日本和尚輔導室！幫你化解煩惱提、提昇運氣到幾時我先結到婚？想同老實人結婚！

到幾時我先結到婚？想同老實人結婚！

40多歲女性

後生嘅時候想結婚，同過好多唔同嘅人交往過，但都硬係遇唔啱。而家已經有少少年紀，但都仲係獨身。想同誠實認真嘅男性交往、結婚，要點樣先可以邂逅呢類男性呢？

自己嘅人生之後係極樂(天國)定係地獄，一日未去到都係未知數。

雖然好理所當然，但結婚唔係第一人做到嘅事，而係一定要兩個人一齊做，換句話講係需要結婚對象。

而講到對於結婚對象有咩要求嘅話，其實要求嘅條件唔需要好清晰。

如果你係要求相象係誠實而結婚嘅話，咁如果誠實呢個因素無咗，婚姻生活就會完結。人性並無絕對呢回事，人際關係入面，總會有光暗面。而所謂嘅性格，其實係自己以外嘅人點樣睇自己。

例於做一啲令人開心嘅事，但如果過咗一陣子再做同樣嘅事，就有機會令對方困惑。同樣地，最初覺得誠實嘅對象，可能過咗一陣就未必有同樣諗法。

你可能會覺得「咁樣講嘅話，就更加結唔到婚！」實際上真係咁樣，首先唔好再追求一啲仲未出現，而且容易改變嘅嘢吧。

想同一個人結婚，係唔需要理由

想結婚嘅話，就去結吧。但條件係自己嘅人生自己決定，所有嘅責任亦要自己承擔。就算最後唔順利，都唔可以賴係對方嘅錯。首先人生呢樣嘢，就算幾細嘅事都好，並唔係外人有責任嘅事。

喺800年前左右，一位叫親鸞（Shinran）嘅日本和尚咁樣講過：

「譬如受法然上人之騙，念佛而墮地獄,豈有後悔乎!」

一般嚟講，唔會信覺得係騙子嘅人。因為覺得係值得信賴嘅人，所以先會信。正正就係咁樣。
但係，呢句說話係指「被師父欺騙而落地獄嘅話，亦唔會後悔」。係要有好大信念好大嘅覺悟先講得出。如果人生裡面可以有一次咁全心全意嘅信念，係非常幸福嘅事。

其實就係自己相信嘅道路。如果相信只有呢條路，相信只有呢條路行得通，咁就算條路係通向地獄亦都要行。係自己選擇嘅人生，就無悔。