位於京都府北部嘅「天橋立」，松樹茂盛嘅沙灘，形狀好似橋一樣衍伸至對岸，形狀特殊而被稱為日本三景之一。如果去遊呢度，就要訂間可以眺望絕景嘅酒店喇。下面小編為大家介紹3間可以享受溫泉、海鮮料理，溫暖身心嘅酒店。
最適合享受美麗景觀嘅「天橋立酒店」
「天橋立酒店」坐落喺距離車站步行僅1分鐘嘅好位置。相當適合盡情享受天橋立嘅美麗景觀。可以邊浸溫泉邊喺海景房內放鬆，悠閒度過一日。房間窗戶可以睇到出面各季節嘅景色。另外，可以一望天橋立嘅空中露天浴池等，館內設置以神話為概念嘅美麗溫浴設施。仲有瞭望大浴場、露天浴池、桑拿、焗爐等，可以好好紓解疲勞。酒店嘅中庭更設置足湯，可以邊浸足湯邊悠閒欣賞天橋立景色。
客房有日式、西式、日式西式混合房，亦有附設露天浴池嘅特別房型，可以一覽眼前嘅天橋立，並喺露天浴池內優雅休閒咁放鬆。餐點方面，酒店提供使用「丹後」嘅豐富大自然時令食材所烹調嘅料理。相當推薦邊欣賞天橋立邊用餐。除咗日本料理之外，喺緊鄰嘅餐廳都可以享用法式料理。
酒店資訊
- 酒店名稱：天橋立酒店
- 地址：京都府宮津市字文珠310番地
- 交通方式：從京都站乘搭JR山陰本線前往「福地山站」。轉搭京都丹後鐵道喺「天橋立站」落車後步行1分鐘
天橋立步行即可達 地理位置極佳嘅文珠莊
「文珠莊」係緊貼天橋立建造嘅酒店。最大嘅魅力係每間客房都可以眺望天橋立運河同松樹林。步行即可抵達天橋立，前往附近嘅智恩寺、廻旋橋、天橋立View Land等嘅著名景點都相當方便。
喺用餐方面亦相當講究。館內嘅石窯餐廳「MON」，可以享用由開放式廚房料理嘅京都蔬菜披薩以及海鮮料理等。用瞬間最高溫達500度嘅石窯製作，外表焦脆，內裡鬆軟。邊望著運河邊享用料理可以話係相當特別嘅體驗。
酒店資訊
- 酒店名稱：文珠莊
- 地址：京都府宮津市天之橋立海岸
- 交通方式：從京都站乘搭JR山陰本線前往「福地山站」。轉搭京都丹後鐵道喺「天橋立站」落車後步行4分鐘
能充分享受飽含日本風情 「對橋樓」
「對橋樓」亦都係一間可徒步前往天橋立嘅住宿設施。日本知名詩人‧與謝野晶子都曾經投宿過。客房主要係鋪著塌塌米嘅日式房型。可以充分感受到飽含日本味嘅氣氛。無論邊間客房，都可以眺望美麗嘅日本庭園。
溫泉種類相當豐富，係對橋樓嘅特徵。女湯有3種，「漁師釜」、「酒樽」、「檜木」。男湯則係有「岩石浴池」以及喺天橋立運河隔離嘅露天浴池「流木露天浴池」。可以泡著天橋立知名嘅美肌湯，悠閒地度過。
酒店資訊
- 酒店名稱：對橋樓
- 地址：京都府宮津市天之橋立回旋橋畔
- 交通方式：從京都站乘搭JR山陰本線前往「福地山站」。轉搭京都丹後鐵道喺「天橋立站」落車後步行4分鐘
Comments