日本三大名湯「岐阜・下呂溫泉」 交通方式推薦景點大公開

日本三大名湯「岐阜・下呂溫泉」 交通方式推薦景點大公開

位於岐阜縣下呂市嘅「下呂溫泉」,係日本三大名湯之一。一出下呂站,沿著飛驒川林立著密集嘅住宿設施。呢條溫泉街歷史長達100年左右,有露天溫泉、混浴、足湯等,吸引好多觀光客造訪。

下呂溫泉之旅・你一定唔可以錯過嘅景點

歷史悠久嘅下呂溫泉,有幾個相當具魅力嘅景點,仲唔快啲跟著小編一齊嚟睇睇啦!

下呂溫泉合掌村

下呂溫泉之旅・你一定唔可以錯過嘅景點

「合掌村」遷移10幾棟白川鄉等地方嘅合掌家屋,將過往嘅懷舊風景完全重現。當中,有民族資料館,仲有可以體驗製作和紙同陶器嘅設施。如果想欣賞日本嘅原始風景,一定要嚟呢度一趟。

景點資訊

  • 景點名稱:下呂溫泉合掌村
  • 地址:岐阜縣下呂市森2369
  • 交通方式:喺「下呂站」落車後,前往高山濃飛巴士總站,乘搭開往「合掌村・下呂交流會館」嘅巴士,喺「合掌村」落車,車程約6分鐘

下呂溫泉寺

下呂溫泉之旅・你一定唔可以錯過嘅景點

前往下呂溫泉寺,先係會有173階石梯等緊你。坐落喺高高嘅山丘上,可以將下呂溫泉街盡收眼簾,欣賞濃濃日本風嘅景色。到咗秋天,仲會有滿滿嘅紅葉,吸引好多人造訪。寺院內更設置咗「紅葉足湯」,俾人免費享受浸湯嘅樂趣。

景點資訊

  • 景點名稱:下呂溫泉寺
  • 地址:岐阜縣下呂市湯之島680
  • 交通方式:從「下呂」站落車後步行15分鐘

下呂溫泉 推薦酒店・旅館

下呂溫泉旅館 富岳

下呂溫泉 推薦酒店・旅館

「富岳」係下呂溫泉當中最出名嘅溫泉旅館,除咗有2座露天溫泉之餘,有大浴池,仲可以將溫泉包場獨享。旅館有西式同日式房型,仲可以品嚐到岐阜縣知名嘅飛驒牛料理。

旅館資訊

  • 名稱:富岳
  • 地址:岐阜縣下呂市湯之島898
  • 交通方式:從JR「下呂」站步行10分鐘

湯之島館

被列為有形文化財嘅「湯之島館」,只係企喺呢棟木造建築前,就已經可以深深感覺到日本嘅悠久歷史。除咗欣賞外觀內裝,仲可以一次過享受客房、溫泉與豐富餐點。另外,喺湯之島館嘅溫泉,連沖涼用水都係直接使用溫泉水,係一間讓你充分體驗下呂溫泉魅力嘅旅館。

旅館資訊

  • 名稱:湯之島館
  • 地址:岐阜縣下呂市湯之島645番地
  • 交通方式:從JR「下呂」站乘搭旅館接駁巴士

如何從高山市前往下呂溫泉呢?

如何從高山市前往下呂溫泉呢?

從JR「高山」站如何前往下呂溫泉呢?

可以乘搭JR高山本線往岐阜方向嘅列車,喺「下呂」站落車,車程約50分鐘。從「下呂」站步行約5至10分鐘即可抵達溫泉街。

如果從高山乘搭巴士,可喺高山濃飛巴士總站乘搭開往下呂巴士總站嘅巴士,車程約1小時20分鐘。

目錄

Survey[問卷調查] 關於日本旅遊







Recommend