【日本東京】東京台場IG打卡一日遊！5個推薦必去影相景點

東京台場作為人工島新發展市鎮，近30年嚟知名度不斷提高，並成為多個世界聞名活動嘅舉辦場地，例如係東京車展（Tokyo Motor Show）、漫畫博覽會（Comic Market）等等。

台場雖然有一小部份屬於住宅區，但更多部分係一眾大受歡迎嘅遊客景點，並因為「IGable」而聲名大噪！呢篇文章內，編輯部就會揀選出呢個東京大型休閒娛樂景點內5個最適合IG打卡、影相景點～

彩虹大橋（Rainbow Bridge）

呢座璀璨瑰麗、連接台場與東京都之間嘅橋梁，將會係您台場之旅一大亮點。位於東京灣嘅彩虹大橋（Rainbow Bridge），大橋與水面交織嘅景色啟發並吸引眾多攝影師或遊客前嚟影相，而其中最推薦嘅取景角度，就係將背景摩天大樓群以及東京鐵塔一同攝入鏡！

維納斯城堡VenusFort係一座以歐洲17、18世紀風格設計而成，以女性顧客為主要客群嘅主題樂園購物商場。入面充滿咗多個適合IG影相打卡嘅景點，但係其中最大推嘅，就非2樓噴泉莫屬！由天花板垂吊嘅燈光裝飾增添浪漫情調，情侶拍拖就啱晒！

雖然並非天然沙灘，但係有唔少人都鍾意到「台場海濱公園」內嘅沙灘吹風、釣魚，度過放鬆休閒時光。而傍晚嘅夕陽時分，正係影出靚相嘅最佳時刻。染上夕陽暈紅嘅東京灣、倒映喺水面上城市嘅點點光影，加上台場獨有嘅景緻氛圍，令整個環境散發出一股自然與城市景色相呼應嘅和諧之美。

係，您無睇錯！喺台場的且確有一座縮小版「自由女神像」！雕像屬於日本與法國友好專案中嘅第一階段，由法國前總統Jacques Chirac以及前日本內閣總理大臣橋本龍太郎攜手啟動建造進行。複製品於2000年完成，並受到法國政府認證。雕像位於彩虹橋及東京灣嘅正前方，建議您可以將三個景點一齊參觀。

巨型摩天輪屬於台場五彩城（Odaiba Palette Town）嘅一部份，係少數可以一口氣飽覽東京鐵塔、東京晴空塔、東京京門大橋以及彩虹大橋等東京幾個主要夜景景點嘅地方之一。同時，摩天輪入夜後將會輔以霓虹燈飾，為台場夜景提供最繽紛顏色。想為一日之行畫上完美句號，用摩天輪做背景就包保唔會出錯！