「奧日光湯元溫泉」係位於栃木縣日光市湯之湖畔嘅溫泉鄉。坐落於日光國立公園中心嘅森林與湖畔一帶，環境優美恬靜。以豐富嘅硫黃泉及能使肌膚順滑嘅乳白色「美肌溫泉」而聞名。附近有湯之湖、戰場之原等景點。觀光後，不妨嚟奧日光湯元溫泉勝地，浸個靚溫泉消除一下旅途嘅疲勞啦。
奧日光湯元溫泉水的卓越功效
栃木縣日光市嘅奧日光湯元溫泉地區自然環境優美，且有豐富硫黃溫泉泉源。此溫泉地歷史悠久，大約1,200年前由建立日光山輪王寺嘅僧侶所發現。據說入「湯治場」浸溫泉的話可以醫治病痛，長久以嚟深受大家歡迎。奧日光湯元溫泉湧出嘅係硫化水素型硫磺泉，溫度喺49.3度至78.9度之間，屬弱酸性，對肌膚溫和。源泉顏色為翡翠綠色，接觸空氣後會變成乳白色。除咗美肌効果卓越，聽聞對於改善糖尿病同神經痛都有幫助。
奧日光湯元溫泉地區的旅館
奧日光湯元溫泉地區共有23間住宿設施，都有完善溫泉設施供人享受白濁嘅硫黃溫泉。溫泉街內，各種住宿設施林立，有寧靜恬靜嘅日式旅館，亦有現代摩登西式房間嘅酒店。有啲旅館都有內附露天溫泉嘅客房，或者揀喺客房內用餐都係住日式旅館必試體驗！其中「湖畔之宿 湯之家」提供源泉掛流溫泉（即直接從地底下流進泉池嘅溫泉），24小時都可以享受優質溫泉。喺寧靜舒適嘅和室內獨享湯之湖美景，仲可以享用旅館以當季食材製成嘅懷石料理。
奧日光湯元溫泉附近的觀光景點
奧日光湯元溫泉區附近都有不少觀光景點，入住呢度嘅溫泉旅館再去附近景點遊覽嘅路線都好適合。「戰場之原」係一個廣闊嘅高原濕地，亦係奧日光熱門行山路線。「湯之湖」係被群山包圍嘅神秘湖泊，可以漫步於奧日光嘅大自然中，享受釣魚樂趣。仲有從湯之湖奔流而下嘅「湯瀑布」等。附近仲有牧場、露營嘅地方，亦推薦喺冬季時享受滑雪等運動。周邊有免費足浴，玩完一日行過浸完即鬆唒！
奧日光湯元溫泉嘅交通方式
從東京站出發嘅話，喺東京站搭新幹線到宇都宮站，再轉搭JR列車去到日光站落車。喺JR日光站或東武日光站搭東武巴士（約70分鐘），於「奧日光湯元溫泉」落車即抵達。
景點資訊
- 景點名稱：奧日光湯元溫泉「湖畔至宿 湯之家」
- 地址：栃木縣日光市湯元2512
- 交通方式：於JR日光站或東武日光站乘搭東武巴士（約70分鐘），於「奧日光湯元溫泉」落車即抵達。
- 是否提供Wi-Fi : 沒有
- 對應語言：英文
- 可否使用信用卡：不支援
Comments