另外仲含有北海道產嘅天然植物成分，以及高保濕成分Lipidure®鎖水保濕因子。薰衣草嘅香味都可以幫助放鬆。使用呢個富含許多天然成分嘅人氣面膜，敷臉享受放鬆，同時仲可以享有保濕效果添。
10. Hello Kitty迷你斜孭袋
- 售價：3,500円
Hello Kitty嘅臉變成一個可愛嘅袋仔！尺寸雖小但功能齊全。手機、銀包、唇膏、筆等小物品都可以放得入。孭著可愛嘅Hello Kitty去旅行啦！
11. 〆張鶴 純米吟醸 山田錦
〆張鶴 純米吟醸 山田錦
- 售價：1,770円
- 內容量：720ml
- 酒質：純米吟釀酒
- 原料米：100%山田錦
- 酒精含量：16度
- 產地：新潟縣
AKIHABARA免稅店主店開始販售新潟縣最受歡迎嘅日本酒「〆張鶴」。原料僅採用最適合製酒嘅米「山田錦」，精米步合為50％。呢種米被稱為酒米中嘅國王，而「〆張鶴」恰到好處地將呢種米嘅特性展現出來。你可以用一個比較抵嘅價錢嚟享受高品質、優雅嘅香味啊！
12. Bose® SoundSport®Free無線耳機
Bose® SoundSport® Free無線耳機
- 售價：27,000円
- 尺寸／重量：
- 耳機：寬2.5厘米×高3.2厘米×深3厘米（左右耳機各重18克）
- 外盒：寬10厘米×高3.8厘米×深4.8厘米（重80克）
包裝盒內容物：
- SoundSport® Free無線耳機
- 可攜式充電盒
- 3 種尺寸嘅 StayHear+ 運動耳套
- USB 連接線
完全無線，可以自由運動不受限。呢款耳機將無線信號嘅強度同穩定性做到最大。StayHear®+ Sport嘅輕量、可以令雙耳維持長時間配戴嘅舒適度；先進嘅技術實現環迴立體音效。使用Bose® 數碼訊號處理技術同音量優化EQ，無論喺任何大小音量之下，都可以維持音色嘅品質。支援 IPX4。而 Bose® Connect APP則可以喺耳機遺失時，以藍芽嚟協助追蹤，並且可以更新APP。充電1次後，電力最多可維持5個鐘。充電盒可提供2次充電，電力就可以維持10個鐘。附語音操作說明，藍芽耳機可以輕鬆上手。整合式雙咪，即使喺嘈吵嘅地方都可以用清楚嘅聲音嚟進行通話。支援Siri®或Google Assistant™語音處理，可以透過耳機進行播放或暫停嘅功能。
準備好去血拼！
位於第二航廈，佔地廣大、將通道都包圍起嚟嘅「Fa-So-La TAX FREE AKIHABARA」免稅店裡，陳列各式食品、工藝品、電器製品、手錶、特色商品等等。喺呢個有風神雷神喺門口迎接、娛樂性十足嘅空間裡，仲有日本製嘅高品質商品、美味食物都一應俱全。第一、第三航廈都有AKIHABARA免稅店，請一定要去行吓啦！
＜相關資訊＞
- 名稱：Fa-So-La TAX FREE AKIHABARA
- 主要販售商品：食品、酒、電器製品、手錶、流行服飾、雜貨、傳統工藝品、玩具、旅行用品、服裝、書籍
- 地點：第二航廈3樓成田5番街（出境審查後區域）
- 營業時間：07:00～21:30
Comments