盡情享受日本奧飛驒自然之旅

去奧飛驒旅行，點可以錯過呢度雄偉嘅大自然景色，讓身心盡情享受自然療癒嘅力量呢。今天就為大家介紹奧飛驒值得推薦嘅旅遊景點唷。

嚟到奧飛驒、絕對唔可以錯過嘅必推觀光景點

位於岐阜縣嘅奧飛驒，位於北阿爾卑斯山嘅山腳，渾然天成嘅豐富自然資源。春天嫩芽欣葉茂綠、秋天則可欣賞那紅黃交織嘅楓葉，景色十分宜人美麗。另外呢度嘅溫泉鄉亦相當出名，能夠喺大自然環繞之下，悠閒自在地渡假，享受美好嘅假日時光。

嚟到奧飛驒熊牧場，可以睇到日本黑熊同棕熊，係一個熊熊主題樂園。唔單只可以近距離觀察佢哋嘅生態，仲可以餵佢哋食嘢，甚至仲可以同熊仔一齊影相留念添。

搭新穗高高空纜車，可以眺望日本北阿爾卑斯山嘅美麗山脈。車程只需11分鐘左右，即可輕鬆地登上標高2,000米以上嘅高山，飽覽呢個人間仙境。係日本唯一一個兩層嘅高空纜車，係相當難得嘅體驗。四季更迭，群山呈現唔同嘅風貌，新綠、楓紅、白雪各色覆蓋整個山頭，可以欣賞大自然四季如畫嘅美麗。

被選為日本瀑布百選嘅「平湯大瀑布」，寬6米，落差64米，係震撼感十足嘅一個瀑布。每年二月會舉辦「平湯大瀑布結冰祭」，化身為巨大冰柱嘅平湯大瀑布點燈活動，吸引好多人到訪。

嚟到奧飛驒，一定要試吓呢度嘅餐廳，推薦大家可以同朋友、或者帶屋企嚟享受美食啊。

喺位於平湯大瀑布嘅一棟合掌造建築「あんき屋（Ankiya）」可以享受飛驒牛鐵板燒、鄉土料理樸葉味噌等等美味佳餚，仲可以配搭同食物夾嘅日本酒或燒酒飲添。

奧飛驒嘅溫泉鄉係日本相當出名嘅溫泉地區。入住日式傳統旅館，除咗浸溫泉之外，仲可以享受精緻美味嘅日本料理，徹底盡情享受奧飛驒嘅魅力。

包含庭園露天溫泉在內，「奧飛驒燒岳花園酒店」一共有9種溫泉，任君選擇。房型有兩種，鋪棉被嘅榻榻米和室，或普通床墊嘅洋室。喺呢度可以享用當造新鮮食材所烹調嘅奧飛驒鄉土料理，豪華又美味，讓你盡情享受度假嘅時光。

從東京至平湯巴士總站，乘搭中央本線至松本站，車程約2小時20分鐘，從松本搭直達巴士約1小時30分鐘。或者可以喺新宿巴士總站搭直達高山嘅高速巴士，車程約4小時35分鐘。