日本一年四季最長嘅季節要數「冬季」。秋季悄悄離去，踏入12月，日本全國都可以見到白皚皚嘅雪景同可以欣賞到夢幻彩燈展嘅絕境。
到處都係白天雪地，應該點著先至可以防寒呢？今次就要為大家介紹一系列冬季穿著。
日本嘅冬季到底幾時開始幾時結束？
日本嘅冬天一般指12月〜第二年2月，為期3個月。
日本各地氣溫及氣候
東京冬季平均氣溫
12月平均氣溫 12℃ (最高 16℃/最低 2℃)
1月平均氣溫 9℃ (最高12℃/最低 0℃)
2月平均氣溫 8℃ (最高 11℃/最低 0℃)
札幌冬天平均氣溫
12月平均氣溫 3℃ (最高 7℃/最低 -7℃)
1月平均氣溫 -1℃ (最高 2℃/最低-10℃)
2月平均氣溫 -2℃ (最高 2℃/最低 -11℃)
仙台冬天平均氣溫
12月平均氣溫 9℃ (最高 11℃/最低 -1℃)
1月平均氣溫 5℃ (最高 7℃/最低 -4℃)
2月平均氣溫 5℃ (最高 7℃/最低 -5℃)
金澤冬天平均氣溫
12月平均氣溫 11℃ (最高 12℃/最低2℃)
1月平均氣溫 6℃ (最高 10℃/最低 -2℃)
2月平均氣溫 6℃ (最高 9℃/最低 -2℃)
京都冬天平均氣溫
12月平均氣溫 12℃ (最高 14℃/最低 0℃)
1月平均氣溫10℃ (最高 12℃/最低 -1℃)
2月平均氣溫 9℃ (最高 12℃/最低 -2℃)
福岡冬天平均氣溫
12月平均氣溫15℃ (最高 17℃/最低6℃)
1月平均氣溫11℃ (最高 13℃/最低 1℃)
2月平均氣溫 10℃ (最高 13℃/最低 1℃)
那霸冬天平均氣溫
12月平均氣溫 22℃ (最高 24℃/最低 16℃)
1月平均氣溫20℃ (最高 21℃/最低 12℃)
2月平均氣溫 19℃ (最高 21℃/最低12℃)
12月係享受聖誕同夢幻彩燈展嘅繽紛節日
12月嘅平均氣溫為10℃前後左右，外套當然唔少得。喺晴朗中午時分雖然都尚算溫暖，一到咗夜晚天氣轉涼，就需要出動手套同頸巾等法寶。
女性：一到咗冬天，我會著上毛衣或者係針織衫。而針織衫更加係冬天必備法寶。基本上揀乜色都唔會有違和感，但柔和嘅粉色就最襯冬天啦。外套方面，米色同灰色係絕對嘅。想著裙嘅話著返件打底褲就可以溫暖D。喺日本販賣嘅打底褲色彩繽紛，而黑色同深藍色就最啱冬天！
男性：12月嘅午間時段會出太陽，著連帽衫其實啱啱好。連帽衫推薦著灰色。朝早同夜晚驟冷，準備埋飛行外套就萬事俱全。外套基本色為卡其色，海軍藍，同黑色，特別係當中軍色強烈嘅卡其色更顯男性風格為重點。
1月起日本步入大寒時節
真真正正寒冷嘅季節係1月至2月，1月嘅中午時段氣溫低至個位數。特別係一些日子嘅朝早同夜晚氣溫甚至低至0度。想抵禦嚴寒，穿著自動發熱打底衫（例如UNIQLO嘅HEATTECH）亦或係羽絨外套可謂出門必須！
女性：喺打強風或者係落雪嘅日子，我都會穿著自動發熱打底衫同針織衫，再加件羽絨外套。羽絨外套基本色為黑色，但海軍藍色外套襯返對黑色靴就時尚一流。
男性：喺冬天嗰陣我會開暖氣所以都好暖和。我會穿著厚身長袖T衫，出外嗰陣套返件羽絨外套就啱啱好。海軍藍羽絨衫襯返件白色牛仔褲就顯得更加華麗。
2月係春季時分
2月嘅日本依然天寒地冷，長時間喺戶外活動嘅話，腳底都要做好防寒準備，推薦買返個一次性暖包拎住行動或者係貼喺身上。
女性：2月係春暖花開嘅好時節，我會選擇穿著明亮帶春色嘅外套。出外活動嗰陣頸巾係不可或缺嘅。而長裙同打底褲，靴都係必需品。
男性：我會穿上自動發熱打底衫、針織衫、外套。出外嗰陣以防萬一會拎多件羽織外套。焦糖色外套為基本嘅男性服裝。呢種顏色突顯柔和氣質，俾人嘅印象一百分。
冬天穿著必備品總集
1. 自動發熱打底衫（例如UNIQLO嘅HEATTECH）
2. 帽・防寒耳套
3. 頸巾
4. 手套
5. 暖包
日本冬天雖然寒冷，但有各式各樣限定嘅活動等緊你。一於做好防寒措施，跟住小編一齊出去體驗一吓啦！
Comments