山海圍繞、自然豐饒嘅宮城縣，有好多可以品嚐到美味當地料理嘅知名餐廳。今次小編就要推薦大家4間喺宮城嘅餐廳。
知名嘅牛舌料理專門店：牛舌屋 善次郎
「牛舌屋 善次郎」係牛舌料理嘅專門店。用心將牛舌一片一片切片、鹽撒嘅分量、燒嘅程度等都徹底用心調製。推薦餐單嘅基本款「鹽烤牛舌套餐」。越嚼越美味嘅牛舌同宮城縣生產嘅白米非常相配。
此外，「牛舌屋 善次郎」喺仙台車站附近有4間分店，喺宮城縣內合共9間分店。交通最方便嘅係仙台站前嘅本店，不妨去試一試啦！
景點資訊
- 名稱：牛舌屋 善次郎 仙台站 站前本店
- 地址：〒980-0021 宮城縣仙台市青葉區中央1-8-38 AK大樓3F
- 交通方式：距離JR仙台站西口徒步約1分鐘
品嚐宮城縣撈捕嘅海鮮：迴轉壽司
宮城縣有80個以上漁港，市場經常可以買到種類豐富且新鮮嘅海鮮魚貝類。使用鮮度高嘅魚貝類嚟做料理嘅餐廳亦相當多。其中CP值高、想嘗試各種唔同海鮮嘅話，選擇當地嘅「迴轉壽司」餐廳就無錯啦。喺迴轉壽司餐廳可以隨心所欲挑選想食嘅魚生同海鮮料理。宮城縣內有近80間迴轉壽司店，其中以連鎖店嘅「飯糰德兵衛」同「平祿壽司」廣受唔同年齡層嘅食客歡迎。
中華冷麵嘅起源：龍亭
發源於日本夏季常見美食「中華冷麵」。據聞起源於仙台，呢間「龍亭」正正就係最先推出「中華冷麵」嘅餐廳。喺日本其他地區主要喺夏季先至食到中華冷麵，但喺仙台，一年當中提供中華冷麵嘅餐廳相當多，龍亭就係其中一間。可以從醬油或芝麻醬汁揀其中一款，品嚐正宗嘅日式中華冷麵。
景點資訊
- 名稱：中國料理 龍亭
- 地址：〒980-0012 宮城縣仙台市青葉區錦町1-2-10
- 交通方式：距離仙台市地下鐵南北線「勾當台公園站」徒步約7分鐘
蒲鉾（魚板）知名老店：阿部蒲鉾店 本店
阿部蒲鉾店係賣用魚肉做成嘅仙台名產「蒲鉾」（魚板）嘅老舖。喺呢度仲可以體驗約10分鐘左右嘅現燒魚板。燒完之後趁熱品嚐特別美味。此外，另一款喺店面販售嘅「葫蘆型炸魚板（ひょうたん揚げ）」亦係受歡迎嘅餐單。蒸熟嘅「蒲鉾」裹上微甜嘅麵衣後油炸，係可以拎住食嘅仙台知名美食之一。
景點資訊
- 名稱：阿部蒲鉾店 本店
- 地址：〒980-0021 宮城縣仙台市青葉區中央2-3-18
- 交通方式：距離JR仙台站徒步約10分鐘
Comments