![【日本鹿兒島】距離天堂最近的島嶼!世界自然遺産奄美大島](https://content.fun-japan.jp/renewal-prod/cms/articles/content/63d045812f1a62909a9fb0c3602a8132238168ca.jpg)
奄美大島係位於九州南部嘅一個島嶼。與沖繩或屋久島相比,奄美大島知名度或者唔名前兩者咁高,但佢嘅靚景絕對一啲都唔輸蝕,喺日本更有「東方加拉帕戈斯群島」以及「距離天堂最近的島嶼」嘅美譽呢。
奄美大島所在位置
![奄美大島所在位置](https://content.fun-japan.jp/renewal-prod/cms/articles/content/d223cb031c10b219deeca833ef27a9d973963a64.jpg)
奄美位於鹿兒島縣南部,聯同周圍島嶼被統稱為「奄美群島」,係日本列島四個主要大島以外最大嘅群島之一。奄美群島嘅主島為奄美大島,但通常會省略「大島」二字,被簡稱為「奄美」。
從日本國內嘅羽田、成田、伊丹、福岡、關西機場都有航班直飛奄美。從東京出發的話,飛行時間約2小時50分鐘;從奄美飛往東京,飛行時間則只要2小時。
奄美大島絕色海灘
![](https://content.fun-japan.jp/renewal-prod/cms/articles/content/jpg_2021-07-29-09-18-54.jpg)
奄美大島嘅海灘被稱為「藍色天使」,湛藍海水與白色沙灘互相映襯,景色美不勝收。部分著名海灘深受遊客們歡迎,不過都仲有更多海灘可以讓人享受有如私人海灘般嘅清淨。遊客可以喺奄美大島周圍體驗潛水、滑浪或浮潛,欣賞海龜同魚群,各適其適。
相關文章:精選奄美大島11個絕美海灘
奄美大島優美山景
![奄美大島優美山景](https://content.fun-japan.jp/renewal-prod/cms/articles/content/b2f70359668590fe040500b8f8eea809de194af2.jpg)
除咗海灘,奄美大島仲有群山都係必睇!奄美大約有85%面積屬於山區,您可能會發現奄美巒山同喺日本其他地區見到嘅唔太一樣—事實上,日本山上嘅樹木大部分都係經過人工種植(例:杉木。杉木木材加工方便,種植技術亦比較簡單),因為日本人喺日常生活中會使用大量木材,因此砍伐同時亦需要種植杉木;奄美居民雖然都會砍樹,但就唔會種樹,而係讓樹木自然生長、恢復,以維持大自然生態平衡。
宗教信仰文化及神聖地方
![宗教信仰文化及神聖的地方](https://content.fun-japan.jp/renewal-prod/cms/articles/content/3106263acab25c8aedc81cc0828fca4a68bcb068.jpg)
奄美至今仍然保留住眾多日本原始宗教信仰。例如當地有被稱為「ノロ(noro)」嘅女祭司與「ユタ(yuta)」嘅巫女嘅神職人員,又有部分通往村莊嘅路被稱為「神之道」(神の道)。「神之道」嘅意思即係「神的街道」,專為神靈而建。除此之外,奄美當地村莊亦設有「相撲場」,呢到講嘅「相撲」並唔只係一項運動,而係日本神道儀式嘅一部分。
奄美仲有更多神聖地方並唔會出現喺坊間旅遊書,正受到「ノロ(noro)」與「ユタ(yuta)」保護。
奄美大島推薦景點
![](https://content.fun-japan.jp/renewal-prod/cms/articles/content/jpg_2021-07-29-09-20-56.jpg)
奄美有好多靚景其實都係「無名氏」,亦有部分地方係遊客造訪之後先被命名。以下就為你介紹幾個深受外國遊客喜愛嘅景點!
奄美必去:AYAMARU岬
![](https://content.fun-japan.jp/renewal-prod/cms/articles/content/02jpg_2021-07-29-09-17-13.jpg)
![](https://content.fun-japan.jp/renewal-prod/cms/articles/content/01jpg_2021-07-29-09-17-34.jpg)
Ayamaru岬(あやまる岬)係奄美最著名嘅景點,距離奄美機場只有8分鐘車程。從小山丘上嘅展望台望出去,左手邊係笠利崎、正面係太平洋、右手邊係土盛海岸。將大海、珊瑚礁同太平洋靚景一網打盡完全不是夢!海角附近有一個公園,遊客可以順便游水或打高爾夫球。
景點資訊
- 名稱:AYAMARU岬(あやまる岬)
- 地址:鹿兒島縣奄美市笠利町大字須野682
- 交通方式:從奄美機場巴士乘搭開往「佐仁」之巴士,於「AYAMARU岬(あやまる岬)」落車後徒步約3分鐘。
奄美必去:土盛海岸
![](https://content.fun-japan.jp/renewal-prod/cms/articles/content/jpg_2021-07-29-09-17-49.jpg)
土盛海岸係奄美堪稱景色最靚、最享負盛名嘅海灘,距離奄美機場只有7分鐘車程。
景點資訊
- 名稱:土盛海岸
- 地址:鹿兒島縣奄美市笠利町宇宿
- 交通方式:從奄美機場乘搭開往「佐仁」之巴士,於「土盛站」落車後徒步約5分鐘。
奄美必去:原始紅樹林
![](https://content.fun-japan.jp/renewal-prod/cms/articles/content/jpg_2021-07-29-09-19-58.jpg)
奄美大島住用町內至今仍然保留著原始紅樹林,遊客可以參加紅樹林獨木舟體驗行程。紅樹林距離奄美機場約70分鐘車程,您亦可以從機場搭巴士前往。
景點資訊
- 名稱:原始紅樹林
- 地址:鹿兒島縣奄美市住用町石原
- 交通方式:於「名瀨West Court前」巴士站乘搭開往「古仁屋」方向之巴士,於「紅樹林公園前」落車。
奄美大島正式被列入世界自然遺產!
![](https://content.fun-japan.jp/renewal-prod/cms/articles/content/jpg_2021-07-29-09-22-13.jpg)
2021年7月26日,聯合國教科文組織(UNESCO)世界遺產委員會舉行會議,正式決定將日本鹿兒島縣奄美大島、德之島,以及沖繩縣沖繩本島北部與西表島森林等地列入世界自然遺產,成為繼鹿兒島縣屋久島、青森縣・秋田縣白神山地、北海道知床,東京都小笠原群島後,日本國內第5處世界自然遺產!
Comments