「Merry Christmas!」東京迪士尼度假區®已經喺11月8日（四）起到12月25日（二）展開一共48日嘅聖誕節特別活動「迪士尼聖誕節」。配上35週年慶「Happiest Celebration!」，令東京迪士尼度假區®更添歡樂氣息！今次呢篇就要同大家介紹今年東京迪士尼樂園®專為聖誕節推出嘅表演節目！！
巡遊表演「迪士尼聖誕故事集」
迪士尼明星歡度聖誕嘅景象就好似從繪本中一躍而出呈現喺眼前，帶著童話色彩嘅主題花車喺巡遊中登場，精彩敘述 7 段迪士尼明星同屋企人、好友歡喜過聖誕嘅故事。
率先登場嘅係打扮成聖誕老人嘅唐老鴨、黛西同輝兒、杜兒、路兒一齊迎接聖誕節。
跟住係胡迪同巴斯光年等等玩具總動員角色嘅玩具聖誕節。
跟住落嚟，輪到載住米奇老鼠、米妮老鼠嘅花車抵達，同一大班好友同歡聖誕假期。喺呢個時候，遊行隊伍稍作停留，聖誕鐘聲清澈響起嗰陣，故事世界嘅聖誕派對就開始咗啦。米奇老鼠、米妮老鼠、 Chip&Dale紛紛搖聖誕手鈴，仲會邀請現場觀眾配合節奏拍手。聖誕樂曲速度漸漸加快，現場氣氛真係好熱鬧！
最後壓軸登場嘅係符合聖誕季節嘅冰雪奇緣安那同艾莎仲有古靈精怪嘅雪寶～
巡遊每日舉辦2場，時間大約40分鐘，喺夢幻歡樂嘅氣氛中，同迪士尼明星共同慶祝溫馨幸福嘅聖誕節啦！
聖誕節版「喜慶大街」燈光秀
喺出入口處紀念品商店林立嘅世界市集大街，為慶祝 35 週年變身成「喜慶大街」，展露同平時唔同嘅華麗風采。喺迪士尼聖誕節期間，更加推出咗聖誕節版本嘅夜間聲光特效燈光匯演。動聽嘅旋律、繽紛嘅燈光令人忍唔住停低細心欣賞。不妨來到充滿夢想與魔法的迪士尼世界好好享受吧！
Comments