仙台嘅櫻花盛開期間大約喺每年嘅4月中至月尾左右。呢段期間嘅氣溫宜人，最適合旅遊。此外，好多賞櫻景點鄰近車站，對遊客嚟講係非常適合旅遊賞櫻嘅地方。今次小編就要為大家介紹喺櫻花盛開時期造訪仙台旅遊嘅指南同導覽。
仙台嘅賞櫻景點
鄰近仙台車站嘅知名賞櫻景點「榴岡公園」
「榴岡公園」內種植19種約365株櫻花，其中以枝垂櫻同染井吉野櫻為多，比起其他景點可以欣賞櫻花嘅期間較長。夜間亦有點燈照明，而且24小時開放，可以喺呢度欣賞夜櫻。每年4月上旬至5月上旬舉辦嘅祭典當中，佈置咗燈籠而且小食攤位一排排，熱鬧非凡。
景點資訊
- 名稱：榴岡公園
- 地址：〒983-0842 仙台市宮城野區五輪1丁目
- 交通方式：
- 距離仙台站徒步約15分鐘
- 從仙台站乘搭仙石線車程約2分鐘、至榴岡站落車徒步約5分鐘
距離仙台市中心徒步約10分鐘嘅賞櫻景點「西公園」
「西公園」係位於仙台市中心地區嘅知名賞櫻景點。園內種植約200株櫻花。往年嘅最佳欣賞期間喺4月頭至4月中。公園24小時開放，夜間有點燈照明，從日落之後至夜晚10點為止。喺櫻花季期間，公園內有好多小食攤販提供多國籍料理可供選擇，可以一邊欣賞夜櫻一邊品嚐美食。賞櫻基本上為免費開放，但亦設有收費嘅賞櫻座席。
景點資訊
- 名稱：西公園
- 地址：〒980-0823 宮城縣仙台市青葉區櫻岡公園1−3
- 交通方式：
- 距離JR仙台站車程約3分鐘嘅地下鐵東西線「大町西公園站」徒步約2分鐘
- 距離JR仙台站車程約2分鐘嘅地下鐵南北線「廣瀨通」徒步約10分鐘
- 距離JR仙台站徒步約30分鐘
仙台地區最多櫻花盛開嘅「三神峯公園」
「三神峯公園」位於可眺望仙台市區，山岡上嘅賞櫻名勝。公園內有早開同遲開，各種唔同嘅櫻花種類，共約48種類750株左右。各自盛開嘅時期都唔同，所以成個4月都可以欣賞到櫻花。同時仲有夜間照明同祭典，而且公園係24小時開放。可以喺呢度體驗壯觀嘅整片櫻花，彷彿一片櫻花嘅天花板。
景點資訊
- 名稱：三神峯公園
- 地址：〒982-0826 仙台市太白區三神峯1
- 交通方式：
- 從JR仙台站乘搭市營巴士車程約30分鐘，西多賀一丁目西落車後徒步約5分鐘
- 從地下鐵南北線長町南站乘搭市營巴士車程約10分鐘，喺西多賀一丁目西落車後徒步約5分鐘
賞櫻之後嚐美食！仙台推薦餐廳
講到代表仙台嘅美食，首推牛舌料理。喺仙台有好多可以品嚐到牛舌料理嘅餐廳。仲有枝豆麻糬同枝豆甜品等都係去仙台時唔可以錯過嘅當地特色美食。呢啲餐廳通常喺車站附近或定禪寺通、以及其他知名觀光景點。此外，呢度仲盛產海鮮，相當美味。喺欣賞盛開嘅櫻花之後，不妨品嚐美味嘅仙台美食，大快朵頤！
相關文章
推薦櫻花盛開時期嘅酒店
仙台有大約200間以上嘅旅館，好多都位於仙台站周圍或觀光景點附近。此外，從價格平實嘅商務酒店到高級酒店都有，可供遊客揀選。例如有視野及景色良好嘅旅館或充滿高級感嘅酒店、可以放鬆休息嘅旅館等等。喺賞櫻同品嚐美食之後，返到舒適嘅旅館房間休息，一定舒服到可以發個好夢啦。為咗可以有段精彩嘅旅行，事先搜集資訊、做好功課係好重要吖。
相關文章
從仙台機場至市區嘅交通方式
從仙台機場前往上述介紹嘅賞櫻景點、餐廳或酒店嘅話，要先前往仙台站。從仙台機場至仙台站可乘搭仙台機場Access線，車程約26分鐘抵達仙台站。
Comments