屋久島遠離煩囂鬧市，係一個大自然愛好者嘅聖地。可以自己嘅步伐悠閒地無窮無盡嘅自然美景，一於就嚟度過一個輕鬆又充滿活力嘅假期啦！
屋久島，充滿綠色嘅仙境
乘搭郵輪抵達屋久島後，如詩如畫嘅海岸及森林嘅美景映入眼簾，帶俾人一種寧靜簡樸嘅感覺。
屋久杉讓屋久島被列為世界自然遺產
屋久島主要嘅收入來源之一為旅遊業。於1980年，有18,958公頃嘅區域被聯合國教科文組織指定為生物圈保護區。屋久島更加係全日本海龜上陸最多嘅地方。屋久島嘅旅遊景點以「繩文杉」地區為主，有樹齡長達2,400至7,000年嘅古老杉木而聞名。
近年來，屋久島上嘅「心形樹洞」成為咗熱門影相景點，而且以發現此樹嘅植物學者嚟命名，叫做「Wilson樹」。
景點資訊
- 景點名稱：繩文杉及Wilson樹
- 地址：鹿兒島縣熊毛郡屋久島町宮之浦
- 交通：屋久杉自然館→[荒川登山巴士]約40分鐘→荒川登山口
- 荒川登山巴士券票價： 中學生或以上：單程870円，小學生：單程350円，小學生以下免費※需上車前購票，建議於前一日購買
- 可否使用信用卡：不可
屋久島嘅森林係電影「幽靈公主」場景嘅靈感來源
對冒險愛好者嚟講，繩文杉係一定要唔可以錯過！因為繩文杉嘅建行路線來回要9個鐘，所以建議自備便當，早上早啲出發，去傳說中嘅杉木森林。喺呢片古老嘅森林散發著神秘嘅氣息，每個嚟到呢度嘅人都會被佢嘅天然之美震懾到，喺度悠閒渡過，好好感受大自然吧。
雖然9個鐘嘅健行行程並唔係每個人都可以輕鬆完成，但都建議至少喺樹林中漫步一小段，親身體驗宮崎駿電影場景靈感嘅美景仙境。
著名嘅日本動畫導演於1995年造訪屋久島嘅白谷雲水峽，而呢片美麗大自然仙景，就成為1997年宮崎駿嘅經典動畫「幽靈公主」場景嘅靈感來源。
景點資訊
- 景點名稱：白谷雲水峡
- 地址： 鹿兒島縣熊毛郡屋久島町宮之浦
- 交通：宮之浦港巴士站（宮之浦バス停・宮之浦港入口）→[巴士]約40分鐘→（終點）白谷雲水峽站
- 費用：中學高中生或以上：300円（作為資助「森林環境整備推進協力金 」費用）／巴士車費：550円
- 可否使用信用卡：不可
相關文章：日本仙境屋久島 欣賞雄偉屋久杉
屋久島天氣狀況
屋久島以全日本降雨量最多嘅地方而聞名，當地有一句俗語話「屋久島，一個月下35天雨」。因為降雨量之多，日本人覺得屋久島好似一年四季，甚至一整日都落緊雨，所以講笑咁流傳咗呢句說話。
- 5月尾至7月中：梅雨 ※5月開始可能會有颱風
- 7月至9月：降雨日數多
- 10月至11月：降雨量從7月到9月幾乎無變化，天氣相對比較穩定
- 12月至3月底：積雪。海拔1,300米嘅繩文杉：積雪約1至2米／海拔600米嘅白谷雲水峙峽：積雪30～50厘米。呢段期間，道路可能會結冰，並禁止通行。
屋久島嘅住宿設施
屋久島雖然係一個小島，但有好多住宿設施。大多數係家庭經營嘅民宿，雖然未必識外語，但經常接待來自各地嘅遊客。有好多住宿都有冷氣設備，亦會提供免費WiFi、早餐，讓人安心入住，但可能無法使用信用卡。
另外，島上都有幾間酒店同度假村。可以線上訂房，亦可以使用信用卡。
如何前往屋久島
利用屋久島機場
只有從鹿兒島先可以直飛屋久島機場，所以從各大城市機場出發嘅話，首先要到鹿兒島機場，然後再轉機去屋久島機場。呢個係最快捷嘅方式。
※根據唔同時期，有啲機場會提供期間限定嘅屋久島直飛航班，不過2019年就無此計畫。
另外，請注意，屋久島機場並沒有銀行、外幣兌換、ATM、休息室、網路、休息設施、淋浴設施等設備。請於出發前或喺鹿兒島機場完成相關準備。
從東京去屋久島
飛機
如上所述，從羽田機場出發的話，先到鹿兒島機場再轉機前往屋久島機場。從羽田機場到鹿兒島機場，飛行時間約1小時50分鐘。單程機票大約1萬円起。
電車
從東京站搭新幹線「Nozomi號」去新大阪站。從新大阪站轉搭新幹線「Mizuho號」到鹿兒島中央站。車程總共6小時30分鐘左右。單程費用為3萬円起。再從鹿兒島中央站搭乘渡輪前往屋久島。
船
從鹿兒島搭船前往屋久島，有兩種船可以使用：
- 高速船：1日6班、單程2小時。船票1萬円。
- 渡輪：1日1班、單程4小時。船票5,000円。
屋久島係一個有如仙境般夢幻嘅的地方，非常適合想遠離喧囂都市嘅你，並親身體驗日本未受破壞嘅大自然環境。
Comments