如果你曾經想探究一下漫畫嘅世界，京都國際漫畫博物館就最適合不過。喺呢度你會發現到成千本漫畫整齊排列喺書架上，甚至仲可以參加工作坊。一於同小編一齊嚟探究呢個受漫畫愛好者歡迎嘅天堂啦！
有關京都國際漫畫博物館
於2006年11月，京都市與京都精華大學共同合作，創立咗國際漫畫博物館。目的係令漫畫愛好者，小朋友甚至係成人都可以享受午後快樂時光，了解更多有關日本漫畫嘅歷史發展。
坐標鄰近烏丸御池車站，前身為龍池小學。現今成為一間綜合型漫畫典藏中心。
內裡展出超過30萬件物品，從江戶時期嘅雕版印刷，到明治時代，大正時代，昭和時代出版嘅雜誌應有盡有，記錄漫畫嘅歷史同發展。
京都國際漫畫博物館定時舉行展覽，講座，同工作坊。推薦大家可以踴躍參與呢啲工作坊，令每一次嘅到訪都成為獨一無二嘅體驗！
適合帶同小朋友一齊嚟參觀
於京都探訪咗成日嘅寺廟與神社，一於帶同小朋友一齊嚟參觀京都國際漫畫博物館，參與唔同嘅活動，靈活一下腦袋。例如MM連環畫劇（MM Kamishibai ）係一個日本傳統講故仔嘅方式，透過紙片人講故仔，簡單易明，即使唔係幾識日文都無問題。
呢度仲設置咗一個兒童圖書館，藏有約3000本繪本，比較細嘅小朋友肯定可以喺呢度度過愉快嘅時光。博物館並無提供嬰兒車租借服務，但於1樓洗手間內設有尿布檯以及授乳室。
開放時間以及入場費用
京都國際漫畫博物館開放時間由上午10:00至下午6:00，最遲入場時間為下午5:30。逢星期三作休息。如果撞正紅日，新年假期，或維修期間則順延至星期四作休息。
開放時間隨時有可能變更，不作另外通知。請事先致電詢問或可以上官網check一下最新營業日期以及時間。
入場費用成人為800円，中學生為300円，而小學生則係100円。設置團體入場（需20人或以上）。
景點資訊
- 景點名稱: 京都國際漫畫博物館
- 地址: 京都府京都市中京區烏丸御池 京都國際漫畫博物館 603-0846
- 交通方式: 從烏丸御池站2號出口徒步約2分鐘
推薦一間附近嘅蕎麥麵老鋪
京都百年老店「御用蕎麦司本家尾張屋」只係距離京都國際漫畫博物館幾個街口嘅路程，創於1465年，前身為糖果屋，直到江戶時代中期開始提供蕎麥麵餐點。
蕎麥麵麵條每日使用當地純淨水以及最優質嘅材料所製作，精緻細膩嘅味道肯定令人驚歎。
店鋪資訊
- 店鋪名稱: 御用蕎麦司本家尾張屋
- 地址: 京都府京都市中京區仁王門突抜町322 604-0841
- 交通方式: 從烏丸御池站1號出口徒步約5分鐘
推薦一間附近嘅購物商場
雖然喺京都站隔離有一間AEON百貨公司，從京都國際漫畫博物館徒步13分鐘路程可以抵達寺町京極商店街，對於動漫愛好者嚟講係一個好消息。
於寺町京極商店街，可以搵到各式各樣嘅動漫商品，例如漫畫，動漫角色模型，收藏品，海報等等應有盡有！
景點資訊
- 景點名稱: 寺町京極商店街
- 地址: 京都府京都市中京區永樂町232 604-8091
- 交通方式: 從烏丸御池站1號出口徒步約11分鐘
推薦鄰近嘅酒店
如果你搵緊靠近博物館嘅酒店，你就好彩啦！喺下一個街口就有兩間以優質舒適客房聞名嘅酒店提供宿泊服務。
REJOICE STAY京都烏丸御池酒店 (Hotel Rejoice Stay Kyoto Karasuma Oike)
想遊覽京都，揀選宿泊於公寓式酒店嘅REJOICE STAY京都烏丸御池酒店就最適合不過。房間內設有洗衣機，攜帶輕便服裝
房價由5,500円起，價錢根據房型以及人數而定。方便抵達京都國際漫畫博物館，錦市場商店街甚至係京都御所。
酒店資訊
- 酒店名稱: REJOICE STAY京都烏丸御池酒店 (Hotel Rejoice Stay Kyoto Karasuma Oike)
- 地址: 京都府京都市中京區塗師屋町345 604-0843
- 交通方式: 從烏丸御池站1號出口徒步約3分鐘
京都哈頓酒店 (Hearton Hotel Kyoto)
京都哈頓酒店距離烏丸御池站只係4分鐘步行路程，提供各式各樣嘅房型可以選擇，建築內設有餐廳。房價由8,000円起，價錢根據宿泊人數而定。另外提供免費Wi-Fi。
酒店資訊
- 酒店名稱: 京都哈頓酒店 (Hearton Hotel Kyoto)
- 地址: 京都府京都市中京區舟屋町405 604-0636
- 交通方式: 從烏丸御池站1號出口徒步約4分鐘
Comments