【日本宮城】日本最大規模七夕祭典！逾400年歷史東北三大祭之一「仙台七夕祭」

「仙台七夕祭」係於宮城縣仙台市舉辦嘅日本東北三大祭典之一，持續400年以上嘅歷史以及七夕裝飾嘅豪華堪稱「日本第一」，每年都會吸引來自日本全國各地約200萬人以上嘅遊客造訪參觀！

關於仙台七夕祭

仙台七夕祭係喺每年8月6日～8日舉辦嘅大規模祭典。祭典以仙台車站西側區域為活動會場，沿街佈置約3,000個豪華絢爛嘅七夕裝飾。活動期間您可以欣賞七夕裝飾、觀賞舞台表演活動、體驗七夕民俗活動、喺小食攤狂食宮城美食等等，以各種有趣方式享受祭典。

於西元1618年，仙台藩主「伊達政宗」曾歌詠有關七夕嘅和歌，可以得知喺當時已經有七夕嘅相關節慶活動。本來係舊曆7月7日嘅民俗節慶，從西元1927年開始，逐漸出現華麗七夕裝飾，並由1947年起發展成大規模嘅七夕裝飾同祭典活動。

仙台七夕祭嘅特色及重點係豪華絢爛嘅七夕裝飾、夜間點燈照明、可以體驗製作迷你七夕裝飾、喺小食攤狂食宮城美食，以及觀看煙火大會等等。

仙台七夕祭使用嘅七夕裝飾比起一般祭典使用嘅裝飾數量多達十倍之多，因此喺活動舉辦嘅幾個月之前就需要開始做準備。特徵係喺長約10米以上嘅竹上面，用千代紙做成嘅燕尾旗5條1組作為裝飾。此外，稱為「七種裝飾」嘅小配件亦相當美麗。

仙台七夕祭到咗晚間亦相當有氣氛。例如，祭祀「伊達政宗」嘅靈廟「瑞鳳殿」舉辦嘅夜間點燈照明活動，喺百層階梯嘅參拜步道同本殿周圍點上竹燈籠，呈現夢幻般嘅夜景。

喺仙台七夕祭可以親自體驗七夕嘅民俗活動。例如，喺紙箋上寫下心願同自製迷你版嘅七夕裝飾等等。呢個絕對係一個深入了解日本七夕文化嘅好機會，有興趣嘅朋友仔歡迎安排前往體驗啦。

仙台七夕祭典活動期間，唔可以錯過嘅必訪景點之一就係「勾當台公園市民廣場」。喺公園內嘅「七夕食堂區域」有好多宮城美食嘅小食攤位林立，可以喺呢度大飲大食！

仙台七夕祭嘅前一晚「8月5日」會舉辦煙花大會。活動會場位於仙台西公園附近區域，全程1個半小時，大約會有16,000發高空煙火接連照亮夜空。

仙台七夕祭主要會場就喺仙台車站附近。離車站最近嘅「中央通七夕裝飾參觀路線」入口離仙台站西口僅係徒步2至3分鐘嘅距離。