日本人男性平均壽命81.09歲, 而女性87.26歲, 可以講係世界長壽國頭幾位。其中特別在於日本女性成日都睇落好後生。究竟點解會咁嘅呢? 我哋嘗試喺日本賣緊嘅女性雜誌呀, 日本女性常用嘅網頁搜索, 然後整理咗7個法則出嚟。就等我哋逐一介紹返日本女性嘅飲食習慣啦。
1. 總之自然而然地食取發酵食品
日本人喺飲習方面唔可以缺少發酵食品, 例如味噌, 鼓油, 漬物(日式醃製食物), 納豆, 日本酒等等。當煮嘢食時, 都總會加入呢類發酵食品。唔只係食用咁簡單, 連好出名嘅高級化妝品品牌SK-II嘅產品成份都有90%以上係日本酒酵母之一嘅培養液添! 唔只內服, 仲會外用俾皮膚吸收呢。
發酵食品有助腸臟蠕動, 所以對保養靚靚皮膚都好有關係。皮膚好, 睇落人都可以靚啲啦。咁呢個習慣都好合理吖。
2. 唔會過份攝取糖份
喺日本無次次食完飯都要食租品嘅習慣, 就算食甜嘢, 都係下午同咖啡一齊品嚐。呢個情況就應該可以解釋得到點解日本無乜肥胖人士啦。
再者, 人類老化嘅原因其中之一就係糖份。喺餐飲吸取過多嘅糖份就會喺身體內集結成蛋白質, 令細胞等功能衰退, 從而喺肌膚上出現皺紋、暗沉同斑點等問題。
3. 重視卡路里嘅飲食習慣
就算唔係減緊肥都好, 日本人都會喺整便當呀, 和菓子, 麵包, 甜品等食物時都會Check吓卡路里先。一睇到卡路里成份表, 高到嚇親而放棄買嗰食品嘅人都唔少㗎。最近都一直有新發售嘅0kg卡路里, 無糖嘅酒精飲料等產品推出添。而家最興嘅就係卡路里比較低嘅威士忌梳打水。
4. 著重食嘅先後次序
近幾年喺雜誌呀電視上都好興咁圍繞「食嘅先後次序」呢個話題。只要改一改食物進食嘅次序, 就可以預防或者改善到日常生活病痛。而家有唔少model同藝人都用緊呢套方法呢。對於「好味嘅食物梗係想食啦但又怕肥」嘅人嚟講, 只要每次都記住呢個次序去食就無有怕啦!
「進食先後次序」嘅4個基本重點
- 首先食蔬菜
- 之後食蛋白質嘅餸菜
- 最後先食白飯
- 慢慢食, 好好咁仔細咀嚼
5. 進食前只要飲杯水就可以當Diet?
食飯前飲1杯份量嘅水就可以抑制到食欲。水會令胃部有飽肚嘅錯覺。而想要最理想嘅效果就係要喺食飯30分鐘前飲水。但要小心飯前或者食嘢期間唔好飲太多水, 否則就會溝稀咗胃酸同消化酵素, 而體內酵素不足嘅話就會變成瘦唔到嘅體質㗎喇。
6. 記住食八成飽就好喇
香港有「一日一蘋果, 醫生遠離我」嘅講法, 而日本從古時開始都有差唔多嘅講法就係「食嘢八成飽, 醫生遠離我(腹八分目に医者いらず)」。即係唔好食到飽到上心口先停, 控制食到八成左右飽就係最健康嘅食法。每次都食到十成飽嘅話, 會加重消化器官喺運作方面嘅負擔。同埋八成飽可能有助美肌, 美髮添。八成飽可以抑制過多活性酸素, 即係可以講係減慢老化嘅速度。
要避免食得太飽, 可以做嘅就係仔細咀嚼。咁樣就可以刺激到腦部嘅中樞神經, 帶出「食少少都有滿腹感」嘅錯覺。有咀嚼效果嘅食物例如係蔬菜同菇類都好推薦㗎。
7. 唔揸車返工放工
日本人多數都係搭電車返工, 自然行路嘅時間都增加咗, 而呢個時候就係運動嘅機會喇。美國哈佛大學嘅研究得出, 維持每星期行路行2個半鐘有助延長7年壽命, 如果只要朝早行75分鐘都可以延長2年壽命呢。
要活得又健康又長壽嘅美麗人生, 飲食習慣中維持平衡感都係好基本同重要嘅。無論係正餐定小食, 五穀澱粉主食類定係送飯嘅餸菜, 都要好好咁取得平衡呀。
Comments