京都美術館、博物館5選

本文精選京都旅遊值得一去嘅美術館及博物館。呢片千年古都唔單止凈係得寺廟，意外地，現代美術、漫畫、美酒文化，甚至現代建築都好出名。從最重量級嘅「京都國立博物館」、現代主義嘅「京都國立近代美術館」、全日本最大嘅「京都國際漫畫博物館」、可以感受日本清酒風情嘅「月桂冠大倉紀念館」，到京都近郊嘅世外桃花源「MIHO美術館」，一個個都唔可以錯過!

1.千年古都最重量級嘅博物館：京都國立博物館

具有120年歷史嘅「京都國立博物館」，係京都最重量級嘅博物館。展館分為明治古都館及平成知新館兩部分。茶室及戶外庭園嘅展示都非常值得一睇。運氣好嘅話，仲可以遇到人氣吉祥物—可愛嘅「TORARIN」老虎！

館藏品大約14,000件，涵蓋陶瓷、考古、繪畫、雕塑、水墨、染織工藝、金屬工藝、漆器等領域。主要係京都喺平安時代到江戶時代之間嘅文化資產，展示同保存文物嘅同時，亦從事研究及教育推廣活動。除咗館藏品精選常設展外，每年仲會舉2到4次嘅特展。喺呢度可以盡情欣賞日本傳統文化嘅精粹。

景點資訊

• 景點名稱：京都國立博物館
  
• 地址：〒605-0931京都市東山區茶屋町527
  
• 交通方式：京阪電車「七条站」，向東步行7分鐘
  
• 開館時間：9:30～17:00（星期五、星期六至20:00）；休館日：新曆過年期間、每個星期一（如星期一為公眾假期則照常營業，順延至隔日作休息）。
  
• 常設展票價：成人520 円（特展需另外購票）
  

2. 古都嘅現代主義：京都國立近代美術館

坐落於綠意盎然嘅岡崎公園中，面對平安神宮大鳥居、毗鄰琵琶湖水渠嘅京都國立近代美術館，係一座具有灰色花崗岩外觀、現代感十足嘅建築。而家所睇到嘅美術館建築物於1986年竣工，由日本著名建築師槙文彦所設計。

12,000件以上嘅館藏品，以京都及西日本嘅日本畫及工藝品為中心，種類包含日本畫、洋畫、書籍、雕刻、工藝品、攝影等。三樓係特展室，四樓則係館藏品常設展。身在四樓大廳，仲可以同平安神宮嘅朱紅色大鳥居一樣高，近距離欣賞呢座魄力十足嘅建築。

景點資訊

• 景點名稱：京都國立近代美術館
  
• 地址：〒606-8344 京都府京都市左京區岡崎圓勝寺町26-1
  
• 交通方式：地下鐵東西線「東山站」1號出口步行10分鐘；京都市營巴士5號、100號、46號，於「岡崎公園 美術館・平安神宮前」落車即到。
  
• 開館時間：9:30～17:00（週五、週六至20:00）；休館日：新曆過年期間、每個星期一（星期一為公眾假期則照常營業，順延至隔日作休息）。
  
• 常設展票價：成人430 円（特展需另外購票）

3. 五萬冊漫畫任你睇：京都國際漫畫博物館

喺京都呢個充滿傳統文化氣息嘅千年古都，居然有一座「京都國際漫畫博物館」！而且仲係全日本規模最大。館內收藏多達30萬件以上嘅漫畫史料，從日本早期漫畫原稿到世界各地嘅漫畫作品都有。從江戶時代嘅戲畫浮世繪、明治・大正昭和初期嘅漫畫雜誌、到今日倍受歡迎嘅漫畫作品、甚至國外嘅翻譯漫畫都有。

館內最受注目嘅，係從一樓到三樓、總長約200公尺嘅「漫畫之壁」（マンガの壁），放置約5萬冊嘅單行本漫畫，供參觀者自由取閱。依據適合閱讀嘅對象分為：1樓少年漫畫、2樓少女漫畫、3樓青年漫畫。簡直就係漫畫愛好者嘅天堂。

景點資訊

• 景點名稱：京都國際漫畫博物館
  
• 地址：〒604-0846 京都市中京區烏丸通禦池上路(原龍池小學)
  
• 交通方式： 京都市營地鐵：烏丸線・東西線「烏丸御池站」2 號出口步行2分鐘
  
• 開館時間：10:00〜18:00；休館日：新曆過年期間、毎星期三休館（星期一為公眾假期則照常營業，順延至隔日作休息）。
  
• 票價：成人800円

4. 實地感受日本清酒風情：月桂冠大倉紀念館

月桂冠大倉紀念館係全日本最大嘅製酒公司之一「月桂冠株式會社」所營運嘅博物館。由始建於1909年嘅酒窖改造而成，1982年對外開放參觀。本館以淺顯易懂嘅方式，向大眾介紹日本酒嘅發展歷史以及釀造程序。除咗常設展嘅400件釀酒嘅器具之外，館內仲還播放傳統嘅釀酒歌，重現當年酒窖嘅氛圍。參觀結束後還可以喺大廳品嚐銀釀酒等美味日本酒。

景點資訊

• 景點名稱：月桂冠大倉紀念館
  
• 地址：〒612-8660 京都市伏見區南濱町247番地
  
• 交通方式：
  
•  搭乘京阪本線從中書島站步行5分鐘、伏見桃山站步行10分鐘
•  於JR京都站轉乘近鐵京都線，從桃山御陵前站步行10分鐘
•  於JR京都站轉乘JR奈良線，從桃山站步行18分鐘
• 開館時間：9：30～16：30。
  
• 休館日：新曆過年期間（12月28日到1月4日）；盂蘭盆節期間（8月13日到8月16日）。
  
• 票價：成人400円

5. 世外桃源美學仙境：MIHO美術館

位於京都近郊嘅MIHO美術館，由設計巴黎羅浮宮玻璃金字塔等著名建築嘅貝聿銘博士所打造。設計MIHO美術館嘅時候，貝聿銘以中國古典文學作品—陶淵明嘅《桃花源記》作為構想來源。桃花源記描述一位漁夫，喺划船嗰陣突然遇見一片桃花林，漁夫行入桃花林中，發現一座洞窟，洞窟後面嘅那端，居然係一片明亮安樂嘅桃花源村落。

於是，貝聿銘為美術館建造一條深長隧道，喺隧道中營造出靜謐空間，配搭金屬質感嘅壁面，讓人彷彿進入時光隧道。穿越隧道後，嚟到隱身山林中嘅桃花源仙境—MIHO美術館。館藏品除咗豐富多樣嘅日本美術品以外，亦涵蓋埃及、西亞、希臘、羅馬、南亞、中國等世界各地嘅古代美術品。希望來館者都能夠喺呢度享受大自然與建築交織而成嘅藝術空間。

景點資訊

• 景點名稱：MIHO美術館
  
• 地址：〒529-1814 滋賀縣甲賀市信樂町田代桃谷300
  
• 交通方式： 自JR石山站乘搭往「MIHO MUSEUM」嘅帝產巴士，約50分鐘
  
• 開館時間：10：00～17：00
  
• 休館日：春、夏、秋季各開館期間中每個星期一（星期一為公眾假期則照常營業，順延至隔日作休息）。
  
• 常設展票價：成人1,100円