到京都南禪寺進入禪宗境界

南禪寺位於京都熱門景點哲學之道嘅南端，係臨濟宗南禪寺派嘅大本山。佔地廣闊嘅南禪寺內遍佈花園、子廟宇、甚至人工水道，係一個你可以花半日好好探索京都之美嘅好地方。

有關南禪寺

南禪寺嘅歷史可以追溯到1264年，當時龜山天皇因鐘情於此地方而興建一個離宮（有別於主要皇宮嘅宮殿）。之後到1291年，龜山天皇成為佛心大明國師弟子後，將宮殿轉為南禪寺院。

經過多年來，南禪寺範圍擴充，現時可以見到附近建有唔少子廟宇。另外，雖然本來於13世紀建成，但三門（主門）曾被摧毀，並於1628年作為悼念因大坂之陣內戰期間喪生嘅人而重建。

因為南禪寺佔地廣大，遊客可以花約半日時間遊覽所有寺內景點。從三門至方丈庭園（清涼殿），基至疏水（人工水道）都好值得到此一遊。

首先推薦嘅特色就係三門，大人付500円就可以登上第二層，喺閣樓望出去可以欣賞到美麗嘅京都景色。喺方丈庭園，你可以欣賞到被列為國家指定名勝、「枯山水」庭園嘅景色，甚至可以試吓運用想像力，將眼前石頭幻想成其他事物。

另外，亦推介去遊覽子廟宇嘅南禪院，係龜山天皇安葬嘅地方，院內亦有供奉著其雕像。進入子廟宇需付額外入場費為300円。

秋季係其中一個去南禪寺嘅最佳季節，因落葉而令寺院滿地又紅、又黃、又橙嘅樹葉，景色非常迷人。而且可以免費進入寺內指定地方，啱哂想慳錢又想睇紅葉靚景嘅你！最睇到靚景嘅地方就推薦從三門閣樓望出去，彷彿可以睇到眼前有一張色彩鮮豔嘅地毯一樣美麗。呢個絕對係其中一個京都睇靚景好去處！

南禪寺嘅開放時間因季節而有所不同。一般從3月1日至11月30日為08:40至17:00，而從12月1日至2月最後一日為08:40至16:30。

南禪寺內需付費進入嘅地方共劃分為3個唔同地區，各別係三門、方丈庭園同南禪院子廟宇，而其他寺院內嘅地方都可以免費遊覽。

入場費方面，詳情如下：

如果有興趣體驗禪座暝想，都可以報名參加院內舉辦嘅座禪會。費用方面大人1,000円、中學及小學生500円。如需要茶的話，可額外付500円獲得一杯。