高山必推嘅3大購物好去處

喺高山觀光旅行之後，絕對唔可以錯過嘅購物好去處！呢次將介紹一啲值得推薦你去嘅地方。除咗有充滿高山特色嘅商品、當地特產、仲可以買到手信。如果見到有興趣嘅，下次去遊高山時，就一定要擺落行程啦。

高山必推嘅3個購物景點

「嚟到高山，想SHOPPING血拚一下，去邊好呢？」正在煩惱嘅你，咁就一定不可以錯過呢篇文章喇。或者大家會認為高山可以購物嘅地方唔多，但其實喺高山都可以徹底享受購物嘅樂趣㗎。

今次就同大家介紹高山購物時推薦要去嘅3大購物景點，去呢度行吓應該可以搵到鐘意嘅商品吧！

1. 盡享高山嘅晨早！「飛驒高山宮川朝市」

想搵啲高山傳統商品或當地食材，推薦大家可以去「飛驒高山宮川朝市」。住喺高山，一早可以吸收早晨專屬嘅清新空氣，喺市場探索，買到嘢之餘，順便體驗當地風土人情都唔錯呀。

喺呢個當地居民嘅市場有好多高山產嘅蔬菜，仲有好多當地小食，例如醬油丸子等。買嚟一路行一路食都係一種享受。

呢個早市仲有販賣其他傳統工藝作品，不妨早啲嚟呢度探索一下啦。

景點資訊

• 景點名稱：飛驒高山宮川早市
• 地址：岐阜縣高山市下三之町
• 營業時間：4月至11月 07:00～12:00、12月～3月 08:00～12:00
• 休息日：無休
• 交通方式：從高山站徒步11分鐘

2. 想買高山手信，去「飛驒物產館」啦

賣超過7,000件商品，種類豐富嘅「飛驒物產館」。簡直可以稱得上係「手信博物館」，提供多款商品，嚟到呢度一定可以搵到自己想要嘅嘢㗎啫。喺呢度可以了解到件商品嘅知識同由來，仲可以試食當地嘅美食，邊行邊睇，發掘吓有無啲咩想要啦。另外，館內仲會舉辦手作體驗，可以自己親手試做。想參加嘅人，或鍾意手作嘅人都可以試吓吖。

館內商品有各種零食、甜點、酒類、飛驒牛等相關商品，仲有民俗藝術作品，以及味噌、醬油等調味料，應有盡有。如果想買啲高山先有嘅獨特商品，去飛驒物產館就啱唒啦！

景點資訊

• 景點名稱：飛驒物產館
• 地址：岐阜縣高山市西之一色町2-180
• 營業時間：07:00-22:00
• 休息日：無休
• 交通方式：從高山站徒步約10分鐘

3. 去上三之町，「高山兎舍」

去高山懷舊街道「上三之町」嘅「高山兔舍」係絕對唔可以錯過嘅購物景點之一。顧名思義「高山兔舍」就係賣好多有關兔仔嘅商品。以一隻隻小兔仔為主題嘅和風小物眾多，大家應該會煩惱帶邊隻可愛兔兔返屋企吧！

無論係買嚟做手信，定係買嚟俾自己作為紀念，都一定可以搵到合適嘅商品。

景點資訊

• 景點名稱：兔兔和風雜貨 高山兎舍
• 地址：岐阜縣高山市上三之町37番地
• 交通方式：從高山站徒步約10分鐘