東京近郊嘅足利花卉公園係一座花卉主題公園，一年四季都可以欣賞到搖曳生姿、色彩繽紛嘅花海，其中尤以4、5月嘅紫藤花更令好多人慕名而來。而冬季限定嘅「光之花庭園」亦享有盛名，名列日本三大必睇燈飾之一。今年冬天就同重要嘅另一半、家人、朋友嚟欣賞一場絢爛嘅燈飾啦！
日本三大燈飾 足利花卉公園光之花庭園
每到冬天，足利花卉公園就好似被施展魔法一樣，搖身一變成為夢幻燈海，經過巧妙嘅編排與設計，呈現出各種主題風格意象。向來以花卉聞名嘅足利花卉公園，當然唔少得「花」呢個重要元素，以浪漫燈飾表現出花嘅柔美姿態，創造出一座夜晚都能夠欣賞嘅花園。
足利花卉公園「光之花庭園」同九州長崎「豪斯登堡光之王國」、北海道札幌「白色燈樹節」齊名，並列為日本三大燈飾，而光之花庭園更係連續三年獲得日本國內第一名燈飾嘅殊榮，佔地94萬平方米、使用咗超過450萬顆LED燈球，營造浪漫氣氛嘅同時都不忘注重環保節能。溫馨提示，夜晚嘅足利花卉公園氣溫較東京都內更低，唔好唔記得加多件衫呀。
2018年光之花庭園快速攻略
第17回光之花庭園於2018年10月27日（六）起至2019年2月5日（二）盛大舉辦，喺呢段期間，平日嘅營業時間至夜晚9點，而星期六、日及日本公眾假期則營業至夜晚9點半。園區內設有可愛日本風格嘅商店同餐廳，並且貼心咁設置咗唔少影相小道具，每個角落都好好影，一定可以令你享受喺園內嘅時光。
嚟到光之花庭園絕對能令你歎為觀止，主題鮮明又獨具特色，無論你用手機或相機都可以影到精彩絕倫嘅靚相。2018年嘅新作品《RAINBOW MAGIC》就有巨大彩虹橋高掛夜空中，象徵著通往未來。《光之金字塔》倒映喺水面上，搭配著輕快優柔嘅旋律，光之金字塔都會呈現唔同顏色。
《大家的地球》以居住喺地球上嘅眾多好夥伴為主題，並巧妙咁利用咗水鏡效果，營造出被放大又夢幻嘅空間感。《心靈的故鄉》係每個人嘅心中都有一個難忘嘅故鄉景色為主題，運用地形坡度同燈光效果呈現日本嘅四季，非常引人入勝。而《花之城堡》可以講係燈飾嘅重頭戲。矗立喺一片浪漫花海之中嘅雪白城堡，背景以煙火映襯，每隔幾分鐘就會有音樂配搭燈光效果演出，就好似一場別開生面嘅音樂會，最特別嘅係你可以登上雪白城堡留下美麗嘅倩影。
另一個絕對唔可以錯過嘅仲有「奇蹟的大藤」，自開園以來就有著源源唔絕嘅生命力，成為足利花卉公園嘅象徵。錯過咗春天嘅大藤都唔緊要，冬天嘅大藤一樣咁夢幻又吸睛，LED燈球仿造紫藤花瓣，一字排開相當有氣勢。紫色、綠色藤花隧道就好似幸福光芒將你包圍，帶你通往下一段幸福精彩嘅旅程。
足利花卉公園賞花趣
足利花卉公園內一年四季都均可賞花，請盡情咁陶醉喺花卉嘅芬芳同四季不同風情嘅花花世界裏。
- 1月上旬～2月下旬：福壽草、聖誕玫瑰、鐵線蓮
- 3月上旬～4月中旬：鬱金香、藏紅花、珍珠繡線菊、粉花繡線菊
- 4月中旬～5月中旬：紫藤花、杜鵑、牡丹
- 5月中旬～6月上旬：玫瑰、石楠花、鐵線蓮
- 6月上旬～7月上旬：鳶尾花、繡球花
- 7月上旬～9月下旬：馬纓丹、熱帶睡蓮
- 10月上旬～11月下旬：紫絨鼠尾草、三色堇
- 10月下旬～2月上旬：光之花庭園、三色堇、堇菜
景點資訊
- 名稱：足利花卉公園 光之花庭園
- 舉辦期間：2018年10月27日（六）～2019年2月5日（二）
- 點燈時間：平日16:30～21:00，星期六, 日及日本公眾假期16:30～21:30
- 入園票價：一般900円， 孩童500円
- 交通方式：自東京站搭乘新幹線至高崎站，轉乘JR兩毛線於足利花卉公園站下車後徒步3分鐘
- 官方網站：https://www.ashikaga.co.jp/flowerfantasy_special2018/ch/
Comments