大阪係一個擁有豐富個性、有好多美食嘅城市。熱門嘅手信包括各種美味食物，例如甜品、小食等。仲有好多種類豐富嘅商品，從經典手信到特色“大阪”商品都有，可以購買自己鍾意嘅種類！我哋一於睇下大阪手信攻略吧。
大阪站周邊紀念品購物攻略
大阪梅田地區
由於便利嘅地理位置，梅田地區非常適合購物。大阪車站周圍地區聚集咗各式商店，百貨地下食品街有好多經典嘅甜點及手信禮品等。
大阪南區
喺大阪可以搵倒各式各樣雜貨，以及有趣又有特色嘅手信禮唔。喺車站月台上嘅販賣店「KIOSK」就可以輕鬆購買一些食物及飲料。何不為你嘅旅程挑選一個紀念品呢？
大阪城天守閣紀念品店
想搵大阪城嘅紀念品，可以前往JR環狀線大阪城公園站嘅「大阪城天守閣」、「Miraiza大阪城」及「Short Terrace Osaka」選購。包括大阪城限量商品、季節性商品、零食點心、鎖匙圈、工藝品等等。
喺大阪城天守閣一樓及八樓嘅紀念品店，有好多大阪城相關商品，如頭盔、大阪城模型、明信片、鎖匙圈、燈籠、裝飾工藝碟、海報等。
如果想逛逛更大嘅商品店，請前往Miraiza大阪城裡嘅「大阪城本陣」，呢度有豐富嘅商品，如盔甲、劍、雜貨，以及大阪限定商品等。另外，仲有一家係「忍屋 大阪城店」，網羅豐富嘅雜貨，如忍者武士相關商品、日本小物等。「忍屋 大阪城店」裡面有「手裡劍道場」體驗區，遊客可以體驗扔飛鏢、忍者嘅武器也可試用。你一定會想喺呢個有趣嘅商店留下紀念照！
店舖資訊
- 名稱: 大阪城天守閣紀念品店
- 地址: 大阪市中央區大阪城1-1
- 交通: 乘搭JR大阪環狀線到「大阪城公園站」、「森之宮站」落車後，步行約15～20分鐘
店舖資訊
- 名稱:「大阪城本陣」和「忍屋 大阪城店」
- 地址: 大阪市中央區大阪城1−1 Miraiza大阪城１樓
- 交通: JR「大阪城公園站」或「森ノ宮站」各徒歩15分鐘
大阪國際機場(伊丹機場)手信
大阪國際機場（伊丹機場）匯集咗關西地區乘搭國內航班嘅旅客，可以搵倒豐富嘅手信禮品，包括代表性嘅大阪紀念品，以及來自鄰近城市京都、神戶嘅紀念品。仲有限時供應嘅商品、新商品，以及機場限定品。
自從機場航廈大樓中央區重新裝修之後，手信商店變得更加豐富多元。日式及西洋甜品嘅種類尤其引人注目，因為有太多選擇以至於很難抉擇！ 如果你唔知道要買邊樣，建議可以選購大阪國際機場限定紀念品。
機場仲有一個特殊嘅雜貨商店，可以喺果度搵倒大阪主題嘅商品，如領呔、鎖匙圈及杯子。仲可以搵倒機場吉祥物周邊商品，揀個紀念品為你嘅旅程作為紀念吧！
店舖資訊
- 名稱: 大阪國際機場(伊丹機場)
- 地址: 大阪府豊中市螢池西町3丁目555
- 交通: 從JR大阪站乘搭利木津巴士約30分鐘
大阪特產「章魚燒」作為手信
嚟到大阪不可不食嘅美食非「章魚燒」莫屬。章魚燒係一種起源於大阪嘅小食，烤成直徑約3至5cm嘅球形，麵團中會包章魚及椰菜。呢個係一個經典嘅大阪美食，前往大阪旅行至少要試一次！
雖然手信選擇有好多，但以美味及造型聞名嘅「章魚燒」令人念念不忘！當然有冷凍章魚燒，各種各樣睇起嚟似章魚燒嘅零食、章魚燒口味嘅小食等。章魚燒風味小食係日本遊客喜愛嘅大阪手信禮品。
另外仲有章魚燒相關雜貨，包括章魚燒形鎖匙扣及毛絨玩具等。可以喺車站周圍或機場嘅紀念品店購買。
大阪海遊館可愛療癒紀念品
「大阪海遊館」係世界上最大嘅水族館。海遊館係一座高8層樓嘅水族館，館內有15個以上嘅大型水族箱，可以睇倒迅速游水中嘅巨型鯨鯊，係大阪嘅熱門旅遊景點。遊覽大阪水族館海遊館時，一定會想逛逛紀念品店。
觀賞海洋生物之後，可以前往紀念品店選購餅乾糖果、海洋生物嘅可愛毛絨玩具、原創商品等等！
店舖資訊
- 名稱: 大阪・海遊館
- 地址: 大阪府大阪市港區海岸通1-1-10
- 交通: 從大阪地下鐵中央線「大阪港站」1號出口步行約5分鐘
Comments